(გურია ნიუსი, ოზურგეთი) _ ოფიციალური ინფორმაციით, გასულ კვირას, ურეკის რწმუნებული ვაჟა ჭანუყვაძე თანამდებობიდან გაათავისუფლეს. როგორც ოზურგეთის მუნიციპალიტეტის გამგებლის მოადგილე მიხეილ გოგოტიშვილი “გურია ნიუსთან” საუბარში აღნიშნავს, განცხადება თანამდებობიდან წასვლის შესახებ ჭანუყვაძემ თავად დაწერა:
_ ურეკის რწმუნებულმა ვაჟა ჭანუყვაძემ განცხადება თავისი ნება-სურვილით დაწერა, ოჯახური პირობების და ჯანმრთელობის მდგომარეობის გამო. ის ძალიან კარგი ადამიანია, თუმცა, შერჩეული გვყავს ახალი კადრი _ ურეკის მკვიდრი ემზარ გოგიტიძე, რომელიც ყოფილი რწმუნებულის რეკომენდაციით დაინიშნა. იგი შემართებით შეუდგება დაკისრებული მოვალეობის შესრულებას და მჯერა, თავსაც გაართმევს საქმეს, _ თქვა გოგოტიშვილმა.
