ბრიფინგის დაწყების წინ გელბახიანმა განაცხადა, რომ დღეს ბადრი პატარკაციშვილის დაბადების დღეა და დიდი იმედი აქვს, რომ ქართველი ხალხი არ დაივიწყებს პატარკაციშვილის ღვაწლს და პატივს მიაგებს მის ხსოვნას.
27 ოქტომბრის არჩევნების შეფასებისას გელბახიანმა განაცხადა, რომ ეს არჩევნები იყო უფრო სტაბილური და მშვიდი, რომ საზოგადოებას არ უნახავს კომპრომატების ომი და საბოლოო ჯამში წინგადადგმულ ნაბიჯად შეაფასა, თუმცა აღნიშნა, რომ მაინც რჩება ეჭვის საფუძველი და მთავრობას ადგილობრივი თვითმმართველობის არჩევნებამდე აუცილებლად გასაკეთებელი ქმედებების რეკომენდაცია მისცა.
“პირველი საკითხი, რომელიც თვითმმართველობის არჩევნებამდე აუცილებლად უნდა მოაგვაროს მთავრობამ, ეს არის საარჩევნო სიების იდენტურობა, წინააღმდეგ შემთხვევაში ყველა ჩატარებული არჩევნების შემდეგ მაინც დარჩება ეჭვი-ხომ არ გაყალბდა არჩევნები. მეორე საკითხი ეს არის ხმების დათვლის პროსეცი. მთავარია ვინ დათვალა ხმები. წელს ხმებს ითვლიდა ნაციონალები და ოცნება, სხვა არავინ გააკარეს ამ პროცესს. ეს ბადებს ეჭვს, იქნებ სხვისი ბიულეტინები დადეს ნაციონალების პაკეტში და სწორედ ამიტომ მიიღეს მათ 20-22%, რეალურად ასეთი დიდი რაოდენობა არ იქნებოდა, რადგან ხალხის განწყობა ყველამ ვიცით. სწორედ ამიტომ აუცილებელია შეიცვალოს დათვლის სისტემა ან უნდა შეიცვალოს კომისიების შემადგენლობა. პირადად მე, მარგველაშვილის გამარჯვებაში ეჭვი არ მეპარება, მაგრამ არ მჯერა ბაქრაძის მეორე ადგილი და რომ მომავალშიც არ იყოს ეს ეჭვები, საჭიროა ამ ორი საკითხის სასწრაფოდ მოგვარება.”
ბრიფინგზე ვალერი გელბახიანმა შესთავაზა ჟურნალისტებს ჩაატარონ ექსპერიმენტი.
“მიდით ჟურნალისტები ნებისმიერ უბანზე, გახსენით ბაქრაძის პაკეტი და იქ აუცილებლად ნახავთ ბურჯანაძის ბიულეტინებს”.
