ნუგზარ წიკლაური მადლობას უხდის ასევე იმ მოსამართლეს, რომელმაც ბაჩანა ახალაია ე.წ სპეცრაზმელების საქმეზე გააამრთლა.
“ქართულმა სასამართლომ ბაჩო ახალაიას მიმართ გამამრთლებელი განაჩენი გამოიტანა, რითაც ერთმნიშვნელოვნად დადასტურდა, რომ ბრალდება სიცრუე იყო და მხოლოდ პოლიტიკურად მოტივირებული. მე მინდა ღრმა პატივისცემა გამოვხატო, ქართული სასამართლოს ამ გადაწყვეტილების მიმართ, რადგან ის მიღებული იყო უმაგალითო პოლიტიკური ზეწოლის ფონზე. ერთადერთი საქმე ამჟამად რომელზეც ბაჩო ახალაიას ბრალი ედება ეს არის, ე.წ ციხის ბუნტის საქმე. სადაც სამარცხვინო მოსამართლე ჩხიკვაძემ კრიმინალურ ავტორიტეტებთან ერთად გამამტყუნებელი გადაწყვეტილება გამოიტანა. მე ღრმად მწამს რომ ეს გადაწყვეტილებაც საბოლოო ჯამში, გაუქმებული იქნება და ბაჩო ახალაია თავისუფალი იქნება. დაუბრუნდება იმ საქმიანობას, რომლითაც მან თავი დაამახსოვრა ქართულ საზოგადოებას.ეს არის ქართული ჯარის აღმშენებლობა თავდაცვის სამინისტროში, მისი მოღვაწეობა და დაუღალავი ბრძოლა კრიმინალური სამყაროს მიმართ.
პრეზიდენტი თავად მიიღებს გადაწყვეტილებას. მე არ შემიძლია ამ საკითხის კომენტირება თუმცა მაქვს მყარად ჩამოყალიბებული აზრი, იმის თაობაზე რომ, ციხის ბუნტის გამო ბაჩო ახალაია გასამართლებულ იქნა კრიმინალური ავტორიტეტების მიერ”, _ განაცხადა საპარლამენტო უმცირესობის წევრმა ნუგზარ წიკლაურმა.
შეგახსენებთ, რომ გამოძიება ბაჩო ახალაიას, ბრალდებულ 7 პირთან ერთად, შინაგან საქმეთა მინისტრობის პერიოდში 7 სპეცრაზმელის წამებასა და არაადამიანურ მოპყრობას ედავება.
