_ ზოგადად, როგორ ჩაიარა საპრეზიდენტო არჩევნებმა და კონკრეტულად როგორ ვითარდებოდა მოვლენები მარტვილში? იყო თუ არა ეს ის არჩევნები, რომელიც ბოლო წლების განმავლობაში მართლაც ნაკლები დარღვევებითა და მეტი დემოკრატიულობით ჩატარდა?
_ კი, რა თქმა უნდა. უპრეცედენტო არჩევნები იყო ბოლო ათწლეულის განმავლობაში. იყო უმნიშნელო დარღვევები “ნაციონალური მოძრაობის” მხრიდან, თუმცა უშედეგოდ.
ჩვენი მხარე გაყალბებით ნამდვილად არ იყო დაინტერესებული, რადგან გვსურდა პროცესები დემოკრატიულად და ნორმალურად წარმართულიყო. ასეც მოხდა და ამის განმაპირობებელი მიზეზი, პირველ რიგში, საარჩევნო კომისიების კვალიფიციური კადრით დაკომპლექტება იყო. საბოლოო ჯამში ჩვენ არამარტო შედეგით, თვითონ პროცესით ვართ კმაყოფილები.
_ როგორც ცნობილია ადგილობრივი მუნიციპალიტეტის თანამშრომლები მალე კონკურსის საშუალებით დაინიშნებიან. თუ აპირებენ თქვენი წარმომადგენლები ამ კონკურსში მონაწილეობის მიღებას და როგორ ფიქრობთ რამდენად ობიექტური შედეგები შეიძლება დაიდოს ამ კონკურსის საშუალებით?
_ იმედია იმ ყველაფრის შემდეგ, რაც ამ ერთი წლის მანძილზე მოხდა და თუ საერთოდ დარჩათ ობიექტურობისა და დემოკრატიისადმი რაიმე პატივისცემა, მათი მხრიდან არ უნდა იქნეს რაიმე დრღვევები. მიკერძოებას არ უნდა ჰქონდეს ადგილი. არამგონია გაბედონ და ტენდენციურები იყვნენ.
ჩვენ ვაპირებთ მონაწილეობის მიღებას და ეს ერთგვარად მოსახლეობის მოთხოვნაცა. ხალხს უნდა სერიოზული, საფუძვლიანი ცვლილებები ყველგან და ყველაფერში.
მაგალითად, ერთ-ერთ სოფელში რაღაც პრობლემა შეიქმნა, რომელითაც ჩვენს გარდა არავინ დაინტერესებულა. ჩავერიეთ პარტიულ დონეზე, მაგრმ სამწუხაროდ ადგილობრივი თვითმმართველობის დონეზე არანაირ ბერკეტს არ ვფლობთ და აქედან გამომდინარე შესაბამისი დახმარებაც ვერ გავუწიეთ. თუმცა, არ აქვს მნიშვნელობა შეგვიძლია თუ არა მოსახლეობას დავემხაროთ შექმნილი პრობლემების მოგვარებაში, ჩვენ მაინც მათ გვერდით ვდგევართ და ვაგრძნობინებთ, რომ ვიზიარებთ მათ გასაჭირს.
_ ჯერ კიდევ რამდენიმე თვის წინ თქვენ განიხილებოდით გამგებლის პოსტზე. ხომ არა შეცვლილა რაიმე ამ კუთხით და ადგილობრივი თვითმმართველობის არჩევნების შემდეგ რამდენად უნდა ველოდოთ, რომ თქვენ იქნებით ოცნების კანდიდატი მარტვილის მუნიციპალიტეტის გამგებლის პოსტზე?
_ ადგილობრივი თვითმმართველობის არჩევნებამდე კიდევ არის დრო. საუბარია, რომ გამგებლებიც ისევე როგორც საკრებულოს თავმჯდომარე და წევრები, არჩევითი იქნება. ჩემს კანდიდატურასთან დაკავშირებით არაფერი არ შეცვლილა, მონაწილეობას აუცილებლად მივიღებ. ჩვენი ერთადერთი მიზანია ყველაფერი გავაკეთოთ კანონის ფარგლებში.
_ საპარლამენტო არჩვენების შემდეგ, როცა თითქმის ყველა რაიონში ადგილობრივი ხელისუფლების წარმომადგენლები შეიცვალნენ, მარტვილში ამ კუთხით არაფერი შეცვლილა. რასაც მაშინ თვითონ “ქართული ოცნების” წარმომადგენლებს შორისაც მოჰყვა დაპირისპირება. რა მდგომარეობაა ამ კუთხით ახლა? იქნება პარტია ერთსულოვანი თქვენი კანდიდატურის დასახელებისას?
_ ეს საკითხი მოგვარდა, ბევრი მივიდა იმ დასკვნამდე რომ სწორ გზას ვადგევართ და ბევრი მათგანი, ვინც ადრე გვემიჯნებოდა, შემოგვიერთდა. შესაბამისად, ჩვენი პარტია თვითმმართველობის არჩევნებზე ერთხმად წარადგენს კანდიდატურას როგორც გამგებლის, ასევე საკრებულოს წევრების პოსტზე. კანდიდატურა ერთი იქნება, დღეს ეს განწყობაა, მომავალის პროგნოზირება კი რთულია.
