“ფლაერები, რომლებიც განთავსებულია ეკო-ფუდის პროდუქტის შეფუთვებზე, არის ჩვეულებრივი საინფორმაციო ფლაერი, რომელზეც ხაზგასმით არის მითითებული, რომ მომხმარებელი ქველმოქმედი ხდება რძის შეძენის შემთხვევაში. მეტიც, ფლაერს, როგორც ყველა ვხედავთ თან დართული აქვს სტიკერიანი რძის ფოტო. ფლაერების ძველ ვერსიაში ნათქვამია, “ამ პროდუქტის ღირებულების,” ფრაზა წერია რძის ფოტოს გევრდით. უკვე დიდი ხანია რაც ეკო-ფუდის პროდუქტზე დევს ფლაერები ახალი ტექსტით, სადაც ნათქვამია, “რძის ღირებულების 10%.” ალბათ დამეთანხმებით, რომ თუ ეკო-ფუდს მომხმარებლის მოტყუება სურდა, ფლაერზე არც სტიკერიანი რძის ფოტო იქნებოდა და არც განმარტება.
კომპანიამ გადაწყვიტა, რომ უმჯობესი იქნებოდა თუ ფლაერებს არა ქუჩაში, არამედ ამ ფორმით დაარიგებდა, რადგან ეს არის გარანტია, რომ ინფორმაცას უშუალოდ ჩვენი პროდუქტის მომხმარებელები მიიღებენ.
ამასთანავე. ჩვენთვის, შეიძლება ითქვას, გასაკვირია ის ფაქტი, რომ აქცია უკვე თვეზე მეტია დაიწყო, მაგრამ არც ერთ კომპანიას და არც ერთ მედიასაშუალებას არ დაუწერია მის შესახებ. არადა თუნდაც ერთით მეტი ადამიანის ინფორმირება აქციის შესახებ, ქველმოქმედებაში პირდაპირი მონაწილეობა იქნებოდა. მედია და სოციალური ქსელებიც თემით მხოლოდ მაშინ დაინტერესდნენ, როდესაც კრიტიკის საშუალება მიეცათ. თუმცა აქვე უნდა ავღნიშნოთ, რომ პროდუქტში ფლაერების ჩადება მხოლოდ დროებითი აქციაა, რომელიც საწყის ეტაპზე მომხმარებლის ინფორმირებას ისახავდა მიზნად და ის ახლო მომავალში დასრულდება.
ამავე დროს, ეკო-ფუდი დიტო ცინცაძის ფონდთან თანამშრომლობას მომავალშიც გააგრძელებს და ჩვენ ჟურნალისტებთან ერთად ვიბრძოლებთ ლეიკემიით დაავადებული თითოეული ბავშვის გადასარჩენად”, _ აღნიშნულია განცხადებაში.
თუმცა, “გურია ნიუსში” გამოქვეყნებული მასალა ეყრდნობოდა მომხმარებელთა გამოკითხვას, სადაც გამოკითხულთა უმრავლესობა არ ფლობდა ინფორმაციას საქველმოქმედი აქციის დეტალების შესახებ და ნებისმიერი პროდუქტის შეძენის შემთხვევაში თვლიდა, რომ იგი აქციის მონაწილე ხდებოდა, რასაც სწორედ ზემოთ ნახსენები სტიკერი განაპირობებდა.
