“ჩვენი მოთხოვნაა, ქალაქის საკრებულოს მიმართ, სასწრაფოდ შეიცვალოს სააესტაციო კომისია რომელიც თვითმართველი ორგანოს მიერაა არჩეული და იგი ჩაანაცვლოს, იმ ადამიანებმა იმ პოლიტიკურმა ძალებმა და ორგანიზაციის წარმომადგენლებმა, რომლებიც დაინტერესებული არ არიან საკუთარი ოჯახის წევრების, ნათესავების და მეზობლების დაასაქმებით, ქუთაისის მერიაში.გარდა ამისა ოფიციალურად ვითხოვთ, რომ სასწრაფოდ გამოცხადდეს ქუთაისის მერის არჩევნები. თვითმმართველობის არჩევნებამდე, რომ ქალაქის მერი პასუხისმგებლობით მოეკიდოს იმ მოვალეობას რაც მას აკისრია”, _ განაცხადა “ქართული ოცნება – დემოკრატიული საქართველოს” ქუთაისის ორგანიზაციის თავმჯდომარემ მანანა მიქაძემ.
ქუთაისის მერიის მუდმივ მოქმედი საკონკუროს საატესტაციო კომისი ერთ-ერთი წევრი მამუკა მღვდელაძე მიქაძის ბრალდებებ პასუხობს და აღნიშნავს, რომ თუ ის კონკრეტულ ადამიანებს დაასახელებს კომისიაში ვინც ნეპოტიზმითაა დაკავებული უფრო კარგი იქნება. მღვდელაძე აქვე აღნიშნავს რომ ქალაქის მერი აუცილებლად ხალხის მიერ უნდა იყოს დანიშნული თუმცა, მიუხედავად ამისი დიდი სურვილისა ჯერჯერობით შეუძლებელია ვადამდელი არჩევნების დანიშვნა.
“მერის ვადამდელი არჩევნების ჩატარება ერთი ქალაქიდან ვერ გადაწყდება.ეს ამ ეტაპზე შეუძლებელია. თუმცა,ფაქტია არჩეული მერი უნდა ყავდეს ქალაქს. ამ ეტაპზე კი კომისიის მუშაობის მთვარი მიზანი ყველა საქმე რაც შეიძლება გამჭირვალედ იყოს წარმოებული.მასში ჩართული იყვნენ როგორც მასმედიის წარმომადგენლები, ასევე არასამთავრობო ორგანიზაციები. ჩვენ ვუზრუნველყოფთ რომ კომისიის საქმიანობის შესახებ ყველა ინფორმირებული იყოს”, _ განაცხად მამუკა მღვდელაძემ “გურია ნიუსთან” საუბრისას.
საზოგადოების მხრიდან პროტესტი მოჰყვა ასევე ქუთაისის, მერის მოვალეობის შემსრულებელთა ხშირ ცვლილებას. ამ დროისთვის ქუთაისის მერის მოვალეობას, ქალაქის ვიცე მერი გიორგი შარაბიძე რამდენიმე დღით ასრულებს. რეჟისორ პაატა მილორავას განცხადებით რომელიც მერიასთან გამართული აქცის ერთ-ერთი ორგანიზატორია ქუთაისს ,,ნაციონალები“ და “საქართველოს პატრიოტთა ალიანსი” მართავს. აქციის მონაწილეები მოითხოვენ რომ ქალაქის მერი თუნდაც 5 თვით დანიშნონ, რომ საზოგადოებამ იცოდეს ვის მიმართოს.
“ქალაქს “პატრიოტები” და “ნაციონალები” მართავენ. მოვითხოვთ, დასრულდეს ყოველ ორ კვირაში მერის მოვალეობის შემსრულებლის დანიშვნა. დანიშნონ მერი. თუნდაც მათი კაცი და თუნდაც ხუთი თვით. ოღონდ ჩვენ ვიცოდეთ ვის მივმართოთ. ასევე, ჩვენი მოთხოვნაა, ბოლომდე მივიდეს მერიაში გამოცხადებული კონკურსი. საკონკურსო კომისიის შემადგენლობა გაფართოვდეს და მრავალფეროვანი გახდეს”, _ განაცხადა პაატა მილორავამ.
