მისი თქმით, ბრალდების მხარეს არანაირი კონკრეტული მტკიცებულება არ გააჩნია, მერაბიშვილის და ჭიაბერაშვილის წინააღმდეგ. ქუთასის საქალაქო სასამართლოში დღევანდელ სასამართლო პროცესზე ბრალდების მხარის 16 მოწმე დაიკითხა.რომელთა უმრავლესობა წინასაარჩევნოდ ე.წ დასაქმების პროგრამაში იყო ჩართული, რომლის სანაცვლოდ ანაზღაურებას 240 ლარის ოდენობით იღებდნენ. ყოფილი პრემიერ მინისტრისა და კახეთის გუბერნატორის სასამართლო პორცეზე მოწმეები იმ დავალებებზე საუბრობდნენ, რომელიც მათ 240 ლარის სანაცვლოდ უნდა გაეკეთებინათ. გარდა წინასაარჩევნო აგიტაციისა და მოსახლეობაში ნაცმოძრაობის საარჩევნო ბუკლეტების დარიგებისა, ერთ-ერთ მოწმეს ირაკლი სულაბერიძეს იმ მოსახლეობის აღრიცხვა დაავალეს, რომლებმაც სახლში “global tv”-ს ანტენები დაამონტაჟა. როგორც მოწმე აღნიშნავდა გამომდინარე იქედან რომ ის სტიქაროსანია უარი თქვა ე.წ ენის მიტანაზე “ნაციონალური მოძრაობის” შტაბში და დავალება არ შეასრულა. თუმცა, 240 ლარი აიღო.
“მე როგორც სტიქაროსანმა უარი ვთქვი ენის მიტანაზე. ეს არ იქნებოდა სწორი საქციელი.მივედი შუამთაში”ნაციონალური მოძრაობის“” შტაბში და უარი ვთქვი დავალების შესრულებაზე”,_ განაცხადა მოწმე ირაკლი სულაბერიძემ.
მოწმეები აღნიშნავდნენ, რომ მათ დასაქმების პროგრამის შესახებ ადგილობრივი თვითმმართველობების წარმომადგენლებისგან და ,,ნაც-მოძრაობის“ აქტივისტებისგან გაიგეს. საქმეში აქტიურად ფიგურიებდა თერჯოლის რაიონის სოფელ ,,გოდოგნის“ გამგებელი გია ამბროლაძე, რომელმაც სამსახურის მაძიებლები თავად მიიყვანა სოციალური მომსახურების საგენტოში და ასე გაფორმდა ხელშეკრულებები. აღსანიშნავია ის ფაქტი, რომ ხელშეკრულების არცერთი ასლი, სასამართლო პროცესზე არ წარმოუდგენიათ,ამის მიზეზი კი მოწმეთა მხრიდან კონტრაქტის ასლის დაკარგვა იყო. აღნიშნულმა ფაქტმა დაცვის მხარის პროტესტი გამოიწვია. ისინი აცხადებდნენ, რომ ეს ბრალდების მიერ კარგად დაგეგმილი სისტემური პროცესია, ამის შემდეგ დაცვის მხარემ ჯვარედინი დაკითხვა შეწყვიტა.
“ჩვენ მთავარი პრეტენზია პროკურატურასთან გვაქვს, რომელიც მოწმეების რაოდენობით ცდილობს, მეტი დამაჯერებლობა შესძინოს საქმეს.მოწმეები ნამდვილად ბევრი ყავთ, მაგრამ მათი დაკითხვა დაცვის მხარემ პრაქტიკულად შეწყვიტა. რადგან ისენი ვანო მერაბიშვილის და ზურაბ ჭიაბერაშვილის ბრალეულობაზე არ საუბრობენ. ყვებიან რაღაც ისტორიებს, რომ გააფორმეს ხელშეკრულებები. გაუგებარია რა კავშირშია ეს ბრალდებულებთან. თუმცა,გასაგებია პროკურატურის პოზიცია. მოწმეების მოყვანით გააჭიანუროს საქმე და მათი უპრეცედენტო რაოდენობით წარმოაჩინოს რომ თითქოს რაიმე მტკიცებულებები არსებობს”, _ განაცხადა ვანო მერაბიშვილის ადვოკატმა ოთარ კახიძემ.
მოწმეთა ძირითადი ნაწილი აცხადებდა რომ მათ წინასაარჩევნო შეხვედრებზე მოსახლეობის მიყვანა ევალებოდათ. რასაც ასრულებდნენ. დაკითხულთა შორის იყვნენ ისეთებიც რომელთაც არაფერი გაუკეთებიათ. თუმცა, სანაცვლოდ, 240 ლარი “ლიბერთი ბანკის” ფილიალებში მაინც დაერიცხათ.სასამართლო პროცესი დაცვისა და ბრალდების მხარეებს შორის კამათის ფონზე მიმდინარეობდა. დაცვის მხარე მოწმეთა სანდოობას ეჭვ ქვეშ აყენებდა და ჩევენებების უზუსტობაზე საუბრობდა. პროკურომა ნათია სონღულაშვილმა დაცვის მხარე სიცრუესა და დემაგოგიაში დაადანაშაულა.
“დაცვის მხარის ყველა წარმომადგენელი ცრუობს.ეს ყველაფერი დემაგოგიაა”, _ განაცხადა პროკურორმა სონღულაშვილმა.
მის ამ რეპლიკას, დაცვის მხარის ადვოკატი გიორგი ჩივიაშვილი გამოეხმარა და სონღულაშვილის განცხადებას უპასუხისმგებლო უწოდა.
“გვეძახიან მატყუარებს,სიცრუეში გვდებენ ბრალს.ეს არის უპასუხისმგებლო განცხადება”, _ აღნიშნა ჩივიაშვილმა.
ბრალდებული კახეთის გუბერნატორი კი პროკურატრურის მიერ, მოწმეთა ზეწოლაზე საუბრობს მისი განცხადებით მოწმეებზე ფსიქოლოგიური ზეწოლა მიმდინარეობს.თუმცა, ჩვენებებიდან ჩანს, რომ მისი და ვანო მერაბიშვილის ბრალეულობა არ იკვეთება.
“დაცვის მხარემ და ჩემმა ადვოკატებმა, შეწყვიტეს ჯვარედინი დაკითხვა. იმიტომ რომ აზრი არ ქონდა ყველა მოწმეს პროკურატურის მიერ ქონდა დავალება მიცემული. პრაქტიკულად დაზეპირებული ჩვენებით მათმა უმრავლესობვამ ყველამ თქვა, რომ ხელშეკრულება ცხოვრებაში არ წაუკითხავთ ან ეს ხელშეკრულება დაკარგა. დაკითხვას აზრი არ ქონდა. ყველაზე მნიშვნელ;ოვაბი ის არის, რომ არანაირად არ დასტურდება რაიმე წინასწარ განზრახული ქმედება, ჩემი ან ვანო მერაბიშვილის მხრიდან”, _ განაცხადა ზურაბ ჭიაბერაშვილმა.
პროკურორ ნათია სონღულაშვილის განცხადებით 15-მა მოწმემ დაადასტურა, რომ ფულს ნაცმოძრაობის აგიტაციაში იღებდნენ.თუმცა, ის აქვე აღნიშნავს.
“წარმოდგენილი მოწმეები შედარებით დაბალი რგოლია. ბუნებრივია, მათთან ვანო მერაბიშვილი და ზურაბ ჭიაბერაშვილი არ მივიდოდნენ. ჩვენ გვყავს ისეთი მოწმეები, რომლებიც პირველ პირში იტყვიან ამის შესახებ”, _ განაცხადა სონღულაშვილმა.
ვანო მერაბიშვილის და ზურაბ ჭიაბერაშვილის სასმართლო პროცესი ქუთაის საქალქო საამართლოში 14 ნოემბერს განახლდება. პროცესზე ისვე ბრალდების მხარის მოწმეები დაიკითხებიან.
