“მიმდინარე წლის 14 ნოემბერს ინტერპოლის გენერალური სამდივნოს მიერ დაკავების და შემდგომი ექსტრადირების მიზნით ინტერპოლის წითელი ცირკულარები გამოიცა საქართველოს სამართალდამცავი ორგანოების მიერ ძებნილ 22.09.1978 წელს დაბადებულ დავით შოთას ძე კეზერაშვილსა (კონტროლის ნომერი A-7217/11-2013 და A-7218/11-2013) და 27.07.1972 წელს დაბადებულ ზურაბ შალვას ძე ადეიშვილზე (კონტროლის ნომერი A-7203/11-2013).
დავით კეზერაშვილს ბრალად ედება საქართველოს სისხლის სამართლის კოდექსის 338-ე მუხლის მე-2 ნაწილის “ა” ქვეპუნქტით, 338-ე მუხლის მე-3 ნაწილის “ე” ქვეპუნქტით (სახელმწიფო პოლიტიკური თანამდებობის პირის მიერ განსაკუთრებით დიდი რაოდენობის ქრთამის აღება), 214-ე მუხლის მე-2 და მე-6 ნაწილებით (საქართველოს ეკონომიკურ საზღვარზე საქონლის გადაადგილებასთან დაკავშირებული წესის დარღვევა-განსაკუთრებით დიდი ოდენობით მოძრავი ნივთის გადმოტანა ჩადენილი ორგანიზებული ჯგუფის მიერ), 194-ე მუხლის მე-3 ნაწილის “ა” და “გ” ქვეპუნქტებით (უკანონო შემოსავლის ლეგალიზაცია -ფულის გათეთრება-ჩადენილი ჯგუფურად, რასაც თან ახლდა დიდი ოდენობით შემოსავლის მიღება) და 182-ე მუხლის მე-3 ნაწილის “ა” და “ბ” ქვეპუნქტებით (ორგანიზებული ჯგუფის მიერ ჩადენილი დიდი რაოდენობით მითვისება/გაფლანგვა) გათვალისწინებული დანაშაულების ჩადენა.
ზურაბ ადეიშვილს ბრალად ედება საქართველოს სისხლის სამართლის კოდექსის 25-332-ე მუხლის 2- ნაწილით, 3-ე ნაწილის “ბ” და “გ” ქვეპუნქტებით, (ამსრულებლისა და თანამონაწილის პასუხისმგებლობა-სამსახურებრივი უფლებამოსილების ბოროტად გამოყენება), 25-144 პრიმა სამის 2-ე ნაწილის “ა”, “ბ”, “დ”, “ე”, “ზ” და “თ” ქვეპუნქტებით (ამსრულებლისა და თანამონაწილის პასუხისმგებლობა-დამამცირებელი ან არაადამიანური მოპყრობა), 25-145-ე მუხლით (ამსრულებლისა და თანამონაწილის პასუხისმგებლობა-დანაშაულის პროვოკაცია) და 25-369-ე პრიმა ერთის 3-ე ნაწილით (ამსრულებლისა და თანამონაწილის პასუხისმგებლობა-მტკიცებულების ფალსიფიკაცია) გათვალისწინებული დანაშაულებების ჩადენა,” _ ნათქვამია განცხადებაში.
