“ყოფილმა პრემიერმა ბატონმა ბიძინა ივანიშვილმა შეძლო შეუძლებელი, რომ ქვეყანა ასე უმტკივნეულოდ გამოეყვანა იმ რეჟიმიდან, რა ზეწოლის ქვეშაც იყო თითეული მოქალაქე. ვფიქრობ, რომ აი ეს ერთი წელი ბეწვის ხიდზე გავლას ჰგავდა და დღევანდელი მთავრობა, რომელმაც ერთწლიანი ეფექტური მუშაობა ჩაატარა, ჩვეგნგან მანდატის ღირსია. “, _ განაცხადა ჯანდაცვის კომიტეტის თავმჯდომარე დიმიტრი ხუნდაძემ.
უმცირესობა ბიძინა ივანიშვილის ერთ წლიან მუშაობაში დადებითს ვერაფერს ხედავს. გოკა გაბაშვილი მიიჩნევს, რომ ბოლო ერთი წელი საქრთველოს მთავრობას უკიდურესი ჩავარდნა ჰქონდა.
“ვფიქრობ, ეს იყო საქართველოს მთავრობის უკიდურესი ჩავარდნა. პირველი იმიტომ, რომ ჩვენ ვხედავთ ეკონომიკა აღარ იზრდება და მისი ზრდა შენელებულია. რაც შეეხება ბიუჯეტს, რამდენიმე ასი მილიონით ჩააგდო მთავრობამ ის. დღეს თავს იმით იმართლებენ, რომ სამაგიეროდ ხარჯებს არ გაწევენ. ქვეყანაში, რომელსაც ნამდვილად არ ულხინს და ამდენი პრობლემაა, კარგი იქნებოდა რომ ეს მილიონობით თანხები პრობლემების მოსაგვარებლად გამოეყენებინათ, თავის მართლების ნაცვლად. რაც შეეხება სამართალს, რომელზეც ასე ბევრს ლაპარაკობე,ნ შერჩევითი სამართალის ბევრი ფაქტი გამოვლინდა- პოლიტიკური ნიშნით დევნა, ადგილობრივი თვითმმართველობის დონეზე. ცენრტალურ დონეზეც, პოლიტიკური პარტიის ლიდერების დევნა, განსაკუთრებით გენერალური მდივნის დაკავება. ერთადერთი დადებითი არის ის, რომ ბოლომდე ვერ მოახერხეს გაფუჭება ჩვენს მიერ დატოვებული მემკვიდრეობისა და ვილნიუსში მოხდება ასოცირების ხელშეკრულების პარაფირება”, _ განაცხადა ფრაქცია “ნაციონალური მოძრაობის” თავმჯდომარე გოკა გაბაშვილმა.
