“ჩვენ დავუკავშირდით რეზო შენგელიას, რევაზ არველაძეს. ვუთხარით,რომ პრესკონფერენციას გავმართავთ იმის თაობაზე, რომ არჩევნები გაყალბებით ჩატარდა და რამდენიმე სუბიექტი არჩევნებს არ დაესწრო. მათ გვთხოვეს, რომ არანაირი პრესკონფერენცია არ ჩავატაროთ. გუშინ წინ თემურ ალექსაია იყო ფედერაციაში, გავაგზავნეთ სუბიექტების მიერ ხელმოწერილი საბუთები, რომ არ იყვნენ საქმის კურსში, ამ სამ დღეში შედგება კომიტეტის სხდომა და 10 რიცხვამდე დაიგეგმება ახალი არჩევნები”, _ ამბობს ცინცაძე.
ამის შემდეგ ჩვენ დავუკავშირდით რეზო არველაძესა და რეზო შენგელიას, რომლებმაც სატელეფონო საუბარში აღნიშნეს, რომ მართალია საჩივრების შესვლის შემდეგ საქმეს აღმასკომი განიხილავს, მაგრამ დაინიშნება თუ არა ხელახალი არჩევნები ჯერ-ჯერობით არაა ცნობილი
_მაგ საკითხს აღმასკომი განიხილავს დეკემბრის დასაწყისში, მანამდე ვერავინ ვერაფერ იტყვის. წარმოდგენილია დოკუმენტები, რომელიც უნდა შევისწავლოთ. გადაწყვეტილების მიღება არჩევნების ხელახლა დანიშვნასთან დაკავშირებით შეუძლია მხოლოდ აღმასკომს.
_თქვენ ესწრებოდით არჩევნებს და იყო იქ რამე კანონდრღვევა?
_მე არ ვარ იურისტი და რაც ჩემი თვალით ვნახე, იქ არანაირ დარღვევა არ ყოფილა, მაგრამ როგორც ვიცი, მეორე მხარის მიერ წარმოდგენილი არის საბუთები. ეს იურიდიული მხარეა, რაზეც მე პასუხს ნამდვილად ვერ გაგცემთ.
იმავეს აცხადებს რევაზ არველაძეც.
“ჩვენ მივიღეთ განცხადებები ჩატარებულ არჩევნებთან დაკავშირებით, როგორც დავპირდი მე მაგ ხალხს, ამის მოსმენა იქნება აღმასკომზე, რომელიც ჩატარდება დეკემბრის დასაწყისში. არჩევნები ჩატარდა ქრონოლოგიურად, იმ მომენტში იქ არ ვყოფილვარ, იყო ფეხბურთის ფედერაციის თანამშრომლები, ახლა მივიღეთ საჩივრები ამ არჩევნებთან დაკავშირებით. ჯერ-ჯერობით არანაირი გადაწყვეტილება ბათილობის ან არ ბათილობის შესახებ არ მიგვიღია. რამდენიმე დღის წინ მე “გურიის” კლუბიდან წარმომადგენელმა დამირეკა, შევთანხმდით ერთ მარტივ რამეზე, მათი პრეტენზიები აღმასკომზე იქნება განხილული, არავის არაფრის გარანტია არ აქვს, არც ბათილობის და არც არაფრის, არავის მასეთი პირობა არ მიუცია, ან რა უფლებით უნდა მიმეცა მსგავსი პირობა. სხვა საუბარი ჩვენს შორის არ ყოფილა”, _ ამბობს რევაზ არველაძე.
