შინაგან საქმეთა სამინისტრომ 2023 წლის მესამე კვარტალის განმავლობაში მომხდარი ავტოსაგზაო შემთხვევების წინასწარი მონაცემები გამოაქვეყნა.
სტატისტიკის მიხედვით, სულ საქართველოში, სისხლის სამართლოს კოდექსის 276-ე მუხლის მიხედვით, 1496 ავტოსაგზაო შემთხვევა მოხდა, რის შედეგადაც 121 ადამიანი დაიღუპა, 2027 კი დაშავდა.
რეგიონული დანაყოფების მიხედვით კი მომხდარი ავტოსაგზაო შემთხვევების სტატისტიკა ასე ნაწილდება:
თბილისში მომხდარია 659 ავტოსაგზაო შემთხვევა, რის შედეგადაც დაიღუპა 17, დაშავდა 760 ადამიანი.
აჭარაში 168 ავტოსაგზაო შემთხვევა მოხდა, დაიღუპა 11 და დაშავდა 234 ადამიანი.
სამეგრელო-ზემო სვანეთში 67 ავტოსაგზაო შემთხვევის შედეგად დაიღუპა 9, დაშავდა 113 ადამიანი.
იმერეთში, რაჭა-ლეჩხუმსა და ქვემო სვანეთში – 183 ავტოსაგზაო შემთხვევა მოხდა, დაიღუპა 26, დაშავდა 278 ადამიანი.
შიდა ქართლში მომხდარ 97 ავტოსაგზაო შემთხვევას 9 ადამიანი ემსხვერპლა, ხოლო დაშავდა 158. რაც შეეხება ქვემო ქართლს, 120 ავტოსაგზაო შემთხვევა მოხდა, დაიღუპა 17, დაშავდა 167 ადამიანი.კახეთში დაფიქსირებულია 85 ავტოსაგზაო შემთხვევა, რის შედეგადაც დაიღუპა 19, ხოლო დაშავდა 160 ადამიანი.
სამცხე-ჯავახეთში მომხარი 31 ავტოსაგზაო შემთხვევის შედეგად დაიღუპა 3, დაშავდა 38 ადამიანი.
მცხეთაში მოხდა 51 ავტოსაგზაო შემთხვევა. მომხდარი ავტოსაგზაო შემთხვევის შედეგად დაიღუპა 7, დაშავდა 76.
რაც შეეხება გურიას, – 35 ავტოსაგზაო შემთხვევა მოხდა, დაიღუპა 3 და დაშავდა 43 ადამიანი.
ამავე სტატისტიკური მონაცემების მიხედვით, მსუბუქი ავტომობილით 828 ავტოსაგზაო შემთხვევა მოხდა, რასაც 1 ადამიანი ემსხვერპლა,ხოლო 1174 დაშავდა.
სამარშრუტო სატრანსპორტო საშაულებით 84 ავტოსაგზაო შემთხვევა დაფიქსირდა. მომხდარ ავტოსაგზაო შემთხვევებს 4 ადამიანი ემსხვერპლა, 131 დაშავდა. სატვირთო ავტომობილით მომხდარია 96 ავტოსაზაო შემთხვევა, დაიღუპა 13, დაშავდა 139 ადამიანი. მოტოციკლით 230 ავტოსაგზაო შემთხვევა მოხდა, დაიღუპა 7 და დაშავდა 246 ადამიანი. სხვა სატრანსპორტო საშუალება – მომხდარია 12 ავტოსაგზაო შემთხვევა, დაიღუპა 4, დაშავდა 14 ადამიანი. ხოლო 73 შემთხვევაში სატრანსპორტო საშაუალების ტიპი დაუდგენელია. მსგავს ავტოსაგზაო შემთხვევების შედეგად კი, სტატისტიკის თანახმად, 76 ადამიანი დაშავდა.
