დავით საყვარელიძე: ყველა იდეალისტს და ოპტიმისტს ვულოცავ დღევანდელ დღეს! განურჩევლად იმისა ჩვენი მომხრე და მეგობარია, თუ არა… ვძულვართ თუ ვუყვარვართ… მიმაჩნია, რომ სიმბოლური თარიღია ზოგადად ყველასთვის! 2003 წლის 23 ნოემბერს, რწმენის, შინაგანი სიმტკიცის და პრინციპულობის ქრისტიანობის ყველაზე ცნობილი სიმბოლოს ხსენების დღეს საფუძველი ჩაეყარა ახალი ქართული სახელმწიფოს მშნებლობას;
მაშინ დამწყები თანამშროლელი ვიყავი იუსტიციის სამინისტროში და გამოგიტყდებით, ვერც კი წარმომედგინა, რომ დღეს აი ამ პოსტს ასეთი სიამაყით დავწერდი… რომ არა ხალხის ნება გამოხატული 2003 წელს, არც კი ვიცი საერთოდ რა მდგომარეობაში იქნებოდა დღეს ჩვენი ქვეყანა, ან საერთოდ იქნებოდა თუ არა, ალბათ ისევ მხოლოდ და მხოლოდ “ქვეყანა” ვიქნებოდით და არა შემდგარი სახელმწიფო… დღეს მეტი ასპარეზია და უფრო გამოკვეთილი გამოწვევებია ყოველი ჩვენგანის წინაშე… მადლობას ვუხდი და ქედს ვიხრი ყველა იმ ადამიანის წინაშე ( როგორც საჯარო, ისე კერძო და სამოქალაქო სფეროდან), რომლმებაც ახალი ქართული სახელმწიფოს იდეა ირწმუნა, ყველამ თავისებურად… და განსაკუთრებით ყველა ჩემს თანამებრძოლს, რომლებსაც თავი, ენერგია, ჯანმრთელობა, ნერვები და სიცოცხლეც კი არ დაუზოგავთ იმისათვის რომ საქართველო დღემდე ამ სინამდვილით მოსულიყო!
გულწრფელად მინდა რომ წლების შემდეგ მართლაც დადგეს ის სინამდვილე სადაც ვიტყვი, ესენი ჩვენზე უფრო მაგრები და წარმატებულები ყოფილან და უფრო ძლიერ ყვარებიათ ჩემი ქვეყანა მეთქი, ვინც არ უნდა იყოს… პირველი მივალ და მადლობას გადავუხდი…
ძლევამოსილი წმინდა გიორგი იყოს კვლავაც ყველას გამაერთიანებელი და გამაძლიერებელი ახალი და წარმატებული საქართველოსთვის ბრძოლის საქმეში!!! ბრძოლა გრძელდება!!!
ჩიორა თაქთაქიშვილი: ჩემო ძვირფასო მეგობრებო, რომლებთან ერთადაც ვიდექი რუსთაველზე, თავისუფლების მოედანზე, კანცელარიასთან ზუსტად 10 წლის წინ, იცოდეთ, რომ ყველა მახსოვხართ და ძალიან მიყვარხართ, მიუხედავად იმისა, რომ ზოგიერთი სულ ვეღარ გნახეთ ამ 10 წლის განმავლობაში! ჩვენ გარეშე არ იქნებოდა ის 9 წელი, რომელიც ისტორიაში შევა, როგორც ქართული სახელმწიფოს ყველაზე დაუღალავი აღმშენებლობის ეპოქა. ძალიან დიდი ბედნიერებაა ის, რომ სწორედ ჩვენ გვხვდა წილად ასეთი მნიშვნელოვანი ცვლილებების დროს გვეცხოვრა და თვითონაც მიგვეღო მასში მონაწილეობა! დიდი მადლობა მიშას და ნაციონალურ მოძრაობას იმისთვის, რომ ჩვენმა პროტესტმა ფუჭად არ ჩაიარა და დღეს ჩვენი ქვეყანა არის ის, რასაც ვერცერთი ჩვენთაგანი ვერ წარმოიდგენდა თუნდაც ყველაზე თამამ ოცნებაში ამ 10 წლის წინ!! დღევანდელ დღეს ვულოცავ ყველა პატიოსან მოქალაქეს, რომელთაც ჯერათ წარმატებული, ევროპული, ნატოს წევრი საქართველოს მომავლის! ჩვენ აუცილებლად გავიმარჯვებთ იმიტომ, რომ ჩვენ გვიყვარს საქართველო!!!
კობა სუბელიანი: გილოცავთ გიორგობას და ვარდების რევოლუციის 10 წლისთავს. დღეს სულ სხვა ქვეყანაში ვცხოვრობთ იმასთან შედარებით ვიდრე 10 წლის წინ იყო.
