მათ შორის მოხვდა ოზურგეთის პროკურატურაც. როგორც გვითხრეს, ოზურგეთის რაიონული პროკურატურის მთავარ პროკურორს, კახა კოჩივარს რამდენიმე დღეში ახალი კადრით ჩაანაცვლებენ. კოჩივარი ამ ინფორმაციას უარყოფს და ამბობს, რომ მისთვის აღნიშნულის შესახებ არავის უცნობებია:
_ პირველად თქვენგან მესმის. არანაირი მსგავსი ინფორმაცია არ მაქვს, _ აღნიშნა “გურია ნიუსთან” საუბრისას კოჩივარმა.
კახა კოჩივარი ოზურგეთის რიაონულ პროკურატურას 2010 წლიდან ხელმძღვანელობს. 2009-2010 წლებში იყო ქუთაისის რაიონული პროკურატურის პროკურორი; 2008-2009 წლებში საჩხერის რაიონული პროკურატურის რაიონული პროკურორი; 2007-2008 წლებში მუშაობდა ჭიათურის პროკურატურაში რაინულ პროკურორად.; 2006-2007 წლებში ჭიათურის რაიონული პროკურორის მოადგილე იყო; 2005-2006 წლებში დასავლეთ საქართველოს საოლქო პროკურატურის უფროსი გამომძიებელი; 2004-2005 წლებში იმერეთის საოლქო პროკურატურის საგამოძიებლო ნაწილის უფროსი გამომძიებელი; 2002-2004 წლებში ბაღდათის რაიონული პროკურატურის გამომძიებელი; 2001-2002 წლებში გამომძიებლის ვაკანტურ თანამდებობაზე სტაჟირებას გადიოდა; 1999-2001 წლებში მუშაობდა შსს საგამოძიებო დეპარტამენტის, ბაღდათის ქვეგანყოფილებაში.
როგორც ცნობილია კოჩივარი დასავლეთ საქართველოს საოლქო პროკურორის, ილია ჯალაღანიას ახლო მეგობარია. ჩვენი წყაროს ცნობით, არ არის გამორიცხული ახალმა მთავარმა პროკურორმა ჯალაღანიაც გაათავისუფლოს.
