“რამდენიმე დღეა მედია-საშაულებებით ბიძინა ივანიშვილისადმი მადლობებს ვისმენ და მეც მინდა შევუერთდე, კონკრეტულად დავით ნარმანიას კანდიდატურის დასახელებისთვის – აბსოლუტურად გულწრფელად ვამბობ, რადგან ამ ადამიანმა გადაწყვიტა, რომ ყველა სტერეოტიპი დაანგრიოს, რაც კი ჩვენს საზოგადოებაში არსებულა. ეს ჩემი აზრით, მხოლოდ მისასალმებელია. სტერეოტიპი დაანგრია, როდესაც პრეზიდენტად “კალიგულას ცხენი“ ავირჩიეთ და ახლა თბილისის მერად გვთავაზობენ კალიგულას პონს, არ ვშაყირობ, გულწრფელად ვამბობ… სტერეოტიპები უნდა დაინგრეს.
არ ვთვლი, რომ მაინცდამაინც ხოხობთან ერთად დაბადებული ადამიანი უნდა იყოს თბილისის მერი. ნარმანიაზე, როგორც მერობის კანდიდატზე ვერაფერს გეტყვით, ამაზე თბილისელებმა უნდა იმსჯელონ და არჩევნებზე დააფიქსირონ გადაწყვეტილება. შემიძლია ამ ადამიანზე ვისაუბრო, როგორც რეგიონული განვითარებისა და ინფრასტრუქტურის მინისტრზე. ამ ერთი წლის განმავლობაში 6 თვეში მან საერთოდ ვერაფერი ვერ გააკეთა, საერთოდ ყველა პროექტი გააჩერა, რადგან ვერ გაერკვა საერთოდ რისი მინისტრი იყო. შემდეგ მისი ხრიკებით თბილისის შემოვლითი რკინიგზის სამუშაოები გაჩერდა, რომლის 70 პროცენტი უკვე დაწყებული იყო, ასევე ხიდის მშენებლობაც,“ _ ამბობს უგულავა და დასძენს, რომ ნარმანიამ თბილისს გასული წლის განმავლობაში 2 უმნიშვნელოვანესი პროექტი “წაართვა“.
“ამ ადამიანს საერთოდ ხმა არ ამოუღია მაშინ, როდესაც მთავრობამ ქალაქს ბიუჯეტი 50 მილიონით შეუმცირა. ასევე, ამ ადამიანს ცენტრალური მთავრობიდან რეგიონების კოორდინირება ევალებოდა და როდესაც ამ ერთი წლის განმავლობაში რეგიონებში ცეცხლითა და მახვილით ყველა დონის სტრუქტურა ოცნების ხატზე აფიცებდა საკრებულოს არჩეულ წევრებს, ერთხელაც კიარ ამოუღია ხმა ნარმანიას და არ გაუპროტესტებია ის ძალადობა, რომელიც ადგილობრივი თვითმმართველობის მიმართ ხორციელდებოდა,“ _ გნაცხადა უგულავამ და დასძინა, რომ ნარმანიას მხოლოდ პარტიული ინერციიის ხარჯზე სურს ფონს გასვლა და გამარჯვება.
უგულავას თქმით, იგი ნარმანიას, ისევე როგორც მერობის სხვა კანდიდატებს, ღირსეულ წინასაარჩევნო კამპანიას სთავაზობს. ამასთან, იგი მერობის კანდიდატს დისკუსიაში იწვევს.
