“საქართველოს პარლამენტში ინიცირებული თვითმმართველობის კოდექსის პროექტი, რომელიც რესპუბლიკური პარტიის და მათი იდეოლოგიური მოკავშირეების მიერ არის შემუშავებული, ითვალისწინებს საქართველოს დაშლას ავტონომიურ ერთეულებად და ეს იმ ფონზე, როცა ქვეყანაში ყველაზე მწვავედ ტერიტორიული მთლიანობის პრობლემა დგას,” _ აცხადებს კუკავა.
ამასთან, მიიჩნევს, რომ თეა წულუკიანი დაპირებულ “სამართლიანობის აღდგენაზე უარს ამბობს”.
“იუსტიციის მინისტრმა ღიად დაადასტურა, რომ მართლმსაჯულების ხარვეზების დამდგენი კომისია აღარ შეიქმნება, რაც ქვეყანაში სამართლიანობის აღდგენაზე პირდაპირ უარს ნიშნავს,” _ ამბობს კუკავა.
როგორც იგი აღნიშნავს, საზოგადოებისთვის კარგადაა ცნობილი, რომ რესპუბლიკური პარტიის ინიციატივას წარმოადგენდა რეგიონული ენების შესახებ ქარტიის რატიფიცირებაც, რომლის განხილვაც საქართველოს კათოლიკოს პატრიარქის კატეგორიული პოზიციის შემდეგ დროებით გადაიდო.
“ამავდროულად ცალსახაა, რომ ეს ინიციატივები ასოცირდება ირაკლი ღარიბაშვილის მთავრობასთან და აღიქმება მისი ხელისუფლების მიერ მიღებულ გადაწყვეტილებებად, რაც იწვევს მისი კაბინეტის დისკრედიტაციას. ამდენად, მივმართავთ პრემიერ-მინისტრს, გამოხატოს საკუთარი პოზიცია ამ ორ ინიციატივასთან დაკავშირებით და დააყენოს დავით ნარმანიას და თეა წულუკიანის პასუხისმგებლობის საკითხი,” _ აცხადებს კუკავა.
