“
კოდექსი დაიჩეხა, შეიცვალა და ბუნებრივია როცა „ქართული ოცნების“ დეპუტაციის დიდი ნაწილი ეწინააღმდეგებოდა თავის დროზე კოდექსს, როცა ქართული ეკლესიის, საზოგადოების დიდი ნაწილი და პოლიტიკური პარტიები აცხადებდნენ, რომ ეს კოდექსი იყო ქვეყნისთვის დამღუპველი და ამის შემდეგ ეს ყველაფერი მერე ავტომატურად შეიცვალა, ამაზე პასუხისმგებლობა ვიღაცამ უნდა აიღოს. ეს ვიღაცა კი მინისტრი ნარმანია უნდა იყოს. ცუდია, რომ ის ისევ მინისტრის თანამდებობაზეა, ცუდია, რომ ვერ აცნობიერებს , რომ მის მიერ მომზადებული პროექტის უმეტესი ნაწილი აღარ არსებობს და არც უნდა აიღოს პასუხისმგებლობა”.
ვეფხვაძე აცხადებს, რომ თვითმმართველობის რეფორმა იმ სახით, რა სახითაც იყო წარდგენილი დავით ნარმანიას მიერ, ჩავარდა. ქრისტიან-დემოკრატიული მოძრაობის ლიდერის თქმით საკმაოდ ცნობილი მე-7 კარის მხოლოდ ორი მუხლია დარჩენილი კოდექსში და ისიც მხოლოდ იმიტომ, რომ „ქართულმა ოცნებამ“ ნამუსი მოწმინდოს მის კანდიდატს.
“სასაცილოა, რომ პროექტში მე-7 კარიდან მხოლოდ ორი მუხლია დარჩენილი, ესეც მხოლოდ იმიტომ, რომ „ქართული ოცნება“ ცდილობს ნამუსი მოწმინდოს თავის მერობის კანდიდატს. მოვუწოდებ “ქარულ ოცნებას” გადააყენოს ნარმანია მინისტრის თანამდებობიდან და შეცვალოს როგორც მერის კანდიდატი”.
ვეფხვაძე აცხადებს, რომ დღეს არავის უნდა “ნაციონალური მოძრაობის” მმართველობის დროს უპასუხისმგებლო მინისტრებს დამსგავსებული ნარმანია, ამასთანავე იმედს გამოთქვამს, რომ ახალი მთავრობის დროს მინისტრებს ყოველთვის ექნებათ პასუხისმგებლობის გრძნობა.
