თუმცა, ხელისუფლებაში მოსვლის შემდეგ, ეს თემა დავიწყებას მიეცა და სამინისტროები თუ სხვა საჯარო სამსახურები, ბიუჯეტის ხარჯზე საკმაოდ ძვირადღირებულ ავტომანქანებს ითხოვენ ან ყიდულობენ. ყველა მათგანს ერთი და იგივე მოთხოვნა აერთიანებს _ 2013 წლის გამოშვება და მაქსიმალური კომფორტი.
მაგალითად, სასჯელაღსრულების სამინისტროს სატენდერო დოკუმენტაციაში მითითებული აქვს როგორი მანქანა უნდა შეიძინოს: 2013 წლის მოდელი; რუხი, (ნაცრისფერი); არანაკლებ 4,5 ტურბო დიზელი; არანაკლებ 8-ადგილიანი; 8-ცილინდრიანი ძრავი, გადაცემეთა კოლოფი _ 6-სიჩქარიანი ავტომატიკა; მუდმივი 4X4, სიმძლავრე არანაკლებ 235 ც/ძ; საბურავი _ 285/60R18 ალუმინის დისკებით; 6-სიჩქარიანი მულტიმოდური ან მსგავსი კოლოფი; საჭის ჰიდრავლიკა; უკანა ელ. კარები; ინტეგრირებული მონიტორი ჭერში; ნავიგაცია, ეკრანი ხმით გამოძახება, ბლუთუსი; მძღოლის და მგზავრის უსაფრთხოების ბალიშები (წინა და გვერდითი, ფარდა ბალიშები წინა და უკანა მგზავრების მუხლის უსაფრთხოების ბალიშებით); მუხრუჭის ელ მართვა; მანქანის სტაბილურობის და მოცურების საწინააღმდეგო კონტროლი; გარე სარკეები გათბობით მეხსიერებით, ჩაკეცვით კამერით; ელ. ფანჯრები, ცენტრალური ჩამკეტი; ავტომატური 4-ზონიანი კლიმატკონტროლი; კრუიზ კონტროლი, საჭის ელ. ჰიდროგამაძლიერებელი; სანისლე ფარები წინა და უკანა; მანქანის სიმაღლის რეგულირება; უკანა სვლის მონიტორით კამერით. პარკინგ სენსორებით; წინა შუშის გამწმენდების გათბობით, ინტეგრირებული ანტენა უკანა შუშაში; წინა შუშის წვიმის სენსორი; უკანა შუშის გამათბობელი და გამწმენდი; სისტემაში ბარათით შესვლის და ღილაკით დაქოქვის სისტემა; საჭის ელ. ლიფტი მეხსიერებით; შიდა სარკის ავტომატური დამუქება; მაცივარი, ელ. საათი, გარეთა ტემპერატურის; მაჩვენებელი; ბიქსენონის ფარები ავტ. რეგულირებით და გამწმენდით; წინა ფარების რეგულირება; ცივი ქვეყნების პაკეტი; მულტი საინფორმაციო დისპლეი, ხის მოპირკეთება იმობალაიზერი სიგნალიზაცია წინა ფარების გამრეცხი ტყავის სალონი შავი, გვერდითი საფეხურები ხის და ტყავის სიჩქარეების გადამრთველი, ტყავის და ხის კომბინირებული საჭე გათბობით მძღოლის სავარძლის სიმაღლის რეგულირება, ელ. სავარძლები, ელ. ლუქი დისტანციური მართვით; წინა სკამების კონდიცირება; უკანა სალონის სწრაფი გათბობა და გაციება; აუდიოს და კლიმატის მართვა საჭიდან; სახურავის გამაძლიერებელი და რაც მთავარია _ სატრანსპორტო საშუალება უნდა იყოს ახალი (ექსპლუატაციაში არ მყოფი);
ამავე სამინისტროს კიდევ ერთი ტენდერის პირობების თანახმად, სედანის ტიპის, 2013 წლის გამოშვების ავტომანქანა აუცილებლად თეთრი ფერის უნდა იყოს. კარების გაღება უნდა შეიძლებოდეს პერსონალური კარტით; უნდა ჰქონდეს ღილაკით დაქოქვის ფუნქცია და აიპოდის შესაერთებელი კაბელი. რა თქმა უნდა ექსპლუატაციაში ნამყოფი არ უნდა იყოს.
აღსანიშნავია, რომ ეს ტენდერი სამინისტრომ მოგვიანებით გააუქმა. როგორც სამინისტროს საზოგადოებასთან ურთიერთობის დეპარტამენტის ხელმძღვანელი ირაკლი კორძაია ამბობს, ეს გადაწყვეტილება სამინისტრომ თავად მიიღო: – ეს იყო სასჯელაღსრულების დეპარტამენტის მიერ გამოცხადებული ტენდერი, რომელიც სამინისტრომ გააუქმა, რადგან ასე მიიჩნია საჭიროდ. ირაკლი კორძაია არ ადასტურებს ინფორმაციას, რომ ეს გადაწყვეტილება სამინისტრომ მედიაში შესაბამისი მასალების გამოქვენების შემდეგ მიიღო: _ მედიაში ეს ამბავი მას შემდეგ გაშუქდა, რაც ჩვენ ტენდერი გავაუქმეთ. ტენდერი უკვე სამი დღის გაუქმებული იყო სამინისტროს ინიციატივით, როცა ამის შესახებ დაიწერა, _ გვითხრა კორძაიამ.
იუსტიციის სამინისტროსაც ახალი, 2013 წლის გამოშვების ავტომობილზე აქვს მოთხოვნილება. დოკუმენტაციაში მითითებულ სედანის ტიპის ავტომანქანას ძრავის მოცულობა არანაკლებ 1.8 ლ ტურბოს ძრავით და არაუმეტეს 2.0 უნდა ჰქონდეს; სიმძლავრე არანაკლებ 132კვტ/180 ცხ.ძ; გადაცემათა კოლოფი – 7 საფეხურიანი, ავტომატური, წინა წამყვანი თვლები; უსაფრთხოების ქამრები; ცუდი გზების პაკეტი; ელექტრო რეგულირებადი მინები წინ და უკან; გატაცების საწინააღმდეგო სისტემა; სათადარიგო საბურავი სარემონტო მოწყობილობებთან ერთად; ცენტრალური ჩაკეტვა დისტანციური მართვით, 2 გასაღებით; მძღოლისა და წინა მგზავრის უსაფრთხოების ბალიშები; კონდიციონერი; ბორტ კომპიუტერი; ნაჭრის სალონი; ნისლსაწინააღმდეგო ფარები; საჭის ჰიდროგამაძლიერებელი; სრულიად მოთუთიებული ძარა 12 წლიანი ანტიკოროზიული გარანტიით; მუხრუჭების ბლოკირების საწინააღმდეგო სისტემა ABS; ალუმინის დისკები; ლაქირება მეტალის ეფექტი; რადიომაგნიტოფონი.
საქართველოს ენერგეტიკისა და ბუნებრივი რესურსების სამინისტროს მოთხოვნები ავტომობილთან დაკავშირებით ასე გამოიყურება: ცუდი გზების პაკეტი-ამაღლებული კლირენსი; ადაპტაცია დსთ-ს ქვეყნებისთვის; ცენტრალური საკეტი დისტანციური მართვით და 2 გასაღებით; ელ. რეგულირებადი მინები წინ და უკან; გატაცების საწინააღმდეგო სისტემა-იმობილაიზერი; – რადიომაგნიტოფონი კომპაქტდისკების დამკვრელით და MP3 ფორმატით; მძღოლისა და წინა მგზავრის აირბაგი; გვერდითი აირბაგები; კომპორტული სავარძლები თავის მისაყრდენებით; სამწერტილიანი უსაფრთხოების ღვედები; სალონის განათება; უკანა სავარძლები დაყოფილი და კეცვადი; სათადარიგო საბურავი სარემონტო მოწყობილობებთან ერთად; ნაჭრის სალონი; ტექსტილის ხალიჩები; მწეველთა პაკეტი; მსუბუქი ლითონის დისკები – დიამეტრი არანაკლებ 17; ABS; მძღოლისა და წინა მგზავრის სავარძელი რეგულირებით; ინტერიერის განათება; უკანა ხედვის შიდა სარკე დაბურვადი, წვიმის სენსორი.
სატენდერო დოკუმენტაციაში დაკონკრეტებულია, რომ უნდა იყოს ვერცხლისფერი, 2013 წელს გამოშვებული და გარბენი არაუმეტეს 40 კმ.
საქართველოს იუსტიციის უმაღლესი საბჭოსაც 2013 წელს გამოშვებული ავტომანქანაზე აქვს მოთხოვნილება. ფერი ვერცხლისფერი, სარკეების გამათბობლით; ქარხნულად დაბურული უკანა შუშებით და მაგნიტოლათი – (რადიო+CD+MP3);
ფინანსური მონიტორინგის სამსახურსაც ახალი, ექსპლუატაციაში არმყოფი მანქანა უნდა _ ცენტრალური საკეტი დისტანციური მართვით; ელექტრო სარკეები გამათბობლით და გვერდითა მოხვევის მაჩვენებლით; ელექტრორეგულირებადი შუშები; ტონირებული შუშები; ტყავით გაწყობილი საჭე; ტყავის სალონი; ფარების გამრეცხი; წინა და უკანა სავარძლები გამათბობლით; წინა სავარძლები გაგრილებით; წინა ელექტრორეგულირებადი სავარძლები მახსოვრობის ფუნქციით; ღილაკით დაქოქვის ფუნქცია; წვიმის სენსორი; განათების ავტომატური ჩართვა-გამორთვა; საქარე მინის გათბობა; ულტრაიისფერი სხივების გაუმტარი შუშები; პარკტრონიკი; სენსორული მონიტორი; დიოდური სტოპ ფარები; უკანა ხედვის კამერა; ქსენონის ფარები; რადიო+MP3+SD+USB საჭიდან მართვადი.
სამინისტროებს არც თბილისი საკრებულო ჩამოუვარდება. მათი მოთხოვნაც იგივეა. 2013 წლის გამოშვება მაქსიმალური კომფორტით. იგივე განაცხადი აქვს გაკეთებული სოციალური მომსახურების სააგენტოს. უფრო მეტი კონკრეტიკით _ ფერი ვერცხლისფერი, რუხი ან თეთრი.
საქართველოს იუსტიციის უმაღლეს საბჭოსთან არსებული სსიპ საერთო სასამართლოების დეპარტამენტს ექსპლუატაციაში არმყოფი, არანაკლებ 2012 წლის გამოშვების, შემდეგი ტექნიკური მახასიათებლების ავტომანქანა სურს: ძრავი არანაკლებ 1.4სმ3 და არაუმეტეს 1.6სმ3; გადაცემათა კოლოფი – არანაკლებ 4 საფეხურიანი, ავტომატური; საწვავის ავზის მოცულობა – არანაკლებ 40ლ; დაკიდება წინ; უკანა მინა თბობადი; მესამე სამუხრუჭე განათება; გარე ტემპერატურის მაჩვენებელი; ბორტ კომპიუტერი; კუთხურად რეგულირებადი საჭე; სიგრძეში და სიმაღლეში რეგულირებადი მძღოლის სავარძელი; უკანა სავარძლის საზურგე დაყოფილი და კეცვადი; ნაჭრის სალონი; მუხრუჭების სისტემა წინ: დისკური, უკან: დოლურა; კარის სახელურები და სარკეები ავტომობილის ფერში; სიჩქარეზე დამოკიდებული საჭის ელექტრო ჰირდოგამაძლიერებელი; უკანა მინის მწმენდავი; კონდენციონერი; არანაკლებ 2 აირბაგი; ABS; ალუმინის დისკები 15 185/65 R15; დროებითი სათადარიგო საბურავი; რადიო CD MP3 USB დინამიკები წინა და უკანა კარებში; დისტანციური ჩაკეტვა; ელ. სარკეები გათბობით; დიოდური ტიპის ფარები წინ და უკან; ღამის სენსორები; მულტიფუნქციური საჭე რადიოს მართვით; ბლუთუსი; ელ. მინები წინ და უკან; ფერი: შავი ან შავთან მიახლოებული მუქი ფერის.
საქართველოს პარლამენტის აპარატის მიერ გამოცხადებული ტენდერის თანახმად სედანის ტიპის 2013 წელში გამოშვებულ ავტომანქანებს უნდა ჰქონდეს: გადაცემათა კოლოფი – არანაკლებ 6 საფეხურიანი, ავტომატური ან ტიპტრონიკი; სიგრძე/სიგანე/სიმაღლე არანაკლებ 4500X1750X1440; ძრავის მოცულობა არანაკლებ 1800 სმ3, 4 ცილინდრი; ნომინალური სიმძლავრე – არანაკლებ 130 ცხენის ძალა; ძარა – სედანი 4 კარიანი, 5 ადგილიანი;საწვავის ავზის ტევადობა – არანაკლებ 50 ლიტრი; სათადარიგო საბურავი ალუმინის დისკით; პარკინგკონტროლი; საჭის ჰიდროგამაძლიერებელი; საჭის სიმაღლის და სიგრძის რეგულირება; აუდიო-რადიო სისტემა CD+MP3 AUX+USB; ალუმინის დისკები არანაკლებ R15; წინა სანისლე ფარები; ელექტრო კეცვადი სარკეები; ცენტრალური საკეტი დისტანციური მართვით; კონდიციონერი; ტონირებული შუშები. ფერი – რუხი ან ღია რუხი.
თითქმის მსგავსი ჩამონათვალი აქვს ყველა საჯარო უწყებას. არც ერთი ავტომანქანების ფასი 40 000 ლარს ქვევით არ მიდის. ეს მოთხოვნები უკვე დაკმაყოფილებულია და შესაბამისად, ბიუჯეტის ხარჯზე საჯარო მოხელეებს კომფორტი არ აკლიათ.
საქართველოს ფინანსური მონიტორინგის სამსახურს 50 000 ლარად შეძენილი ჯიპი ყავს. 133 300 ლარი დაუჯდა გადასახადის გადამხდელებს საქართველოს ბიუჯეტს ენერგეტიკისა და წყალმომარაგების მარეგულირებელი ეროვნული კომისიისთვის "ტოიოტა ლენდკრუიზერის" შესყიდვა.
გურიის სამხარეო მთავარმა სამმართველომ 196 500 ლარი გადაიხადა 3 ავტომობილში, რომლის ტექნიკური მახასიათებლები ასე გამოიყურება: 2013 წლის მოდელი; ძრავის მოცულობა 2.7 ლ. ბენზინი. სიგრძე X სიგანე X სიმაღლე 4760X1885X1845მმ; 5 ადგილიანი; 5 კარიანი; 4 სიჩქარიანი; ავტომატური კოლოფი; ABS+BA 4X4 187 ც.ძ; მუხრუჭის ელ. ისტრიბუცია; საწვავის ავზი 87 ლიტრი; რადიოCD Player; 6 ხმის გამაძლიერებელი; ანტენა; მძღოლის ორმაგი უსაფრთხოების ბალიში; მუხლის და გვერდითი ბალიში; ფარდა ბალიშები ორივე რიგისთვის; გარე სარკეები გათბობით ჩაკეცვით; კონდეციონერი; ტელეფონის ბლუთუს სისტემა; წინა და უკანა სანისლე ფარები; ტყავის საჭე; ცივი ქვეყნის პაკეტი; იმობილაიზერი; სიგნალიზაცია; ფარების გამრეცხი; გვერდითი საფეხურები; უკანა შუშის გამათბობელი და გამწმენდი 17" ალუმინის დისკი 265/65/17 საბურავით; მანქანის სტაბილურობის კონტროლი + TRC სახურავის გამაძლიერებელი; ნაჭრის სავარძლები; ელ. ფანჯრები; ცენტრალური საკეტი ქრომირებული სახელურები.
42 121 ათასი ლარი დაუჯდა საქართველოს ბიუჯეტს განათლების სამინისტროსთვის "კია სორენტოს" შეძენა.
საერთო ჯამში, ქართველ ხალხს, მხოლოდ ერთ წელიწადში ახალი ხელისუფლებისთვის კომფორტული ავტომობილების შეძენა რამდენიმე მილიონი ლარი დაუჯდა.
დღესვე, ცნობილი გახდა პრემიერ მინისტრის ირაკლი ღარიბაშვილის გადაწყვეტილების შესახებ, რომლის თანახმადაც სახელმწიფო დაწესებულებები მანქანების შესყიდვისას ერთიანი სტანდარტებით იმოქმედებენ. თუ რა სტანდარტებზეა საუბარი, ჯერჯერობით უცნობია.
