ქუთაისის საკრებულოში პარლამენტის საკითხზე მსჯელობდნენ

საკრებულოს წევრ ტარიელ მესხის განცხადებით, პარლამენტის ქუთაისში დარჩენა, ქალაქის განვითარებისთვის მნიშვნელოვანი და მთავარი პირობაა.

“ქუთიაისში საკრებულომ შეიმუშავა მიმართვა უსუფაშვილის სახელზე, რომ ქუთასისთვის მნიშვნელოვანია პარლამენტის არსებობა. მე ერთ-ერთ გამოცემაში წავიკითხე მხარის რწმუნებულის განცხადება, რომ პარლამენტის ადგილი ქუთაისში არ არის. მას ვთხოვ, რომ თავი შეიკავოს ასეთი ტიპის განცხადებებსიგან,“ _ განაცახდა საკრებულოს წევრმა ტარიელ მესხმა.

მესხის განცხადებას რეპლიკა მოყვა ფრაქცია “ნაციონალური მოძრაობის’ თავმჯდომარე გია უკლებას მხრიდან, რომელმაც აღნიშნა, რომ პარლამენტის ყოფნა არყოფნის საკითხს, ქუთაისში გუბერნატორი ვერ გადაწყვეტს და ამას კონსტიტუცია განსაზღვრავს. მან აქვე აღნიშნა, რომ აღნიშნული ცვლილებისთვის 113 ხმა სჭირდება საპარლამენტო უმრავლესობას, რომელიც საბედნიეროდ არ აქვთ.

“მადლობა ღმერთს, რომ გუბერნატორის გადასაწყვეტი არ არის იქნება თუარა პარლამენტი ქუთაისში. ასე რომ, პარლამენტი დარჩება ქუთაისში და ეს არის დიდი მიღწევა. რაც უფრო მალე შევწყვიტავთ პოლემიკას ამ თემაზე, უკეთესი იქნება,“ _ განაცხადა გია უკლებამ .

ქუთაისის საკრებულოს დღევანდელ სხდომას, პოლიტიკური განცხადებების და ბრალდებების გარეშე არ ჩაუვლია. დეპუტატმა გია გოქაძემ “ნაცმოძრაობიდან” წასულ დეპუტატებს მოგზაურები უწოდა და განაცხადა, რომ ამ დეპუტატებმა თავადაც არ იციან, რომელ ფრაქციაში არიან.

“თქვენი ფრაქციის სახელები ვერ დავიმახსოვრე, ხან ერთ ფრაქციაში ხართ, ხან – მეორეში. მოკლედ რომ ვთქვათ, მოგზაურთა კლუბში ხართ გაწევრიანებული,” _ განაცხადა ნაციონალმა დეპუტატმა გია გოქაძემ.