_ აქა ამბავი ავტობუსიდან გადმოყრილი ტკბილეულისა და გუბერნატორისა, რომელსაც პოლიტიკა არ აინტერესებს. შესავალი: მომიტევეთ წინასაახალწლოდ ამ თემის შემოთავაზებით, მაგრამ მაინც გადაწყვიტე გესაუბროთ ჩემი აზრით ძალიან მნიშვნელოვან ორ ფაქტზე (როგორც ჩვენში იტყვიან – ამბავზე), რომლიც წლის მიწურულს მოხდა და თავისი შიინაარსით ასახავს დღევანდელი ხელისუფლების არამარტო წინასაახალწლო დამოკიდებულებას გურიის მიმართ.
ამბავი პირველი: გურიის გუბერნატორმა ოზურგეთის დემოკრატიული ჩართულობის ცენტრში 28 დეკემბერს გამართულ შეხვედრაზე განაცხადა, რომ მას არ აინტერესებს პოლიტიკა. მასთან შეხვედრაზე მისულ ადამიანებს კი, რომლებიც საჯარო მოხელეების დანაშაულებრივ ქმედებებზე მიუთითებდნენ, ელემენტარული კითხვის დასმის გარეშე პირდაპირ პროკურატურაში აგზავნიდა. ასევე აშკარად ვერ დაკმაყოფილდა შეხვედრაზე მყოფი იმ ადამიანებს ცნობისმოყვარეობა ვისაც გუბერნატორის გეგმები აინტერესებდათ.
ამბავი მეორე: ამავე 27 დეკემბერს გურიას ავტობუსით მთვრალმა სანტაკლაუსმა ჩამოუარა ავტობუსით, რომელმაც პირდაპირ ავტობუსის კარებიდან გადმოყარა ტკბილეული, რასაც სანტას ბედნიერი და მეოცნებე სახით დამხვედრი ბავშვების მხრიდან დიდი აურზაური და შეხლა-შემოხლა მოჰყვა. ვიღაცას ფეხსაცმელი გასძვრა, ვიღაცას ტანსაცმელი შემოეხა, ვიღაცამ კონკურენტის მუჯლუგუნი მიიღო ერთი კამფეტის გულისათვის, ვიღაცა ტიროდა, ვიღაცა ყვიროდა, ვიღაცა იმუქრებოდა, ვიღაცას უბრალოდ გული დასწყდა რომ საერთოდ არაფერი არ შეხვდა და ა.შ. დაკვირვებული თვალისა და მოაზროვნე თავისათვის აშკარაა ყველაფერი ეს დაახლოებით ისე მოხდა, როგორც დიდებში საჯარო თანამდებობების დაპატრონებისას ხდება.
– აინტერესებდეს უნდა თუ არა გუბერნატორს პოლიტიკა გუბერნატორი ჩვენი კანონმდებლობის მიხედვით საჯარო პოლიტიკური მოხელეა და შესაბამისად ამ თანამდებობაზე მყოფი პირს უნდა აინტერესებდეს და ძალიან კარგადაც უნდა ერკვეოდეს პოლიტიკაში, განსაკუთრებით თუ კი გავითვალის¬წინებთ იმას, რომ მისი უფლებამოსილებები კანონის მიხედვით სხვა მხრივ საკამოდ შეზღუდულია. მიუხედავად იმისა, რომ გუბერნატორი თითქმის ერთი თვეა რაც დაინიშნა (ექვსი თვე დარჩა ადგილობრივ არჩევნებადე, რა დროსაც გუბერნატორის არჩევა/დანიშვნის და უფლება-მოსილების სხვა წესი შემოდის) და ამ დროის განმავლობაში მის აქტივობებში მხოლოდ ციტრუსის ჩაბარების ხელშეწყობა და ერთი ვიცეგუბერნატორის დანიშვნა შედის, რომელიც, როგორც თავად გუბერნატორიც ბიზნესიდანაა და პოლიტიკური გამოცდილების არმქონეა. შესაბამისად შეიძლება ითქვას, რომ გურიაში ორი ყველაზე მაღალი პოლიტიკური თანამდებობის პირს არა აქვს პოლიტიკური გამოცდილება და ორივენი წარმოშობით ბიზნესიდან არიან, ბიზნესიდან რომელიც ჯერჯერობით საქართველოში არ ყვავის. რამდენად მართებულია მათი დანიშვნა ამას დრო გვიჩვენებს, მე კი ეს ყველაფრი არასწორად მიმაჩნია, ვინაიდან ქვეყანაში უნდა არსებობდეს სახელმწიფო, სახელმწიფოში კი თანამდებობრივი იერარქიის საფეხურებზე ასვლის წინაპირობები, რამაც ნეპოტიზმის გარდა უნდა გამორიცხოს ვინმეს პირდაპირ გუბერნატორად ან ვიცეგუბერნატორად დანიშვნა. ამ პრინციპით დანიშვნა მოქალაქეთა კავშირის და ნაციონალური მოძრაობის ხელწერაა და ამან ჯერჯერობით კარგი ვერაფერი ვერ მოუტანა ქვეყანას.
– არის თუ არა გუბერნატორის პოზიცია მართებული გააგზავნოს მოქალაქე პროკურატურაში თუ კი ის მიუთითებს საბიუჯეტო სახსრების ფლაგვაზე ან მიტაცებაზე? თუ კი გუბერნატორის აპოლიტიკურობას და მის უფლებამოსილების ფარგლებს გავითვალისწინებთ ასეთი პასუხი შეიძლება მართებულადაც მოგვეჩვენოს, მაგრამ ჩემი აზრით ნებისმიერ ინფორმაცია საბიუჯეტო სახსრების არამიზნობრივ ხარჯვასთან დაკავშირებით საინტერესო უნდა იყოს მისთვის, რადგანაც თვითმმართველობის მოქმედებების კონტროლის ლეგიტიმური ვალდებულებები და საშუალებები გააჩნია. ამასთანავე აქვე დგება გუბერნატორის, როგორც მოქალაქის პოზიციის მართებულობის საკითხი, ჩემი აზრით მისი ვალია ნებისმიერი დანაშაულის შემცველი ინფორმაციის გადამოწმებაში დაეხმაროს დაინტერესებულ პირებს და თავადაც გამოიკვლიოს ესა თუ ის საკითხი. გუბერნატორი პოლიტიკაში გათვითცნობიერებული პირი, რომ იყოს ის აუცილებლად იზრუნებდა ნებისმიერი სადაო და საეჭვო ინფორმაციებში გარკვევავას, ან ასეთ შთაბეჭდილების დატოვებას მაინც შეეცდებოდა საზოგადოებაში. ვინაიდან ამ სახის ინფორმაცია ძალიან ვნებს ქართული ოცნების პოლიტიკურ რეპუტაციას.
– აქვს თუ არა გუბერნატორს რაიმე გეგმა და რატომ ინახავს ის ორ ,,კანფეტს,, ჯერჯერობით გუბერნატორის აქტივობებიდან გამომდინარე არ ჩანს რაიმე მისი გეგმების შესახებ, უფრო მეტიც არ ჩანს გეგმა. გეგმის შემუშავების შესახებაც კი. მაგრამ აქვე აშკარად იკვეთება ზოგადად ქართული ოცნების გეგმა – გურიაში არსებული სიტუაციის დაკონსერვებაზე. რაც იმას ნიშნავს, რომ ქართულ ოცნებისაგან ადგილობრივ არჩევნებამდე რაიმე მკვეთრი მოქმედებები – ეკონომიკური, სოციალური, კულტურული და პოლიტიკური სიტუაციის გაუმჯობესების მიზნით არ იგეგმება. ფაქტია, რომ ჩვენი გუბერნატორი ნელნელა იზოგებს ვიცეგუბერნატორების დანიშვნებს და თვეში მხოლოდ ერთს ნიშნავს, რადგანაც იცის რომ ამ დანიშვნებისადმი გურიის საზოგადოების ინტერესი ძალიან დიდია. თუ კი არსებული სიტუაციის პროგრესირებას გავითვალისწინებთ მისი უფლებამო¬სილების ექვსი თვიდან ორს სავარაუდოდ ვიცეგუბერნატორების მოძებნა/დანიშვნაში დახარჯავს. დანარჩენი დანარჩენს კი მომავალ თვითმართველობებში თანამდებობის განაწილებაში. ცნობილი ფაქტია, რომ “ქართული ოცნების“ ადგილობრივ ლიდერთა კარადებში ჯერ კიდევ ჰკიდია ,,სადიდთანამდებობოდ,, ნაყიდი ,,შარვალკასტუმები,,. შესაბამისად ორი ვიცეგუ-ბერნატორის თავისუფალი ვაკანსია ,,კანფეტივით,, მომხიბვლელია თანამდების მაძიებელთათვის. რომელთა თავებში ჯერ კიდევ კიაფობს იმის იმედი, რომ ვიცეგუბერნატრად მას დანიშნავენ, აქედან გამომდინარე ერიდებიან ნებისმიერი სახის აქტივობებს და კრიტიკას. შესაბამისად ვიცეგუბერნატორების ორი ტკბილი ვაკანსია ანეიტრალებს კოალიაციაში არსებულ მწვავე დაპირისპირებას და საზოგადოებამაც ცოტა დაისვენა ამ დაპირისპირების ამსახველი ინფორმაციისაგან. ადგილობრივი ლიდერებისა და თანამდებობის მომლო¬დინეთთაგან გუბენატორიც კეთილგანწყობას მიიღებს მანამ სანამ მათი იმედები არ გაქარწყლდება და თანამებრძოლისაგან მუჯლუგუნრტყმული ტკბილეულის გარეშე არ დარჩებიან. ძალიან სამწუხაროა, რომ ასეთი პრიმიტიული გეგმებით ცდილობს ქართული ოცნება იმ სიტუაციიდან გამოსვლას, რომელიც კოალიციის წევრთა პრიმიტიული დაპირისპირებების შედეგად შეიქმნა გურიაში.
ყველასათვის ცნობილია, რომ კოალიციის წევრთა ,,დიდი პოლიტიკური,, დაპირისპირების საფუძველში მათივე ძალიან ვიწრო თანამდებობრივ/ფინანსური ინტერესებია. რაც ძალიან სასაცილო მდგომარეობაში აყენებს გველეშაპ სააკაშვილზე (ასევე ადგილობრივი მნიშვნელობის გველეშაპ ნიკოლა¬იშვი¬ლზეც) გამარჯვებულ გურიის ,,პოლიტელიტას,,, რომელიც ჯერ თავის ,,სარაიას,, აშენებაზე ფიქრობს და თუ რაიმე მორჩა ეგება ხალხზეც იფიქროს, მაგრამ ხალხო გაითვალისწინეთ, რომ თავის სარაიაზე ჯერ არავის არ მორჩენია რამე. თავი მეოთხე – საიდან გამოგვეცხადა სანტაკლაუსი ან და საერთოდ რას ჰგავდა მისი სტუმრობა რაც შეეხება ავტობუსიდან გამოქნეულ ტკიბილეულს, ალბათ ვიღაცამ ჩათვალა, რომ ტკბილეულის გარეშე ისევე არ შეიძლებოდა, როგორც უგუბერნატოროდ. აქედან გამომ-დინარე მათთვის მთავარია, რომ ტკბილეული დარიგდა და არანარი მნიშვნელობა არა აქვს – ვისთვის, რამდენი და რა ფორმით. იმიტომ რომ სანტაკლაუსს გარდა იმისა, რომ მთვრალი იყო აშკარად ეტყობოდა, რომ ძაან ეჩქარებოდა გურიიდან წასვლა, თანაც წვერიც უჭერდა და ქუდიც ზედმეტად უთბობდა ისედაც გახურებულ თავს, რადგანაც თურმე ბიზნესიდან ყოფილა წარმოშობით და სულ არ აინტერესებდა თავისი მაღალი თანამდებობის არსი და მასთან შეხვედრაზე მისული მეოცნებე ბავშვები. ამასთანავე ფაქტია, რომ ლაპლანდიაშიც არ იყო სხვა რაიმე ნათელი გეგმა მის მოვლინებასთან დაკავშირებით. ბოლოსიტყავობა: ქართულ ოცნებას ისე მოაბეზრა თავი ჩვენებურ მეოცნებე ლიდერთა გაუთავებელმა კინკლაობამ და თბილისში ამბის ჩატანამ, რომ არც მათი იმედი აქვს და თანაც არც მათი გაშვება არ უნდა (რაიცი რაში გამოადგებათ). ეს ყველაფერი კი გურიაში არსებულ რთულ სიტუაციას ნამდვილად ვერ გააუმჯობესებს. შესაბამისად ოცნება მადლობელი იქნება თუ კი ადგილობრივ არჩევნებამდე სიტუაცია კიდევ უფრო არ გაუარესდება და დარჩება ისე როგორც არის, რა დავალებაც სავარაუდოდ ჩვენი გუბერნატორი ასრულებს, რომელიც მისივე მოქმედებებიდან გამომდინარე ისეთ შთაბეჭდილებას ტოვებს, რომ გურიაში ახლნასტუმრებ მთვრალი სანტაკლაუსივით დიდხანს არ გაჩერდება. მაგრამ არის ერთი მნიშვნ¬ელოვანი სხვაობაა ჯერჯერობით ამ ორ ამბავში – გუბერნატორს ჯერჯერობით ყველა კანფეტი არ გადმოუყრია და ვიცეგუბერნატორების პოსტების განაწილების შემდეგ, გურიაში მომრავლებულ თვითმმართველობათა თანამდებობების მომლოდინეებსაც დაურიგებს ტკბილეულს. რის შემდეგც გაწბილებული ნაწილი დაიწყებს ვაივიშს – ნაციონალების მობრუნებაზე, სამართლიანობის აღდგენაზე და ა.შ.
