ვახტანგ ყოლბაიამ ბავშვებს ახალი წელი მიულოცა და უფლის სიყვარული უსურვა. ჩვენ ქველმოქმედთა სახლი “მომავლის გზის” ხელმძღვანელს, დავით კინწურაშვილს გავესაუბრეთ.
“მინდა პირველ რიგში მთელ საქართველოს, თქვენს მკითხველს მივულოცო შობა-ახალი წელი და ბედნიერება ვუსურვო. სიხარულით ანთებული თვალები ჩვენთვის უცხო არ არის, სასიხარულოა, რომ გვერდით მდგომებიც გამოგვიჩნდნენ, დღეს ჩვენთან ერთად აფხაზეთის მთავრობის წარმომადგენლები არიან. ხედავთ, როგორ უხარიათ ამ ბავშვებს სულ პატარა ყურადღებაც კი, მათ თავი ჩვენი საზოგადოების სრულფასოვან წევრებად უნდა იგრძნონ, მაგრამ ქველმოქმედება მხოლოდ დღესასწაულებზე არ უნდა ხდებოდეს, უნდა ვეცადოთ ყოველი დღე გავახაროთ ის ადამიანები, ვისაც ეს ძალიან სჭირდებათ.
მინდა თქვენი სააგენტოს მეშვეობით მივმართო ყველა ადამიანს, ვისაც შეუძლია ქველმოქმედთა სახლ “მომავლის გზის” 2014 წლის პირველ პროექტში მიიღოს მონაწილეობა და ერთად შევძლოთ უამრავი ოჯახის დახმარება და ზამთრის ცივი დღეების გათბობა. მაღაზიათა ქსელმა “საგა”-მ ქველმოქედთა სახლს, “მომავლის გზას” გადასცა გაზის გამათბობელი 101 ოჯახის დასახმარებლად, ფონდმა 21 ცალი გამათბობელი გადასცა უსინათლოთა კავშირს ბენეფიციარების დასახმარებლად, ხოლო 80 გამათბობელს დაუმონტაჟებს ფონდის ბენეფიციარ მრავალშვილიან ოჯახებს. ერთი გამათბობელის დამონტაჟების ღირებულება შეადგენს 50 ლარს. მივმართავთ ყველას, ვისაც შეუძლია დახმარება თუნდაც ერთი ოჯახისთვის გადმოგვირიცხოს გამათბობლის დასამონტაჟებელი თანხა, ან იმდენი ვისაც რიში საშულება აქვს, თუნდაც ერთი ლარი, რადგან ვიცით რომ სწორედ თითო აგურის დადებით იქმნება ცათამბრჯენები. აქვე გეტყვით საბანკო რეკვიზიტებს, ვიცი ბევრი მკითხველი ჰყავს “გურია ნიუსს” და იმედი მაქვს მთელი საქართველო წაიკითხავს ამ ჩვენს მოკრძალებულ განცხადებას” :
თიბისი ბანკი. ანგარიშის ნომერი : GE97 TB11 0000 0360 8004 26/GEL მიმღები ქველმოქმედთა სახლი “მომავლის გზა” საინდიფიკაციო კოდი 205164052
მაგთი, ბილაინი, ჯეოსელი. 0901 500 546. ზარის ღირებულება ერთი ლარი.
დამატებით ინფორმაციისთვის დაგვიკავშირდით2 31 28 31 ან 596 10 84 84
სანამ სტუმრები და მასპინძლები საუბრობდნენ, სანამ ჟურნალისტები ინტერვიუებს წერდნენ და ფოტოკორესპონდენტები სურათებს იღებდნენ, ბავშვებმა ვეღარ მოითმინეს და მასწავლებლების თხოვნის მიუხედავად საჩუქრები გახსნეს. წასვლის წინ გახარებულმა პატარებმა თავისებურად გადაუხადეს მადლობა სტუმრებს იმ ჩახუტებით და მოფერებით, რომელსაც უჩვეულოდ დიდი რაოდენობით გასცემენ გარშემო მყოფებზე.
