“რუსეთი-აფხაზეთის საზღვარი ისევ ფსოუზე გადის, ოღონდ პირველი სასაზღვრო შემოწმება ფსოუდან 11 კილომეტრის მოშორებით დაიწყება”

“ისინი ხმამაღლა აცხადებენ, ოკუპირებული აფხაზეთის ტერიტორიაზე რუსებმა საზღვარი 11 კილომეტრით გადმოწიესო, გაუგებარი და აბსურდულია ასეთი განცხადებების გაკეთება, თუკი მათ აფხაზეთი მიაჩნიათ რუსების მიერ ოკუპირებულ ტერიტორიად, მაშინ რუსი მესაზღვრეები თუ სად გააკეთებდნენ საკონტროლო პუნქტებს ამას არანაირი არსებითი მნიშვნელობა არა აქვს , მით უმეტეს, ამ კონკრეტულ შემთხვევაში არა საზღვრის გადმოწევასთან გვაქვს საქმე, არამედ იმასთან, რომ აფხაზეთის ტერიტორიაზე დე-ფაქტო ხელისუფლებამ გააფართოვა სასაზღვრო ზონა 11 კილომეტრამდე, ერთი სიტყვით ე.წ. რუსეთი-აფხაზეთის საზღვარი ისევ ფსოუზე გადის, ოღონდ პირველი სასაზღვრო შემოწმება ფსოუდან 11 კილომეტრის მოშორებით დაიწყება, რაც დამეთანხმებით, რომ საზღვრის გადმოწევას კი არა, დროებით სასაზღვრო ზონის გაფართოებას ნიშნავს, ასე რომ ექსპერტები და მით უმეტეს ხელისუფლების უმაღლესი რანგის წარმომადგენლები როცა აფიქსირებენ პოზიციებს ოკუპირებულ ტერიტორიებან დაკავშირებით უკეთესი იქნება უფრო მეტი ინფორმირებულობა და ცოტა უფრო მეტი სიფრთხილე კონკრეტულ საკითხებთან მიმართებაში. ასევე გვიჩნდება კითხვა თვდაცვის მინისტრის განცხადებასთან დაკავშირებით,როცა ის ამბობს: ” …ის ძალები და საშუალებები, რომლებიც თავდაცვის სამინისტროს გააჩნია ყველა სცენარის მიხედვით, იქნება საკმარისი იმისთვის, რომ ყველა გამოწვევაზე რეაგირება მოვახდინით” – მიგვაჩნია, რომ აბსოლუტურად გაუგებარია და თანაც უადგილო ზემოთ მოყვანილ ფაქტთან დაკავშირებით ამგვარი განცხადების გაკეთება. რას უნდა ნიშნავდეს ყოველივე ეს? რომელ ძალებზე და საშუალებებზეა ლაპარაკი? ნუთუ ისევ ძალისმიერ მეთოდებზე და ძალისმიერ რეაგირებებზეა გამახვილებული ყურადღება? და რაც ყველაზე მთავარია, განსხვავდება კი, თარგამაძის 2008 წლის ომამდელი და ალასანიას დღევანდელი რიტორიკა ერთმანეთისგან(ტექსტი თითქმის იდენტურია)?
დამეთანხმებით ალბათ, რომ ამ კითხვებზე პასუხი, პირდაპირ მიგვანიშნებს ჩვენი ხელისუფლების არასწორ პოლიტიკაზე ოკუპირებულ ტერიტორიებთან მიმართებაში და მათი განცხადებები არ უნდა შემოიფარგლებოდეს ბორჯომის, ღვინისა და ციტრუსის ექსპორტის თემით, მაშინ, როცა აფხაზეთის ტერიტორიაზე სასაზღვრო ზონის თუნდაც დროებითი გაფაროება, შეიძლება “მცოცავი ოკუპაციის” განსხვავებული, ახლებური ფორმა აღმოჩნდეს”, _ წერს აჩბა “ფეისბუქის” საკუთარ გვერდზე.