დავით ჟღენტი: ვაპროტესტებ გუშინდელ ფირებს, სადაც გამოჩნდა, რომ დღეს წარმოჩენილი ერთ-ერთი ოპოზიციური ძალის ლიდერი უკვეთავს ადამიანების “ტრუპებს”. როცა ასეთ ბრძანებებს იძლევა თანამდებობის პირი და გვამებს ითხოვს, ასეთი ადამიანები არ შეიძლება არსებობდნენ საქართველოში. მოვითხოვთ, ისეთი ფაშისტური ორგანიზაცია, როგორიცაა “ნაციონალური მოძრაობა”, აიკრძალოს! ის ადამიანები, რომლებიც ჩანდნენ ფირში და თანამდებობებს ინარჩუნებენ დღეს, დაუყონებლივ დატოვონ თანამდებობა! მარტო ეს არ უშველის. ისინი პასუხისგებაში მისაცემები არიან! იმიტომ რომ მათ დაფარეს დანაშაული, უკანონო ბრძანება შეასრულეს. დანაშაულის დაფარვის შესახებ კანონი მიღებული აქვს თავად “ნაციონალურ მოძრაობას” და თავიანთი მიღებული კანონითვე უნდა გასამართლდნენ. ამბოხიც რომ ყოფილიყო, ადამიანის სიკვდილზე ბრძანების გაცემა უკვე არის დანაშაული. ჩანაწერების ავთენტურობაში ეჭვი არავის ეპარება, მით უმეტეს ნაციონალების წარმომადგენლება დაადასტურეს, რომ ეს ასე იყო.
ზვიად ბერაძე: ვანო მერაბიშვილმა განაცხადა, რომ ის აბსოლუტურად მართალია. იგი პირდაპირ გასცემს გვამების მიტანის ბრძანებას და ფაქტიც სახეზეა. გასცა ვანო მერაბიშვილმა ბრძანება, მოკლეს გია კრიალაშვილი. იგივე ემუქრებოდა კობა ოთანაძეს და ამირიძეს, მაგრამ ისინი რაღაც სასწაულით გადარჩნენ. მთავრობას მოვუწოდებთ, ჩაატროს ფირების ექსპრეტიზა. როდესაც მათი ნამდვილობა დადასტურდება, პასუხისგებაში მისცენ ყველა ის პირი, ვინც მონაწილეობს ამ ე.წ. ოპერაციაში.
შეგახსენებთ, რომ გუშინ გავრცელებულ ვიდეოკადრებში, რომელიც ე.წ. მუხროვანის ამბოხის დროს არის გადაღებული, საქართველოს ყოფილი შინაგან საქმეთა მინისტრი ვანო მერაბიშვილი 2 ადამიანის გვამის მიტანას ითხოვს.
