“ზაზა დამენია გმირი იყო”

საქართველოს ეროვნული გმირის, ზაზა დამენიას დაღუპვიდან შვიდი წელი გავიდა. ზაზას ხსოვნას მისმა ოჯახმა, ხელისუფლების წარმომადგენლებმა და საზოგადოებამ კიდევ ერთხელ მიაგეს პატივი.

ზაზა დამენია 2004 წლის 16 აგვისტოს, სამაჩაბლოში დაიღუპა _ იგი სანგარში მტრის მიერ ჩაგდებულ ხელყუმბარას სხეულითYგადაეფარა და რამდენიმე თანამებრძოლის სიცოცხლე იხსნა.

ხათუნა დამენია, ზაზა დამენიას მეუღლე: _ ძალიან მტკივნეულია ეს დღე ჩემთვის. ერთ ისტორიას გავიხსენებ _ უკვე გადაწყვეტილი იყო, რომ ზაზა ერედვში უნდა წასულიყო. მითხრა _ ხათუ, გორში მივდივარო და საყოფაცხოვრებო ნივთების შესაძენად წავედით. მეუბნებოდა და მამშვიდებდა, რომ საშიშ ზონაში არ მიდიოდა. სახლში დაბრუნებისას, მე და გიორგის ჩაგვეხუტა და გვითხრა _ როდის გნახავთ კიდევ, არავინ იცისო. სამწუხაროდ, უკან ვეღარ დაბრუნდა.

ციური წერეთელი, ზაზა დამენიას დედა: _ დღევანდელი დღე ძალიან ტრაგიკულია. აგვისტოს მოსვლა ჩემთვის სიკვდილის ტოლფასია. შვიდი წელი გავიდა ზაზას გარდაცვალებიდან. დედას რომ შვილი დაეკარგება, მისთვის ცხოვრება იქ მთავრდება.

გიორგი დამენია, ზაზა დამენიას შვილი: _ მიხარია, რომ ძალიან ბევრ ადამიანს ვხედავ აქ მოსულს. კიდევ ერთხელ, მე, დედაჩემს და ჩემს ოჯახს მოგვისამძიმრეს. რა თქმა უნდა, ძალიან კარგი იქნებოდა, რომ მამაჩემი ცოცხალი ყოფილიყო, მაგრამ რას იზამ _ ის გმირი იყო.

ზაზა დამენიას საფლავზე პანაშვიდი მამა ბასილმა (კვირჩილაძემ) გადაიხადა.