(გურია ნიუსი, ოზურგეთი) _ შპს “საქართველოს გაერთიანებული წყალმომარაგების კომპანიის” ოზურგეთის სერვისცენტრის ხელმძღვანელად 16 აგვისტოს ივანე ტაბატაძე დაინიშნა. მან აღნიშნულ თანამდებობაზე იასონ ცინცაძე შეცვალა.
როგორც ახალდანიშნული ხელმძღვანელი “გურია ნიუსთან” საუბარში ამბობს, ის არავის კადრი არ არის:
_ ჩემი დანიშვნა თბილისიდან მოხდა(?!).
_ ბატონო ივანე, გააცანით საზოგადოებას თავი. როგორც ვიცი, ამ ბოლოს ოპოზიციაში იყავით.
_ ამას არ აქვს არსებითი მნიშვნელობა. პირველ რიგში, მე ვარ ჩვეულებრივი მოქალაქე. ვმუშაობდი საჯარო სამსახურში, ვიყავი ერთ-ერთი გამგებლის პირველი მოადგილე. ამ ბოლოს კი კერძო ბიზნესით ვიყავი დაკავებული.
_ იცნობთ თუ არა იმ პრობლემებს, რაც დღეს მოსახლეობას აწუხებს წყალთან დაკავშირებით და როგორ აპირებთ არსებული პრობლემების მოგვარებას?
_ ჩვენ, ფაქტიურად, გამოსულები ვართ სხვადასხვა სამუშაოს ჩასატარებლად, ვმუშაობთ სისტემატურად და მაქსიმალურად ვეცდები, რაც ჩვენზე იქნება დამოკიდებული, პირნათლად შევასრულოთ.
