დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს უფროსი გოჩა გიორგიძე ფეისბუქის საკუთარ გვერდზე პოსტს აქვეყნებს.
გიორგიძის გაღიზიანების საფუძველს, ,ქვეყანაში, კერძოდ კი იმერეთის რეგიონში გართულებული ეპიდსიტუაცია იძლევა. გოჩა გიორგიძე საზოგადოებას უფრო მეტი სიფრთხილისკენ და ვაქცინაციისკენ მოუწოდებს.
“SOS _ ყველა ჩემს მეგობარს, ნათესავს, ვინც მიცნობთ და ამ პოსტს ნახავთ!
გთხოვთ: ატარეთ პირბადე ყველგან სადაც იკრიბებით ღია ან დახურულ სივრცეში არავაქცინირებული ადამიანები.
დალოცეთ შორიდან და მიულოცეთ ბედნიერება ყველა ახალშეუღლებულს, მაგრამ უარი თქვით მათ ქორწილში ქეიფსა და სიძე დედოფლის მრავალგზის გადაკოცნაზე დიდი სიყვარულის გამოხატვის მიზნით.
გახსოვდეთ, რომ იმავე მეფე დედოფალს თქვენამდე შესაძლოა მიულოცა და სიყვარულიც გამოუხატა ასევე ორივე ლოყაზე გულიანი ამბორით, სხვა სტუმარმა, რომელიც ინფიცირებულია და სიმპტომები არ აქვს გამოხატული და ამ ჩვენიულამაზესი დედოფლის ლოყებიც, ფერუმარილით და მრავალი სხვა სახის მკბვებავით და ნელსაცხებლით დაფარული მშვენივრად ისრუტავს ვირუსს, რომელსაც ასევე მშვენივრად და ეფექტურად გადასცემს სხვებს.
ქორწილით აღფრთოვანებული, წყვილის სილამაზით შთაგონებული და ღვინით გათანგული სახლში ვბრუნდებით, ვეფლობით სიყვარულის მორევში და ვეხუტებით ჩვენს შვილებს, მშობლებს ალერსით ვახვევთ მათ მომავალი სატანჯველის, კოვიდ19 ის მანტიაში და ბოლოს ვიღებთ აი რას: 518 ახალი დადასტურებული შემთხვევა იმერეთში, 4223 საქართველოში.
გუშინ გარდაიცვალა 34. დღეის ინფიცირებულებიდან, ლეტალობის მაჩვენებლით გარდაიცვლება კიდევ 59. უშველეთ საკუთარ თავს და თქვენს მეგობრებს, ოჯახის წევრებს, ნათესავებს, ატარეთ პირბადე, დაიცავით დისტანცია, არ იაროთ ხალხმრავალ შეკრებებზე სადაც აუცრელი ადამიანები იკრიბებიან და ბოლოს: აიცერი, აიცერი, აიცერი .აცრა ერთადერთია რაც საბოლოოდ გადაგვარჩენს! მადლობთ ყველას ვისაც ესმის ჩემი. მომენატრა ჩახუტება, შვილებზე, მშობლებზე, თქვენზე.
24 საათის განმავლობაში კორონავირუსით 38 ადამიანი გარდაიცვალა. ადამიანებო აიცარით. ნუ გახდის ამ ვირუსის მსხვერპლი. ნუ გჯერავთ ბოტების, ტროლების და ყალბი ინფორმაციებით სხვებსაც ნუ აჯერებთ, რომ აცრის გარეშე შესაძლებელია ვირუსის დამარცხება. გაურთხილდით თავს”, _ წერს გოჩა გიორგიძე.
