საქართველოს ყოფილი პრეზიდენტი მიხეილ სააკაშვილი, ასევე ყოფილი პრეზიდენტის, ედუარდ შევარდნაძის გარდაცვალების ფაქტს გამოეხმაურა და სპეციალური განცხადება გააკეღა
"მინდა მივუსამძიმრო საქართველოს მე-2 პრეზიდენტის ედუარდ შევარდნაძის გარდაცვალება მის ოჯახის წევრებსა და ახლობლებს. ედუარდ შევარდნაძე იყო მნიშვნელოვანი მოღვაწე საბჭოთა იმპერიისა და პოსტ-საბჭოთა საქართველოსთვის, რომლის როლის უფრო ზუსტ შეფასებაზე ისტორიასა და ისტორიკოსებს კიდევ დიდხანს მოუწევთ მუშაობა.
როდესაც ჩვენ ხელისუფლებაში მოვედით, საზოგადოებისა და პოლიტიკოსების ნაწილის დაჟინებული მოთხოვნის მიუხედავად მის სისხლის სამართლებრივ დევნაზე კატეგორიული უარი ვთქვით, რადგან პატივი ვეცით პრეზიდენტის ინსტიტუტსა და ქვეყნის იმიჯს, ასევე ჩემი განკარგულებით შეუნარჩუნდა მას სახელმწიფო რეზიდენცია და პრეზიდენტის სხვა პრივილეგიები, მიუხედავად იმისა, რომ პრესისა და მედიის საშუალებით მუდმივად მოუწოდებდა საქართველოს ახალ მთავრობას, ჩემი და ჩემი მომხრეების დევნისა და დაპატიმრებისკენ.
დღეს სააკაშვილის საპრეზიდენტო ბიბლიოთეკაში პრეზიდენტ ზვიად გამსახურდიას გვერდით, არის ქვეყნის მეორე პრეზიდენტის, ედუარდ შევარდნაძის კუთხეც."
