“სანადირაძეები სოფელ გლდანში, გაზის დასახლებაში ცხოვრობენ. თერეთის ქუჩის მესამე ნომერში შეხიზნულ ოჯახს ჩვენი თანადგომა თანადგომა სჭირდება.
უკიდურეს მატერიალურ მდგომარეობაში მყოფ ოჯახში 4 ბავშვი ცხოვრობს, რომელთაგან სამს გადაუდებლად ესაჭიროება სამედიცინო მომსახურეობა.
_ 17 წლის გოჩას ღვიძლის სერიოზული დაავადება აქვს, რის გამოც ის აღნაგობით 7 წლის ბავშვს ჰგავს. ოჯახი მის მკურნალობას ვერ ახერხებს. ბავშვი გონებრივად აბსოლუტურად განვითარებულია და ოცნებობს სწავლაზე, რაზეც უარის თქმა უწევს (იმის გამო, რომ სისტემატურად ვერ უზრუნველყოფენ ძვირად ღირებულ პრეპარატებს და ჯანსაღ კვებას!)
3 წლის ნინო, საჭიროებს გულის გამოკვლევა-მკურნალობას; 2 წლის მარიამი. დღესდღეობით ბავშვს დასმული აქვს ცერებრალური დამბლის დიაგნოზი. მას სასწრაფოდ ესაჭიროება სარეაბილიტაციო კურსის ჩატარება.
პატარა ანგელოზი 8 თვის ანასტასია ჯანმრთელია.
ოჯახს ესაჭიროება ბავშვებისათვის სრული გამოკვლევის ჩატარება, პრეპარატები, საკვები და საყოფაცხოვრებო ნივთები”, _ გვწერენ სოციალურ ქსელში.
_ გოჩა 1997 წლის 6 მარტს დაიბადა, დღეს 17 წლის არის და ალბათ ერთი შეხედვით მიხვდებით, რომ პატარას ჯანმრთელობასთან დაკავშირებული პრობლემები აქვს. მესამე კლასიდან გამოიყვანეს და მას შემდეგ სკოლაში აღარ დაბრუნებულია, რადგან ძირითადად სულ საავადმყოფოში უწევს ყოფნა ( ამბულატორიული მკურნალობის გამო). ოცნებობს ლამაზ სახლზე და ეზოზე სადაც თავის პატარა ძმის შვილებთან ერთად გაერთობა ხოლმე. გართობაც აკრძალული აქვს ( დატვირთვით). ოცნებობს ფეხბურთელობაზე, მაგრამ არ შეიძლება… ერთი პატარა დამტვრეული ველოსიპედი აქვს შემონახული და ელოდება ადამიანს, ვინც მის გამართვაში დაეხმარება. ელოდება მეგობრებს, კეთილ ადამიანებს, ვინც მასთან ერთად გაერთობა და ისაუბრებს. სურს ბევრი წიგნი ქონდეს და ეხმარებოდნენ მის წაკითხვაში, სწავლაც უნდა, მაგრამ როგორ? აქ ვერ დადიან მასწავლებლები… – გვიყვებიან ფონდში, რომელიც ამ ოჯახის დასახმარებლად დიდი ხანია თანხებს აგროვებს.
ოჯახის უფროსის სახელზე გახსნილია ანგარიში ლიბერთი ბანკში: GE29LB0711173995614000 მიმღები: მარინა სანადირაძე
