საქართველოს შინაგან საქმეთა სამინისტრო ოჯახური ძალადობის 2007-2014 წლების იანვარ-ივნისის სტატისტიკურ მონაცემებს აქვეყნებს, რომლის მიხედვით, ამ პერიოდში, სულ დაფიქსირდა 1102 ძალადობის ფაქტი, მათში მონაწილე 2223 პირით.
სტატისტიკის თანახმად, მოძალადეებს შორის სჭარბობენ მამაკაცები – 1014, ხოლო ქალების რაოდენობა 82-ია.
შსს-ს ინფორმაციით, აღნიშნულ პერიოდში ოჯახური ძალდობის მსხვერპლი გახდა 1010 ქალი და 117 მამაკაცი.
ოჯახური ძალადობის სახეებიდან საქართველოში ჭარბობს ფიზიკური (36%) და ფსიქოლოგიური ძალადობა (55%), ხოლო დანარჩენ ოჯახურ ძალადობებზე მთლიანად მოდის – 9%.
2013-2014 წწ. (6 თვეში) ოჯახური ძალადობის ფაქტებთან დაკავშირებით დევნა დაიწყო სსკ 11 პრიმა და 126 პრიმა მუხლებით 310 პირის მიმართ, აქედან 289 – მამაკაცი და 21 – ქალი.
დაზარალებულად ცნობილია 468 პირი, აქედან მამაკაცი – 96, ქალი – 372.
ამავე სტატისტიკის თანახმად, 2007-2014 წლების (იანვარ-ივნისი) სულ დაფიქსირდა 4935 ოჯახური კონფლიქტი და ამ კონფლიქტებში მონაწილე 10188 პირი. ოჯახურ კონფლიქტებში მონაწილე მამაკაცების, ისევე როგორც ქალების უმეტესობა წარმოადგენს 25-44 ასაკობრივ კატეგორიას.
სულ 2007-2014 წლების (იანვარ-ივნისი) პერიოდში საგანმანათლებლო დაწესებულებებში დაფიქსირდა კონფლიქტის 72 ფაქტი, ხოლო არასრულწლოვნებთან მიმართებაში საქართველოში სულ აღირიცხა 122 ფაქტი.
რაც შეეხება სტატისტიკურ მონაცემებს რეგიონების მიხედვით, ყველაზე მეტი ოჯახური კონფლიქტი დაფიქსირდა თბილისში – 1103 ფაქტი და იმერეთსა და რაჭა-ლეჩხუმში -1045 ფაქტი, ხოლო ყველაზე ნაკლები კახეთში -180 ფაქტი.
10 000 მოსახლეზე კონფლიქტების ფაქტების ყველაზე მაღალი მაჩვენებელი გამოვლინდა მცხეთა-მთიანეთში (30,3) ხოლო ყველაზე დაბალი კახეთში (4,4).
შსს-ს ინფორმაციით, ოჯახში ძალადობის მიზეზად ხშირად გვევლინება ქონებრივი დავა, ეჭვიანობა, ალკოჰოლური სასმელის ხშირი მიღება.
2013-2014 წლების 6 თვეში ოჯახური ძალადობის ფაქტებთან დაკავშირებით დევნა დაიწყო 310 პირის მიმართ, აქედან 289 -მამაკაცი და 21 -ქალია. დაზარალებულად ცნეს 468 პირი – 96 მამაკაცი და 372 ქალი.
2013-2014 წ.წ. (6 თვეში) ოჯახური ძალადობის შედეგად დაზარალებულ პირთა რაოდენობით საქართველოს რეგიონებს შორის მეტი დაზარალებული ფიქსირდება კახეთში – 85 პირი, ყველაზე ნაკლები გურიაში – 4 პირი.
რეგიონების მიხედვით ოჯახურ ძალადობაში მონაწილე პირთა რაოდენობა, რომელთა მიმართ დევნა დაიწყო ყველაზე მეტი ფაქტი დაფიქსირდა თბილისში – 48 პირი , ხოლო ყველაზე ნაკლები – გურიაში – 1 პირი.
რაც შეეხება მცირეწლოვანთა მიმართ ძალადობას, შსს-ს სტატისტიკის თანახმად, 2013-2014 წლებში, 6 თვეში, ოჯახური ძალადობის შედეგად დაზარალებულია 18 მცირეწლოვანი და 18 არასრულწლოვანი.
ოჯახური ძალადობის ფაქტების რაოდენობა, რომლებზეც გამოძიება დაიწყო სსკ 11¹ და 126¹ მუხლებით რეგიონების მიხედვით ყველაზე მეტი ფიქსირდება თბილისში -90 ფაქტი, ყველაზე ნაკლები გურიაში -1 ფაქტი.
