სისხლის სამართლის კოდექსში ცვლილებები შედის, რომლის თანახმადაც უკანონო აბორტებთან დაკავშირებით კანონი მკაცრდება.
კანონპროექტის მიხედვით, რომლის ავტორიც ჯანდაცვის კომიტეტის თავმჯდომარე დიმიტრი ხუნდაძეა, უკანონო აბორტი ისჯება საზოგადოებისათვის სასარგებლო შრომითი ვადით 120-დან 300 საათამდე, ან თავისუფლების აღკვეთით ვადით 1-დან 2 წლამდე.
იგივე ქმედება, ჩადენილი უკანონო აბორტისთვის მსჯავრდებულის მიერ, ან რამაც გამოიწვია შვილოსნობის სამუდამო მოშლა, ისჯება თავისუფლების აღკვეთით ვადით 2-დან 6 წლამდე.
ხოლო უკანონო აბორტი, რამაც გამოიწვია სიცოცხლის მოსპობა, ისჯება თავისუფლების აღკვეთით 4-დან 6 წლამდე.
