ოზურგეთის მუნიციპალიტეტის ყოფილი გამგებლის გია ტაკიძის მორიგი სასამართლო პროცესი, თბილისის საქალაქო სასამართლოში, 4 ოქტომბერს, 12 საათზე გაიმართა, რომელიც 20 წუთი გაგრძელდა. გია ტაკიძე, როგორც იქ მყოფი ერთ-ერთი წყარო ამბობს, ტაკიძე მხნედ გამოიყურებოდა.
კორუფციულ გარიგებაში ბრალდებული გიორგი ტაკიძე ისევ დუმილის უფლებით სარგებლობს, ხოლო ოზურგეთის მუნიციპალიტეტის ა.ა.ი.პ. დასუფთავების სამსახურის ყოფილი უფროსი მერაბ კურდღელაშვილი კი ბრალს სრულად აღიარებს.
სასამართლოზე ამჟამად მოსამართლე ლელა ნოზაძე იყო. სასმართლო დარბაზში იმყოფებოდნენ გია ტაკიძის ახლობლები _ დედა, მეუღლე, ნათესავები, ასევე ოზურგეთის მუნიციპალიტეტის გამგეობის რამდენიმე თანამშრომელი და კურდღელაშვილი ადვოკატთან ერთად. ბრალდების მხარემ თავის გამოსვლის დროს თქვა, რომ 2010 -2011 წლებში შედგენილი ხელშეკრულება ნამდვილად არსებობს, რომელსაც ხელს გია ტაკიძე და მერაბ კურდღელაშვილი აწერენ.
ჩვენი წყაროს თქმით, პროკურორმა მოითხოვა, შემდეგი სასამართლო პროცესი 17 ოქტომბრისთვის გამართულიყო, რადგან სასამართლო პროცესზე არ იმყოფებოდნენ მოწმეები, მძღოლების სახით. მოსამართლის გადაწყვეტილებით, შემდეგი პროცესი 13 ოქტომბერს არის ჩანიშნული, რომელზეც მძღოლები დაიკითხებიან.
