ერთი კაცი მთელი ცხოვრება გაურბოდა ქორწინებას. როცა ოთხმოცდაათ წელს მიუკაკუნა და სიკვდილი მოადგა კარს, ახალგაზრდა მეზობელმა ჰკითხა:
– ისე მიდიხარ ამ ცხოვრებიდან, მაინც არ დაქორწინდი, მაგრამ არასდროს გითქვამს, რატომ? ახლა, უკანასკნელ ჟამს მაინც დააკმაყოფილე ჩემი ცნობისმოყვარეობა. შენი საიდუმლო რომც გაცხადდეს, ახლა ვეღარაფერს გავნებს.
მოხუცმა უპასუხა:
– ჰო, ვმალავდი აქამდე… ქორწინების წინააღმდეგი არ ვიყავი, მაგრამ ყოველთვის იდეალურ ქალს ვეძებდი. მთელი ცხოვრება ძებნაში გავატარე და ასე გაიფრინა დრომ.
– ნუთუ ამხელა პლანეტაზე, რომელზეც მილიონობით ადამიანი ცხოვრობს, მათი ნახევარი კი ქალია, ვერ იპოვე ის ერთადერთი იდეალური ქალი?
მოხუცს ცრემლი ჩამოუგორდა ლოყაზე.
– არა, ერთი კი ვიპოვე მაინც…
ახალგაზრდამ გაოგნებულმა ჰკითხა:
– მაშ რა მოხდა, რატომ არ იქორწინეთ?
– იმიტომ, რომ ის ქალი იდეალურ მამაკაცს ეძებდა.
