საქართველოს შინაგან საქმეთა სამინისტრო 2014 წლის იანვარ- აგვისტოს თვეების დანაშაულის სტატისტიკას აქვეყნებს.
სტატისტიკის მიხედვით, 2014 წლის იანვარ-აგვისტოში რეგისტრირებულია 17458 დანაშაული, აქედან 10583 გახსნილია. 2013 წლის ამავე პერიოდში კი, 21046 დანაშაულიდან, 11699 გახსნეს.
2014 წლის იანვარ-აგვისტოს თვეებში რეგისტრირებულია ქურდობის 6493 შემთხვევა, გახსნილია 2826, ძარცვის 316 ფაქტიდან გახსნილია 234. ყაჩაღობის 173 რეგისტრირებული შემთხვევიდან კი, გახსნილია 107.
გასული წლის ამავე პერიოდში კი დაფიქსირებული იყო ქურდობის 8389, ძარცვის 363 და ყაჩაღობის 298 შემთხვევა.
რაც შეეხება სიცოცხლის წინააღმდეგ ჩადენილ დანაშაულს, სტატისტიკის მიხედვით, 2014 წლის იანვარ-აგვისტოში 523 შემთხვევიდან 140 გაიხსნა. 2013 წლის ამავე პერიოდში კი, 572 შემთხვევაა დაფიქსირებული, აქედან 200-ია გახსნილი.
2014 წლის იანვარ-აგვისტოში ფიქსირდება განზრახ მკვლელობის 55 (გახსნილია 49), განზრახ მკვლელობა დამამძიმებელ გარემოებებში 14 (გახსნილია 12), მკვლელობის მცდელობის 62 (გახსნილია 59) და თვითმკვლელობამდე მიყვანის 284 (გახსნილია 2) შემთხვევა.
2013 წლის ამავე პერიოდში კი, განზრახ მკვლელობის 58, განზრახ მკვლელობა დამამძიმებელ გარემოებებში 27, მკვლელობის მცდელობის 105 და თვითმკვლელობამდე მიყვანის 281 შემთხვევა.
რაც შეეხება ნარკოტიკულ დანაშაულს, 2014 წლის იანვარ-აგვისტოში სულ 3331 ნარკოტიკული დანაშაულია დაფიქსირებული, აქედან 3242 გახსნილია. შსს-ს ინფორმაციით, გასული წლის ამავე პერიოდში 3565 ნარკოტიკული დანაშაული იყო რეგისტრირებული, აქედან გახსნილია 3388.
რაც შეეხება თაღლითობას, შსს-ს ინფორმაციით, 2014 წლის იანვარ-აგვისტოში 660 შემთხვევიდან უკვე გახსნეს 419, შარშან ამავე პერიოდში კი 704 ფაქტიდან 242 გაიხსნა.
ასევე, 2014 წლის იანვარ-აგვისტოში ფიქსირდება ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღების 659 ფაქტი, საიდანაც 570 გახსნილია. 2013 წლის ამავე პერიოდში კი, 819 შემთხვევიდან 709 გახსნეს.
რაც შეეხება გაუპატიურების ფაქტებს, სტატისტიკის მიხედვით, 2014 წლის იანვარ-აგვისტოში ფიქსირდება 23 შემთხვევა, გახსნილია 10. 2013 წლის ამავე პერიოდში კი, 44 შემთხვევიდან 20 გაიხსნა.
ასევე აღსანიშნავია, რომ 2014 წლის იანვარ-აგვისტოში დაფიქსირებულია ოჯახური ძალადობის 309 შემთხვევა, აქედან 216 გახსნილია, მაშინ, როდესაც 2013 წლინ ანალოგიურ პერიოდში 294 ფაქტი იყო დაფიქსირებული, გახსნილი კი 242-ია.
აღსანიშნავია, რომ 2014 წლის იანვარ-აგვისტოში ტრეფიკინგის არცერთი შემთხვევა არ ფიქსირდება, მაშინ, როდესაც, შარშან ამავე პერიოდში 5 შემთხვევაა დაფიქსირებული, თუმცა 5-ვე გახსნილია.
