ორი დღის წინ, რუსულმა ვებ-გვერდმა "eg.ru” საინტერესო მასალა გამოაქვეყნა. აღმოჩნდა, რომ ყველასათვის ცნობილი საბჭოთა დროის კინომსახიობი, 79 წლის არმენ ჯიგარხანიანი დაქორწინებას აპირებს.
არმენ ჯიგარხანიანი წინა საუკუნის 70-იან და 80-იან წლებში განსაკუთრებული პოპულარობით სარგებლობდა. რასაკვირველია იმდროინდელი "დიადი სამშობლოს მდედრობითი სქესის წარმომადგენლების დიდი ნაწილი კავკასიური ფესვების მქონე ამ მსახიობში უიმედოდ იყო შეყვარებული.
სიტყვა "უიმედოდ ვახსენე და ჯიგარხანიანს დონჟუანის რეპუტაცია არასოდეს ჰქონია.
მისი პირველი ქორწინება ტრაგიკულად დასრულდა. ახალგაზრდა ქალი ფსიქიკურად დაავადებული აღმოჩნდა და მსახიობს მოკვლით ემუქრებოდა. საბოლოოდ, ჯიგარხანიანმა ის მიატოვა.
მეორედ ფილოლოგ ტატიანა ვლასოვაზე დაქორწინდა, რომელთანაც 40 წელი გაატარა და ახლაც მასთან ოფიციალურ ქორწინებაში იმყოფება. წყვილი წლებია სხვადასხვა ქვეყნებში ცხოვრობს. ტატიანა აშშ-ში მუშაობს, ჯიგარხანიანი – რუსეთში და ცოლს მხოლოდ წელიწადში ორჯერ ხედავს.
ამჟამად არმენ ჯიგარხანიანი მოსკოვის დრამატული თეატრის ხელმძღვანელია.
სამი წლის წინ რუსულ მას-მედიაში გავრცელდა ცნობა, რომ ბატონ არმენს ახალგაზრდა საყვარელი გაუჩნდა. ეს "საპატიო მისია ვინმე ვიტალინა ციმბალიუკ-რომანოვსკაიამ იტვირთა. ქალიშვილი პროფესიით ხმის რეჟისორი გახლდათ და ჯიგარხანიანის თეატრში მუშაობდა. ის სომეხ მსახიობს უვლიდა და თვალს ადევნებდა. საბედნიეროდ გარჯა დაუფასდა და ცოტა ხნის წინ ჯიგარხანიანმა მას ცოლობა სთხოვა.
რამდენიმე დღის წინ რუსულ ყვითელ მას-მედიაში გავრცელდა ცნობა, რომ არმენ ჯიგარხანიანი აშშ-ში მცხოვრებ მეორე კანონიერ მეუღლეს ოფიციალურად ეყრება და უახლოეს მომავალში 33 წლის ვიტალინაზე იქორწინებს.
http://www.eg.ru/daily/cadr/44123/
