ამჩნევთ თუ არა ათწლეულების განმავლობაში როგორ იცვლება თქვენი დამოკიდებულება ინტიმურ ურთიერთობებთან დაკავშირებით? ან როგორ ტრანსფორმირდება თქვენში სექსუალურობის განცდა? ალბათ, კი. თუმცა მიზეზი მხოლოდ წლებთან ერთად დაგროვილი გამოცდილება არ არის. საქმე იმაშია, რომ ასაკიდან გამომდინარე იცვლება ადამიანის ხასიათი, შეხედულებები, მისწრაფებები და წარმოდგენები არა მხოლოდ ცხოვრებისეულ საკითხებთან დაკავშირებით, არამედ, პირველ რიგში, პარტნიორთან მიმართებაში. მაშ ასე, გავეცნოთ რა განსხვავებაა 20 და 30 წლის ასაკის ქალბატონებს შორის როდესაც საქმე ინტიმურ ურთიერთობებს ეხება
სხეული
20 წლის ასაკში: პატარა მკერდი და მუცელზე ნაკეცები… ეს არის ის, რაც ამ ასაკში ყველაზე დიდ კომპლექსად გვეჩვენება. მიუხედავად იმისა, რომ პარტნიორი სრულიად საპირისპიროს გიმტკიცებთ, თქვენ მაინც კომპლექსების ტყვე ხართ. „ღმერთო ჩემო, რას იფიქრებს?“ ეს არის ფრაზა, რომელიც მუდმივად გიტრიალებთ გონებაში და პარტნიორთან თავისუფლად მოქმედების, ან მოდუნების საშუალებას არ გაძლევთ. ამიტომაც, ინტიმურ გარემოს მხოლოდ ჩაბნელებული ოთახი გვიქმნის…
30 წლის ასაკში: „მე ხომ პორნოვარსკვლავი არ ვარ?“ „არც Instagram-ზე ვაპირებ შიშველი ფოტოების გამოქვეყნებას…“ მაშ რა არის დასამალი? უნაკლო არავინაა. ხოდა ვინაიდან საწოლი ფოტოსტუდია არ არის, არც კომპლექსებისთვის შესაფერისი ადგილია. შორს ჩვენგან სიმორცხვე…
კონტრაცეფცია
20 წლის ასაკში: ეს ყველაზე მნიშვნელოვანი საკითხია! სექსზე მნიშვნელოვანიც კი! ყოველთვის დაიცავით თავი. რამეთუ, ღმერთმა არ ქნას, გაუთვალისწინებელი პრობლემების წინაშე აღმოჩნდეთ…
30 წლის ასაკში: თავდაცვის საშუალებები, შესაძლოა, მხოლოდ წამლების ყუთში მოიძებნოს. სულაც არ არის საჭირო „საქმე ბოლომდე მივიყვანოთ…“
სექსუალური ფანტაზიები:
20 წლის ასაკში: წარმოიდგენ, რომ -„და უცებ ვჩნდები მე, მომაქვს შეკვეთილი პიცა, რასაც დაუვიწყარი სიურპრიზი მოჰყვება…“ და იქვე აყოლებ -„შეჩერდი!“ თუ მაინც გადავწყვეტთ, რომ ჩვენივე ფანტაზიები გავახმაუროთ, ეს აუცილებლად ჩურჩულით, ან ჟესტების ენით მოხდება.
30 წლის ასაკში: წარმოიდგენ, რომ -„და უცებ ვჩნდები მე, მომაქვს შეკვეთილი პიცა, რასაც დაუვიწყარი სიურპრიზი მოჰყვება…“ და იქვე აყოლებ – „არ გაჩერდე! გააგრძელე!“ ასეთ დროს ხომ ყველაზე გიჟური სექსუალური ფანტაზიაც მისაღებია…
ზემოდან თუ ქვემოდან
20 წლის ასაკში: მამაკაცი სავსებით გულწრფელად და დაუფარავად გეკითხება როგორ გირჩევნია? შენ კი ამ თემაზე საუბარს გაურბიხარ და ელოდები, რას მოიმოქმედებს თავად.
30 წლის ასაკში: თქვენ არ ელოდებით როდის დასვამს ამ შეკითხვას ის, ან საერთოდ დაინტერესდება თუ არა ამ თემით, არამედ ინიციატივას საკუთარ თავზე იღებთ და ზედმიწევნით კარნახობთ სად და როგორ უნდა მოგეალერსოთ.
სურვილი
20 წლის ასაკში: კიმაგრამ რამდენჯერ შეიძლება? რატომ ითხოვს ის გამუდმებით სექსს? ნუთუ წუხანდელი ღამე საკმარისი არ იყო
30 წლის ასაკში: რა მინდა ამ გამოუცდელ ღლაპთან?
სიყვარული
20 წლის ასაკში: გიყვარდება ყურებით, თანაც უგონოდ. მასთან ყოველი დაშორება ტრაგედიის ტოლფასია და ყოველი ახალი სასიყვარულო კავშირი ნათელი და ბედნიერი ემოციების საწინდარი.
30 წლის ასაკში: გულწრფელად გინდა შეიყვარო ახალი პარტნიორი, მაგრამ არ გამოგდის. მამაკაცების შეყვარება უგონოდ და მთელი გულით ისე, როგორც ეს 20 წლის ასაკში იყო შესაძლებელი, ახლა უკვე სასაცილოდ გეჩვენება. ყოველთვის განასხვავებ ლტოლვას და რაღაც უფრო მეტს…
პრელუდია
20 წლის ასაკში: შეგიძლია 20 წუთის განმავლობაში ნაზად ეალერსო შეყვარებულს… ნახევარი საათიც… ერთი საათიც კი… და მაინც არ მიხვიდეთ „მთავარ საქმემდე“.
30 წლის ასაკში: მოკრძალებით უყურებ შორიდან ახალგაზრდა მოალერსე წყვილს, რომელიც საკუთარი ემოციების დაფარვას არც კი ცდილობს. მათ ასაკში საკუთარი თავის გახსენებისას ფიქრობ, რომ კოცნა, ეს ერთადერთი რამაა, რაც ამჯერად ყველაზე კარგად გამოსდით, თუმცა ამის შესახებ ჯერ თავადაც არ იციან.
შეხვედრის ადგილი
20 წლის ასაკში: მასთან სახლში, პარკში, მანქანაში, ლიფტშიც კი, ოღონდ არა თქვენთან. უცებ რომ აგარაკიდან დაბრუნებულმა მშობლებმა მოგისწრონ? და როგორ ავუხსნა მათ ეს ყველაფერი? წარმოდგენაც კი გზარავს…
30 წლის ასაკში: სახლში სექსზე უარს იტყვი მხოლოდ იმ შემთხვევაში, თუ დასვენების დღეებს მასთან ერთად ქალაქგარეთ რომანტიულ ადგილას, ან თუნდაც სასტუმროში გაატარებთ, მაგრამ დაბრუნებისას ყველაფრის გაგრძელებას მაინც სახლში ამჯობინებთ.
სექსი დილიდან
20 წლის ასაკში: ჩვენ უკვე გადავწყვიტეთ, რომ ერთმანეთთან იშვიათად ვრჩებით, ამიტომ დილიდან სექსი ჩვენთვის უფრო ცნობისმოყვარეობის დაკმაყოფილებაა, ვიდრე სურვილი, რომელიც ჩვევად იქცა.
30 წლის ასაკში: რატომაც არა? ჩემი აზრით, ეს დღის საუკეთესო დასაწყისია! ამის შემდეგ ჭიქა ყავის დალევაც სასიამოვნოა, რათა დღე კიდევ უფრო პოზიტიური გახადო…
ფეხმძიმობა
20 წლის ასაკში: ფეხმძიმობის ტესტზე ორი წითელი ზოლის დანახვა მოწმენდილ ცაზე მეხის გავარდნის ტოლფასია. ხვდები, როგორ გიმძიმდება სხეული და ისტერიკა გიპყრობს. იმის გამო, რომ მან ეს დაუშვა, მზად ხარ რაც შეიძლება მსხვილკალიბრიანი იარაღის ჯერი მიუშვა. და რა უნდა მოვიმოქმედოთ ახლა? როგორ ვუთხრა ეს ყველაფერი მშობლებს?
30 წლის ასაკში: დაუგეგმავმა ორსულობამ შესაძლოა გაგაოგნოთ და ისტერიკაც გამოიწვიოს, მაგრამ ამ ყველაფერს ფონად მაინც ბედნიერების შეგრძნება გაჰყვება.
გატაცება
20 წლის ასაკში: მისი იდეები საწოლში თქვენთვის შოკისმომგვრელია და, რა თქმა უნდა, არ აპირებთ აჰყვეთ მას.
30 წლის ასაკში: თქვენ ყველაფერი იცით მამაკაცური გატაცებების შესახებ, ბევრი მათგანი თქვენთვის უკვე ორგანულიცაა, ამიტომ თამამად დასცინით იმ ახალგაზრდებს, რომლებიც თვლიან, რომ პორნო ფილმების ყურება სამარცხვინოა, ბორკილების გამოყენება სისასტიკე, ხოლო ვიბრატორის შეძენა მანიაკალურობაზე მიუთითებს.
დაკვირვება
20 წლის ასაკში: ანალური სექსი გოგონების უმრავლესობისთვის ტაბუდადებული და მიუღებელი თემაა. ყურმოკრული მითების ფონზე მეგობრებთან ერთად აღიარებ, რომ ეს საშინლად მტკივნეულია და ამ გზით სიამოვნების მიღება შეუძლებელია.
30 წლის ასაკში: კი თუ არა? სიმართლე რომ ვთქვათ, უმჯობესია ამ თემაზე პარტნიორთან გულახდილად ვისაუბრო და გავიგო რას ფიქრობს ის. ვინ იცის, იქნებ დამარწმუნოს და დავთანხმდე კიდეც…
სექს–მარათონი
20 წლის ასაკში: სექსი დილიდან საღამომდე არანაირი პრობლემა არ არის! შენ თავისუფლად შეგიძლია ოთხი, ხუთი, ექვსი აქტის დასრულებაც კი ერთ ღამეში. ფორმატი 24 საათში 7-ჯერ არცერთ თქვენგანს არ მიაჩნია პრობლემად.
30 წლის ასაკში: სექსუალური განრიგი „რამდენიმე დღეში ერთხელ“ თქვენთვის სავსებით მისაღებია. თქვენ ხომ უკვე დარწმუნებული ხართ მარტივ ჭეშმარიტებაში – მთავარია ხარისხი და არა რაოდენობა.
საწოლში თუ მაგიდაზე?
20 წლის ასაკში: ბინგო! სახლში მარტონი ხართ! ამიტომ თავს უფლებას აძლევთ გქონდეთ სექსი იქ, სადაც გინდათ -სააბაზანოში, სამზარეულოში მაგიდაზე, კომპიუტერის სავარძელზე, ფანჯრის რაფაზე და შემოსასვლელში დაგებულ ფარდაგზეც კი.
30 წლის ასაკში: სადაც არ უნდა დაიწყოთ, მაინც საწოლში ამთავრებთ – ასე ბევრად უკეთესი და მოსახერხებელია. აი, კარგი მატრასის ჩანაცვლება კი სხვა ნებისმიერი ადგილით წარმოუდგენელია…
სიყვარულმა ასაკი არ იცის
20 წლის ასაკში: რთულია დაიჯერო, რომ შენზე გაცილებით უფროს ადამიანებსაც აქვთ სექსი. ჭაღარებს, ნაოჭებისგან სახედაღარულებს, მსუქნებსაც კი. შენი წარმოდგენით, მათ კარგახანია დაანებეს თავი ამგვარ თამაშებს.
30 წლის ასაკში: თქვენ ზუსტად იცით, რომ სექსი ყველას აქვს – ახალგაზრდასაც და ასაკოვანსაც, გამხდარსაც და მსუქანსაც… დიახ, ეს ნამდვილად ასეა!
საპასუხო ლტოლვა
20 წლის ასაკში: რა შეიძლება იყოს საყვარელ ადამიანთან სექსზე უკეთესი?
30 წლის ასაკში: არაფერი! სექსი საყვარელ ადამიანთან ყველაზე სასიამოვნო რამ არის! ყოველშემთხვევაში, ამ მთავარ საკითხთან დაკავშირებით ნებისმიერი ასაკის ადამიანის აზრი ერთმანეთს ემთხვევა!
