მარტვილის მუნიციპალიტეტის გამგეობაში, 15 ივნისის ადგილობრივი თვითმმართველობის არჩევნების შემდეგ, სამსახურების უფროსები შეიცვალნენ.
"გურია ნიუსმა" გამოითხოვა ინფორმაცია იმის თაობაზე, თუ ვინ, რა განათლებითა და სამუშაო გამოცდილებით დაიკავა თანამდებობები.
მიღებული ინფორმაციის თანახმად, ყველა მათგანს აქვს უმაღლესი განათლება მიღებული. თუმცა, არის შემთხვები, როცა მაგალითად ისეთ სპეციფიურ განყოფილებას, რომელიც მშენებლობასა და არქიტექტურას მოიცავს, პროფესიით თბომომარაგება-ვენტილაციის სპეციალისტი ხელმძღვანელობს – მარტვილის მუნიციპალიტეტის მაგეობის, ინფრასტრუქტურის, მშენებლობისა და არქიტექტურის განყოფილებას თბომომარაგება ვენტილაციის სპეციალიტი, ვაჟა გეგია უდგას სათავეში.
მან განათლება 1978-1983 წლებში საქართველოს პოლიტექნიკურ ინსტიტუტში მიიღო.
გავლილი აქვს სამხედრო კათედრის სრული კურსი და აქვს ლეიტენანტის წოდება.
მარტვილის მუნიციპალიტეტში, შიდა აუდიტის სამსახურის უფროსი ვანო კუდავაა, რომელსაც სუბტროპიკული მეურნეობის სახელმწიფო უნივერსიტეტი, ეკონომიკისა და ტურიზმის ფაკულტეტი აქვს დამთავრებული. თუმცა, სპეციალობით არ უმუშავია და მისი კარიერა პოლიციაში, უბნის ინსპექტორის პოზიციაზე იწყება.
მუნიციპალიტეტის გამგეობაში, გამგებლის წარმომადგენლებთან კოორდინაციის განყოფილებას დავით სურმავა ხელმძღვანელობს, რომელსაც დამთავრებული აქვს თბილისის სახელმწიფო აგრარული უნივერსიტეტი. სატყეო სამეურნეო ფაკულტეტი.
მისი კარიერა ჰიპერმარკეტ "გუდვილში" იწყება, სადაც დაცვის სმენის უფროსი იყო. გრძელდება კოალიციის ადგილობრივ შტაბში – ახალგაზრდულის უფროსი, ლოჯისტიკის სამსახურის უფროსი, შტაბის უფროსის მოადგილე.
სოფლის მეურნეობის განვითარების სამსახურის უფროსი როლანდ წულაია, 1969-1973 წელს საქართველოს სუბტროპიკული მეურნეობის ინსტიტუტში აგრონომის სპეციალობას ეუფლებოდა.
მისი სამუშაო გამოცდილება 1976 წლიდან იწყება რაიონის სოფლის მეურნეობის სამმართველოში აგრონომის პოზიციაზე. იყო რაიონის შსს განყოფილებაში ინსპექტორი თანამდებობაზე, ასევე მუნიციპალიტეტის სოფელ გაჭედილისა და ინჩხურის გამგებლად. ასევე, სხვადასხვა დროს, სხვადასხვა ადგილებში, ძირითადად სპეციალობასთან ახლოს მდგომ პოზიციებზე. ფლობს რუსულ ენას.
იონა ჭოჭუა, სახანძრო დაცვისა და სამაშველო სამსახურის უფროსი, რომელსაც დამთავრებული აქვს ეკონომიკურ ურთიერთობათა თბილისის სახემწიფო ინსტიტუტი. სპეციალობით ეკონომიტ-ტექნოლოგია. მისი სამუშაო გამოცდილება, მხოლოდ 2 სამსახურს მოიცავს – შ.პ.ს. "კოლხიდა ინტერი" კვების ტექნოლოგი და შ.პ.ს. "ტრაგონა" საწყობის გამგე.
სამხედრო აღრიცხვისა და გაწვევის სამსახურის უფროსი ვანო გაგუა სპეციალობით სამხედრო ინჟინერია. მან ქ. მოსკოვის უმაღლესი სამხედრო სამეთაურო საინჟინრო სასწავლებელი. გავლილი აქვს უკრაინაში რადიო ლოკაციური დაზვერვის სადგურების ინჟინერ-ოპერატორის კურსები.
მუშაობდა საქართველოს თავდაცვის სამინისტროში სხვადსსხვა თანამდებობებზე. კარგად ფლობს რუსულ ენას.
შრომის, საზოგადოებირივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი, შალვა ნაჭყებიაა. პროფესიით ექიმი-პედიატრი. დამთავრებული აქვს სამედიცინო ინსტიტუტი. სხვადასხვა დროს მუშაობდა თავისი პროფესიით.
2004 წლიდან მუშაობდა მარტვილის მუნიციპალიტეტის გამგეობაში.
მურმან წოწორია, კულტურის განათლების, სპორტის, ტურიზმის, ძეგლთა დაცვისა და ახალგაზრდობის საქმეთა სამსახურის უფროსი. დამთავრებული აქვს სოხუმის სახელმწიფო უნივერსიტეტი, პროფესიით ქართული ენისა და ლიტ. მასწავლებელი.
მოგვიანებით დაამთავრა საქართველოს ჰუმანიტარულ-ეკონომიკური უნივერსიტეტის იურიდიული ფაკულტეტი.
1991-1992 წლებში იყო საკრებულოს თავმჯდომარე. ასევე, მუნიციპალიტეტის გამგეობაში იკავებდა სხვადასხვა თანამდებობებს. ფლობს რუსულ და ინგლისურ ენებს.
არის გაზეთების – "კულტურა და ბიზნების", "მარტვილის მაცე" დამაარსებელი.
გოჩა ხურცილავა, ეკონომიკური განვითარების, ქონების მართვისა და სტატისტიკის სამსახურის უფროსი. დამთავრებული აქვს ივ. ჯავახიშვილის სახელმწიფო უნივერსიტეტის სოხუმის ფილიალი. პროფესიით – სამეურნეო საქმიანობა, საბუღალტრო აღრიცხვა კონტროლი და ანალიზი. მისი სამუშაო გამოცდილება შ.პ.ს ლიბოში იწყება, მთავარი ბუღალტრის პოზიციაზე. შემდეგ კი, კოალიციის ადგილობრივ ორგანიზაციაში გრძელდება.
გია ჩიხლაძე, საფინანსო-საბიუჯეტო სამასხურის უფროსი. დამთავრებული აქვს თბილისის სახელმწიფო უნივერსიტეტი. სააღრიცხვო-ეკონომიკური ფაკულტეტი.
იურიდიული განყოფილების უფროსი, სამართალმცოდნე გოგი ძარიაა, რომელსაც თბილისის სოციალურ-ეკონომიკური ინსტიტუტი აქვს დამთავრებული. მისი სამუშაო გამოცდილება ქ. ფოთის პოლიციაში იწყება, ინსპექტორის თანამდებობაზე, შემეგ კი კოალიციის ადგილობრივ შტაბში გრძელდება.
გამგეობის ადმინისტრაციული სამსახურს რობერტ კოტია ხელმძღვანელობს. პროფესიით, ეკონომისტი, რომელსაც ივ. ჯავახიშვილის სახელმწიფო უნივერსიტეტი აქვს დამთავრებული. იგი სხვადასხვა დროს თავისი სპეციალობით მუშაობდა.
