(გურია ნიუსი, ოზურგეთი) _ ოზურგეთის მუნიციპალიტეტის ცენტრალური ბიბლიოთეკის წარმომადგენლები _ ლიკა ბაქანიძე, თამარ ძნელაძე, ფიქრია ჩიტაიშვილი და მარინე კეჭაყმაძე, იმერეთის ჯგუფთან ერთად, პოლონეთში იმყოფებოდნენ.
როგორც ცენტრალური ბიბლიოთეკის საზოგადოებასთან ურთიერთობის სამსახურის უფროსმა, ნათია გოგოტიშვილმა გვითხრა, ვიზიტი ამერიკისა და პოლონეთის ერთობლივი პროექტის “აღმოსავლეთ-აღმოსავლეთის” პარტნიორობის ფარგლებში დაფინანსდა. მისი თქმით, პროექტის ავტორები იყვნენ FღშI (პოლონეთი), ფონდი “ღია საზოგადოება საქართველო” და ქუთაისის ი. ჭავჭავაძის სამეცნიერო ბიბლიოთეკა. ვიზიტი ითვალისწინებდა ტრენინგს თემაზე ადგილობრივი ბიბლიოთეკების, როგორც ფონდის, ინფორმაციის და კულტურის ცენტრების, განვითარება: _ ძირითადად, ტარდებოდა ტრენინგები ბიბლიოთეკაში ინოვაციური პროცესების დანერგვის საკითხებზე, მომზადდნენ ტრენერები. პროგრამის ფარგლებში, ჯგუფმა მოინახულა ვარშავის და არა მარტო ვარშავის ბიბლიოთეკები. მათ შორის, ულტრათანამედროვე ბიბლიოთეკები, სადაც არის ელექტრონული კატალოგიზაცია, აღჭურვილია თანამედროვე ტექნიკური საშუალებებით, ელექტრონული წიგნებით. პროგრამის კულტურული ნაწილის ფარგლებში მოინახულეს კოპერნიკის ცენტრი, შოპენის მუზეუმი და ტაძარი, სადაც შოპენის გული არის დასვენებული, მეფის სასახლე, ძველი ქალაქი და სხვა ღირსშესანიშნაობები. პროექტი ერთი კვირის განმავლობაში გრძელდებოდა და მონაწილეებში წარუშლელი შთაბეჭდილება დატოვა, _ აღნიშნა ნათია გოგოტიშვილმა.
