თავდაცვის ყოფილი მინისტრი, ირაკლი ალასანია არ გამორიცხავს პროკურატურამ ბრალი მასაც წაუყენოს:
"არაფერს გამოვრიცხავ და პირიქით, მინდა, რომ ჩემთან ჰქონდეთ საქმე. მე დამიჭირონ. თუ მათ უნდათ ჩემი, როგორც პოლიტიკური ლიდერის ან თუნდაც ნებისმიერი სხვა ფორმით დაკავება, მთავარია ჩემთან ჰქონდეთ საქმე და უდანაშაულო ადამიანებს დაანებობნ თავი.ეს არის პოლიტიკური შესაძლო კონკურენტის ან ოპონენტის პოლიტიკური განადგურების მცდელობა, მაგრამ ამისგან არაფერი გამოვა. მე საჯარო სამსახურში ვარ 22 წელია და ვიცი რა დგას ჩემს უკან – საქმე, რომელიც ჩემს თანაგუნდელებთან ერთად მაქვს გაკეთებული და ერთადერთი, რითაც შემიძლია საზოგადოების წინაშე წარვდგე, ეს არის მართალი სიტყვა. ეს არის პოლიტიკური მკვლელობის მცდელობა, მაგრამ ამის უკან არაფერი დგას. ერთ რამეს ვიტყვი იმათთვის, ვინც ეს დაგეგმა – არ არსებობს, რომ სიმტკიცე, ის ძალა, რომელიც მართალ კაცს აქვს, რაიმე ფორმით შეაჩერონ ან მე შემაშინონ. ჩემი და ჩემი გუნდის პოლიტიკურ მიზნებზე, რომ საქართველო წაიყვანოს ევროატლანტიკური მიმართულებით, ვერანაირი ზემოქმედება ვერ მოხდება",-განაცხადა ალასანიამ გადაცემა "არჩევანში" საუბრისას.
მისივე თქმით, პროკურატურა სხვა საქმეებსაც იძიებს:
_ იმ დღეს, როდესაც ეს პირები დააკავეს, პროკურატურამ შტურმი მოახდინა სამინისტროზე. ამან კიდევ უფრო დამარწმუნა, რომ არანაირი სამხილი არ აქვთ კაბელების საქმეზე. ახლა ცდილობენ რაღაც ამოჩიჩქნონ, _ დასძინა ყოფილმა მინისტრმა.
