სახალხო დღესასწაულზე "ოზურგეთობა – ალეგრობაზე", რომელიც 8 ნოემბერს ქალაქ ოზურგეთში გაიმართა, საპატიო ოზურგეთელების დაჯილდოება შედგა.
"მინდა გითხრათ, რომ 10 დღის მანძილზე იმუშავა სპეციალურმა კომისიამ და დღეს დასახელდებიან საპატიო ოზურგეთელები. ღირსეული ადამიანები ოზურგეთში ბევრი გვყავს. დღეს ექვს ადამიანი გახდება საპატიო ოზურგეთელი. ისინი ღირსეული და პატივცემული ოზურგეთელები არიან. მომავალ "ალეგრობას" ეს რიცხვი გაიზრდება", _ თქვა ქალაქ ოზურგეთს მერმა, ბეგლარ სიორიძემ.
საპატიო ოზურგეთელები გახდნენ: მერაბ ბერძენიშვილი, მოქანდაკე; ანზორ ერქომაიშვილი, ფოლკლორისტი; ეთერ ქადეიშვილი, ჟურნალისტი; არსენ კეჭაყმაძე, აკადემიკოსი; ლიანა შეწირული- პედაგოგი, თემურ ჯახვა, საგზაო-მშენებელი.
