კვირეული სტარტს 15 ნოემბერს, წავკისში აიღებს, სადაც გაიმართება ღონისძიება, რომელიც მოიცავს წავკისის სატყეო მეურნეობის დათვალიერებასა და წინასწარ განკუთვნილ ტერიტორიაზე ხის დარგვას. ნერგების დარგვის პროცესს მონიტორინგს გაუწევენ WWF -ის წარმომადგენლები.
მედიის გარდა, ტურში ასევე მონაწილეობენ თბილისის მერი და მერიის, საელჩოებისა და საერთაშორისო ორგანიზაციების წარმომადგენლები, სტუდენტები და სხვა სტუმრები. დასასრულს ყველა მონაწილეს მადლობის ნიშნად გადაეცემა სერთიფიკატი.
ტყის დაცვის კვირეულში ასევე დაგეგმილია სხვა მნიშვნელოვანი აქტივობები:
17 ნოემბერს, "ტყის დაცვის კვირეულს" ბაქსვუდის სკოლა უმასპინძლებს, რომლის ფარგლებშიც მოსწავლეებისათვის გაიმართება ეკო-გაკვეთილი. მათ WWF-ის წარმომადგენლები ბავშვებს ტყის მნიშვნელობაზე ესაუბრებიან, ასწავლიან თუ როგორ გაუფრთხილდნენ ბუნებას, ხეებს და გარემოს ყოველდღიურ ცხოვრებაში, ბავშვები კი წარმოადგენენ პრეზენტაციას.
20 ნოემბერს, "ტყის დაცვის კვირეულს" "ბუკიას ბაღი" უმასპინძლებს, რომლის ფარგლებშიც მოზარდებისთვის გაიმართება ეკო-გაკვეთილები. მათ მიეწოდება ყველა საჭირო ინფორმაცია, თუ როგორ გაუფრთხილდნენ ბუნებას, ხეებს და გარემოს. პატარებისთვის კი გაიმართება ფოკუსების შოუ.
22 ნოემბერს, "ტყის დაცვის კვირეულს" ხაშური უმასპინძლებს. ქალაქის სატყეო საცდელი ნაკვეთის ტერიტორიაზე გაიმართება ტური, რომელშიც მონაწილეობას მიიღებენ ხაშურის მუნიციპალიტეტისა და მედიის წარმომადგენლები, ადგილობრივი სკოლის მე-11 კლასის მოსწავლეები და ბლოგერები. ტურის ყველა მონაწილე სპეციალურ ტერიტორიაზე დარგავს ხეს. დასასრულს, აღნიშნულ ადგილს მიენიჭება ახალი სახელი და ყველა მონაწილეს მადლობის ნიშნად ტურში სტუმრობისთვის გადაეცემა სერტიფიკატი.
23 ნოემბერს, "ტყის დაცვის კვირეულს" ზოოპარკი უმასპინძლებს. გაიმართება "ეკო გაკვეთილი", რომლის ფარგლებშიც მოხდება ხის დარგვის იმიტირება და სწავლება. მოსულ სტუმრებს სპეციალისტი გააცნობს თუ როგორ ხდება ხის დარგვის პროცესი, მისი მოვლა, როგორ მოუფრთხილდნენ ხეს, მცენარეებს და ტყეს. მხატვრები ბავშვებს და სხვა მსურველებს სახეზე დაახატავენ პანდა-ტატუს, შესაბამისად, ისინი ავტომატურად ხდებიან "ტყის დაცვის კვირეულის" მონაწილენი. პატარებს გაართობენ სპეციალურად კვირეულისთვის მოწვეული "ქუჩის თეატრის" მსახიობები, ოჩოფეხებიანი კლოუნები და ანიმატორები.
18 და 21 ნოემბერს, არ გაგიკვირდეთ თუ საზოგადოებრივ ტრანსპორტში პანდა დაგემგზავროთ. ის დაგიტოვებთ სპეციალურ შეტყობინებას, რომ არ გამოგრჩეთ ზემოთ აღნიშნული არცერთი აქტივობა. 19 ნოემბერს, ესტუმრეთ მეტრო "თავისუფლების" მიმდებარე ტერიტორიას თქვენც აღმოაჩინეთ "დამალული პანდა" და გახდი კვირეულის აქტიური მონაწილე.
კვირეულის განმავლობაში WWF-ის წარმომადგენლები მედიასთან შეხვედრას გამართავენ, სადაც ტყის სერტიფიცირების FSC-ის შესახებ ისაუბრებენ, გააცნობენ მის არსსა და საჭიროებას.
"ტყის დაცვის კვირეულის" საინფორმაციოა მხარდამჭერები არიან "პალიტრა მედია", "ITV ჯგუფი", "ფოკუს ტვ" და ჟურნალი "ფოკუსი". საკომუნიკაციო კამპანიას უზრუნველყოფს პიარისა და მარკეტინგული კომუნიკაციების კომპანია "ჯეპრა".
WWF მსოფლიოში უდიდესი დამოუკიდებელი კონსერვაციული ორგანიზაციაა, რომელსაც მთელ მსოფლიოში 5 მილიონზე მეტი მხარდამჭერი ჰყავს და მოღვაწეობს 100–ზე მეტ ქვეყანაში. ჩვენი მისიაა, შევაჩეროთ გარემოსთვის ზიანის მიყენება და შევქმნათ მომავალი, სადაც ადამიანი ბუნებასთან სრულ ჰარმონიაში ცხოვრობს.
რეგიონალური პროექტი "კლიმატის ცვლილების პირობებში ტყის ეკოსისტემების მდგრადობის ამაღლება სამხრეთ კავკასიის ქვეყნებში" ხორციელდება ბუნების დაცვის მსოფლიო ფონდის (WWF) მიერ ევროკავშირის ფინანსური მხარდაჭერით. პროექტის განხორციელების პერიოდია 2011-2015 წწ-ბი.
ზემოაღნიშნული რეგიონალური პროექტი მიზნად ისახავს სამხრეთ კავკასიის ქვეყნებში კლიმატის ცვლილებებისადმი ტყის ეკოსისტემების მდგრადობის ამაღლებას, ბიომრავალფეროვნების დაცვას და ადგილობრივი მოსახლეობის ცხოვრების პირობების გაუმჯობესებას. პროექტის ზოგადი მიზანი უკავშირდება ისეთი პრობლემების გადაჭრას, როგორებიც არის კლიმატის ცვლილებით გამოწვეული უარყოფითი ფაქტორების გავლენის შედეგად ბიომრავალფეროვნების კარგვა და ამავე ფაქტორების გავლენის შედეგად ტყის ეკოსისტემების (ტყეების) სასარგებლო და დაცვითი ფუნქციების შესუსტება. თავის მხრივ, ბიომრავალფეროვნება და ტყეების სასარგებლო და დაცვითი ფუნქციები ხელს უწყობს ადგილობრივი (განსაკუთრებით სოფლად მცხოვრები) მოსახლეობის საარსებო პირობების – შემოსავლების წყაროების შენარჩუნებას.
აღნიშნული მიზნის განხორციელება მიღწეული იქნება ტყეებზე კლიმატის ცვლილების ზეგავლენის თაობაზე ინფორმირებულობის დონის ამაღლებით, ხელოვნურად გაშენებული ტყის მასივების ბუნებრივ ტყეებად ტრანსფორმირებისთვის აუცილებელი სატყეო–სამეურნეო ღონისძიებების (ტყის გაშენების) განხორციელებითა და სატყეო სფეროში უფლებამოსილი ორგანოებისა და სხვა დაინტერესებული მხარეებისთვის სათანადო ტექნიკური–მეთოდოლოგიური დახმარების აღმოჩენით შემუშავებული იქნა საცდელი ნაკვეთზე არსებული ხელოვნურად გაშენებული წიწვოვანი ტყეების ბუნებრივ ტყეებად გარდაქმნის (ტრანსფორმაციის) გეგმა, რომლის მიხედვითაც 2012-2013 წლებში გახორციელებული იქნა შემდეგი სატყეო-სამეურნეო ღონისძიებები.
