„გურია ნიუსის“ საგამოძიებო ფილმის როგორ გაარემონტეს არსებული და არარსებული ბაღები ეთერ გასვლის შემდეგ ჩოხატაურის მუნიციპალიტეტის გამგებელმა ექპერტიზა დანიშნა. სამხარაულის ექსპერტიზის ბიუროს დასკვნის თანახმად, რომელიც მხოლოდ პირველ ბაგა-ბაღში ჩატარდა რიგი სამუშაოები სამშენებლო ნორმებს ვერ აკმაყოფილებს.
ამის პარალელურად ჩოხატაურში რეაბილიტირებული ბაღი გაიხსნა. იაპონიის მთავრობის დაფინანსებით გარემონტებული პირველი საბავშვო ბაღი იაპონიის ელჩმა გახსნა. როგორც გაირკვა, იაპონიის მთავრობას ჩვენი მომავალი თაობის ბედი აქაურებზე მეტად აღელვებს, რადგან ჩატარებული სამუშაოები მართლაც ხარისხიანია. აღსანიშნავია რომ ბაღის სამუშაოების ჩაბარებას 1 თვეზე მეტი სწორედ ამ მიზეზით დასჭირდა. დამფინანსებელმა მხარემ ყველა წუნზე პრეტენზია გამოთქვა და სამუშაოები ხარვეზების აღმოფხვრის შემდეგ ჩაიბარა.
გასულ კვირას, ნაციონალური მოძრაობის მიერ ორგანიზებულ აქციაზე ყოფილმა პრეზიდენტმა გვამცნო, რომ საქართველო „დაჩმორებული“ და „გაბანძებულია“. ჩვენ შევეცადეთ გაგვერკვია ვინ იგულისხმა მიხეილ სააკაშვილმა „დაჩმორებულებსა“ და „გაბანძებულებში“ და იყვნენ თუ არა ამ სიაში ის ადამიანები, რომლებიც აქციაზე მხოლოდ იმიტომ არ წავიდნენ, რომ ეს ნაციონალური მოძრაობის მიერ იყო ორგანიზებული.
მაშინ როცა ნაციონალური მოძრაობა აქციას მართავდა გურიას განათლების მინისტრი სტუმრობდა.
უყურეთ „კვირის თემას“ და გაიგეთ რა რეალობის წინაშე არიან სკოლებში; რატომ აატირეს განათლების მინისტრი; რას თავაზობს თამარ სანიკიძე საპარლამენტო უმცირესობის წვერს სერგო რატიანს და რა სიახლეებია განათლების სისტემაში.
„კვირის თემის“ შეკითხვებს თამარ სანიკიძე პასუხობს.
