გამგეობასა და საკრებულოს აპარატში 137 ვაკანტური პოზიციის დასაკავებლად სულ 488 კანდიდატის განაცხადი შევიდა. მათ შორის: 416 კანდიდატი დარეგისტრირდა 123 ვაკანსიაზე – გამგეობაში, 72 კანდიდატი 14 ვაკანსიაზე საკრებულოში.
კონკურსის პირველ ეტაპზე მონაწილე თოთოეულ კანდიდატს ცალ-ცალკე ეყარა კენჭი, მოხდა საკვალიფიკაციო მოთხოვნებთან შესაბამისობის დადგენა წარმოდგენილი დოკუმენტების მიხედვით.
საკონკურსო საატესტაციო კომისიის თავმჯდომარის, ოზურგეთის მუნიციპალიტეტის გამგებლის, მერაბ ჭანუყვაძის გადაწყვეტილებითა და კომისიის წევრების თანხმობით იმ კანდიდატებს, რომელთაც აღმოაჩნდათ ტექნიკური ხარვეზი განაცხადების ატვირთვისას, კონკურსის ტესტირების ეტაპზე გადასასვლელად 2 დღიანი ვადა მიეცემათ.
საკონკურსო საატესტაციო კომისიის 24 ნოემბრის სხდომაზე ვაკანტური თანამდებობების დასაკავებლად განისაზღვრა ის კანდიდატები, რომლებმაც სრულად დააკმაყოფილეს დადგენილი საკვალიფიკაციო მოთხოვნები და გადავიდნენ ტესტირების ეტაპზე.
განისაზღვრა ოზურგეთის მუნიციპალიტეტის საკრებულოს აპარატში ვაკანტური თანამდებობების დასაკავებლად ის კანდიდატები, რომლებმაც, ასევე, სრულად დააკმაყოფილეს დადგენილი საკვალიფიკაციო მოთხოვნები და გადავიდნენ ტესტირების ეტაპზე.
_ ჩვენ ვაძლევთ შანსს იმ ადამიანებს, რომელთაც აღმოაჩნდათ ტექნიკური ხარვეზი საჯარო სამსახურის ბიუროს მიერ ადმინისტრირებულ ვებ-გვერდზე განაცხადების ატვირთვისას. ვითვალისწინებთ რა იმ გარემოებას, რომ ეს იყო საკმაოდ დეტალური და შრომატევადი პროცესი, აპლიკანტებს ვაძლევთ ხარვეზის გამოსწორების შესაძლებლობას, – აღნიშნა მერაბ ჭანუყვაძემ.
(R)
