“ირაკლი ღარიბაშვილსა და ბიძინა ივანიშვილსა შორის, შესაძლოა, დაპირისპირება იყოს“

"ფაქტობრივმა პრემიერმა მოქმედ პრემერს უფლებები შეუზღუდა“, – ასე აფასებს ადვოაკტთა ასოციაციის თავმჯდომარე ზაზა ხატიაშვილი ქვეყანაში მიმდინარე მოვლენებს, რომლიც ვარაუდითაც, საკადრო გადაადგილებები კიდევ გაგრძელდება.

რას უკავშირებს სამთავრობო ცვლილებებს, არის თუ არა დაპირისპირება ივანიშვილსა და ღარიბაშვილს შორის და რა როლი აქვს მიმდინარე მოვლებში საქრთველოს პრეზიდენტს, – ამ და სხვა საკითხებზე "გურია ნიუსი“ ზაზა ხატიაშვილს ესაუბრა.

_ როგორ შეაფასებთ საკადრო გადაადგილებებს და რამდენად მნიშვნელოვანია ასეთი ცვლილებები ქვეყნის წინსვლისთვის?

_ სამთავრობო გადაადგილებები ცუდი არ იყო, ეს არის ირაკლი ღარიბაშვილისთვის აბსოლუტური ძალაუფლების შეზღუდვა. თუმცა, ეს ყოვილმა პრემიერმა ივანიშვილმა ცოტა გვიან დაინახა. რამდენიმე ღია წერილი მივწერე ბიძინა ივანიშვილს და ვადანაშაულებდი, რომ 31 წლის ირაკლი ღარიბაშვილი ვერ მართავდა ეფექტურად სახელმწიფოს და ეს ცუდად შემოუბრუნდებოდა ქვეყანას. ვიცი, რომ არ ქვეყნის განვითარება სამართლებრივი და ეკონომიკური რეფორმების გარეშე არ შეიძლება. ქვეყნის განვითარება დამოკიდებულია პროგრესულ კანონმდებლობაზე, ირაკლი ღარიბაშვილმა კი ეს ვერ უზრუნველყო. ძალიან ბევრი ისეთი კანონი მიიღეს, რამაც კოლაფსი გამოიწვია. როგორც იქნა ბიძინა ივანიშვილი ცოტა გამოცოცხლდა და სწორი გადაწყვეტილებები მიიღო. ფაქტობრივმა პრემიერმა ივანიშვილმა დაარტყა კლანურ მმართველობას. ქვეყნის ეკონომიკური გაჯანსაღებისთვის, ეს მნიშვნელოვანი ნაბიჯია. ეს შეიძლება გახდეს იმის მიზეზი, რომ ქვეყანაში დაიწყოს ისეთი კანონმდებლობების მიღება, რომელიც სამართლებრივ-ეკონომიკურ წინსვლას მოიტანს. ქვეყნის განვითარება უნდა დაიგეგმოს და ყოველთვიურად იფიქრონ ქვეყნის განვითარებაზე. ქვეყანა, რომელსაც ხადური ჰყავს ეკონომიკის მინისტრად, კიდევ კარგ დღეშია.

_ ანუ თქვენც მიიჩნევთ, რომ სამთავრობო ცვლილებებში ბიძინა ივანიშვილის ხელი ურევია?

_ არა მგონია, ეს სხვა ვინმეს გაეკეთებინა. ფაქტობრივად, მან ამით კლანური მმართველობა შეაჩერა და თუ ეს პროცესი გაგრძელდა, ძალიან კარგი იქნება ქვეყნის განვითარებისთვის.

_ როგორ ფიქრობთ, ხომ არ არის ივანიშვილსა და ღარიბაშვილს შორის რაიმე დაპირისპირებაა?  შესაძლებელია, ღარიბაშვილმას დატოვოს თანამდებობა?

_ ივანიშვილი პოლიტიკოსი არ არის, ოლიგარქია, ამიტომ მის ბუნებას ვერავინ გაიგებს, ძალიან რთულია. ის, რომ მან 2012 წელს პოზიტიური როლი ითამაშა არჩევნების წინა პერიოდში და ქვეყანას სისხლისღვრა ააცილა, ეს არ არის საკმარისი იმისათვის, რომ ამისთვის მას ვინმემ ტაში დაუკრას. ხმა ყველამ ივანიშვილს მისცა და არა ჯანყარაშვილს, თამაზაშვილსა და ღარიბაშვილს. აქედან გამომდინარე, ივანიშვილი ხვდება, რომ ხალხი უკმაყოფილოა მთავრობის მუშაობით. ამიტომ არ გამოვრიცხავ, რომ ღარიბაშვილსა და ივანიშვილს შორის დაპირისპირება იყოს. თუმცა, არა მგონია, რომ ღარიბაშვილი დაუპირისპირდეს მას. ივანიშვილს შეუძლია, ნებისმიერ დროს, როცა მოუნდება მაშინ გადააყენოს ღარიბაშვილი. ის აკონტროლებს პარლამენტის აბსოლუტურ უმრავლესობას და როცა დაჭირდება, მაშინ მოხდება სამთავრობო გადაადგილებებიც. ღარიბაშვილს ივანიშვილმა ახლა მხოლოდ გაფრთხილება მისცა, თუ იგივეს გააგრძელებს, მთავარი პროკურორობაც მოუნდება, საკადრო ცვლილებებიც, საქმე ცუდად შემოუბრუნდება. ალასანიას მაღაჩინოსნების დაკავებამ წარმოაჩინა ძალიან დიდი სამთავრობო ეკონომიკური და სამართლებრივი კრიზისი. დამისახელეთ ისეთი ქვეყანა, სადაც ადვოკატებს საქმის მასალების გაცნობის საშაულებას არ აძლევენ; ამასობაში კი, მთავრობის სხდომაზე დაარიგებენ მასალებს, საგანელიძე გააკეთებს განცხადებას, რომ დაკავებულებს დანაშაული აქვთ ჩადენილიო, სამართლებრივი რეაგირება კი ამაზე არ ხდება. ნებისმიერი პრემიერი ამ ამბავს გადაყვებოდა. სისხლის სამართლის მასალებს რომელ მთავრობის სხდომაზე იხილავენ? როდესაც ადვოკატთა ასოციაციის თავმჯდომარე ვუყურებ იმას, რაც წლების წინ ხდებოდა პროდასავლურ ქვეყებში, აგრესია მიჩნდება ივანიშვილის მიმართ.

_  რამდენად არის მოსალოდნელი ვადამდელი საპარლამენტო არჩევნები დაინიშნოს?

_ პარტიები, რომლებიც ამაზე ლაპარაკობენ, ვფიქრობ, წყალს "ქართული ოცნების“ წისქვილზე დაასხამენ. მთავრობამ   ორ წელიწადში ძალიან ბევრი უგუნური ნაბიჯი გადადგა, რითაც მდგომარეობა შეისუსტა. ვფიქრობ, ამ უკანონო ნაბიჯებს ისევ გააგრძელებენ, რადგან ვერ ვხედავ, რომ მათ რამის გამოსწორება უნდოდეთ. ხელისუფლებას ან სამართლებრივ-ეკონომიკური რეფორმების გატარება მოუწევს, კლანური მმართველობაც უნდა გამოირიცხოს, არ მას არანაირი შანსი არ ექნება 2 წლის შემდეგ ისევ მოვიდეს ხელისუფლებაში. თუმცა ახლა რომ არჩევნები ჩაატარონ, ამის არც ფინანსური და არც ეკონომიკური რესურსი არ არის. არა მგონია, ამ შემთხვევაში, რომელიმე პარტაიამ ივანშვილს და მის გუნდს მოუგოს.  ოპიზიციური პარტიები, რომლებიც ვადამდელ საპარლამენტო არჩევნებზე საუბრობენ, ან ვერ აცნობიერებენ შექმნილ ვითარებას, ან ივანიშვილთან გარიგებაში არაინ შესულები.

__ რა ადგილი უჭირავს ამ ცვლილებებში პრეზიდენტს?

_  ვფიქრობ, ქვეყანაში მიმდინარე მოვლენების ფონზე პრეზიდენტი ყველაზე სწორ ნაბიჯებს დგამს. სწორი იყო მისი ვეტო, როცა საქმე შსს-ს გამგებლობაში ე.წ. გასაღების დატოვებას ეხებოდა, პრეზიდენტი ამას არ მიემხრო. მან ამ ნაბიჯით აჩვენა საქართველოს სამოქალაქო საზოგადოებას, რომ ის ხალხს არ დაუპირისპირდება. ეს არის ძალიან დიდი პოზიტივი. მიუხედავად იმისა, რომ ის ივანიშვილის გუნდის წევრი იყო, როდესაც სასწორზე დადგა სამოქალაქო საზოგადოების და შსს-ს ინტერესები, მან საზოგადოების ინტერესები აირჩია. ასევე ძალიან დიდი პოზიტივი იყო პარლამენტის თავმჯდომარის პოზიციაც, ამავე კანონპროექტთან დაკავშირებით. ამიტომ ივანიშვილს ერთი გზა ჰქონდა დარჩენილი, როგორმე შეეზღუდა ღარიბაშვილის უკონტროლო და ძალიან დიდი უფლებები.

_ თუმცა ფარული თვალთვალისა და მიყურადების შესახებ კანონი პარლამენტმა მაინც მიიღო, პრეზიდენტის ვეტომ და დეპუტატთა ნაწილის კრიტიკამ თავისი ვერ გაიტანა. რამდენად სახიფათო კანონი მიიღეს?

_  დაახლოებით 8 თვის უკან გამოვაქვეყნე ჩანაწერები ფინანსური პოლიცია რომ გვისმენდა და გრიფი "საიდუმლო“ ედო ამ მასალებს. ეს იყო ადვოკატ გოგა ონიანის საქმე, თუმცა მასში ჩემი საუბრის ჩანაწერები იდო, ვირაც კაცს რომ ველაპარაკები. კანონი რომ ყოფილიყო ქვეყანაში, ამის ჩამდენი პირები უნდა დასჯილიყვნენ,. თუმცა, ეს ფაქტები რომ არ მოხდეს და ადამიანები არ დაისაჯონ, ამიტომ გავიდა ბესელია-ფოფხაძე-სესიაშვილის კანონპროექტი. ხმალაძის კანონპროექტი რომ გასულიყო და შსს-ს მაინც მოესმინა მოქალაქეებისთვის, ძალიან ადვილად შეგვეძლო გამოგვევლინა დამნაშავე პირი და დაგვესაჯა კიდეც. მაგრამ შსს-ს  უკონტროლო მოსმენებს ახლა უკვე კანონი მფარველობს.

_  ქვეყანაში შექმნილი მდგომარეობიდან გამომდინარე, რა ვითარებაა ადვოკატთა ასოციაციაში?

_ ადოკატთა ასოციაცია, რომელიც სახელმწიფოსგან არ ფინანსდება, ამ ქვეყანაში არის ერთადერთი სეგმენტი, რომელიც ვითარდება. ძალიან ბევრი ნოვაცია გვაქვს შემოღებული და ვაპირებთ კიდევ განვვითარდეთ. ამის ერთ-ერთი მაგალითი ისიც არის, რომ 18-19 დეკემბერს ევროპის ადვოკატთა ასოციაციის პრეზიდენტი ჩამოდის და ადვოკატთა როლისა და პროფესიის განვითარების კონფერენციაში მიიღებს მონაწილეობას. ეს არის ადვოკატთა ასოცოაციის წინსვლის და აღიარების ნიშანი. აქედან გამომდინარე, ვფიქრობ, რომ ძალიან სწორი კუთხით მივდივართ.