წელს დიზაინერებმა და მწარმოებლებმა წარმოადგინეს ბევრი კონცეპცია და მუშა პროტოტიპი ინოვაციური მოწყობილობებისა, რომლებმაც ნამდვილად ააფეთქებდნენ სამომხმარებლო ბაზარს, წარმოდგენილი პროდუქტები რეალურად რომ გამოეშვათ. ამ ბოლო დროს ცნობილი გახდა კიდევ ერთ კონცეპცია- Cicret. ეს არის ჭკვიანი სამაჯური საინტერესო საიდუმლოთ, რომელსაც რთულად თუ გამოიცნობთ.
პროექტი Cicret გარეგნულად ჩვეულებრივი მოწყობილობაა, რომელიც ბრასლეტს ჰგავს, მაგრამ საკმარისია, ჩართოთ ინტეგრირებული პროექტორი, რომ თქვენს მაჯაზე გამოჩნდება ოპერატიული სისტემა ‘ანდროიდის’ მომხმარებლის ინტერფეისის მაღალხარისხიანი პროექცია, აგრეთვე ბევრი აპლიკაცია, რომელიც მოცემულ პლატფორმას იყენებს.
ჭკვიანი სამაჯურის ჩასართავად საჭიროა ერთხელ დააჭიროთ მაჯაზე და გამოჩნდება სენსორული მომხმარებლის ინტერფეისი, იმის მსგავსი, რაც ყოველ დღე გხვდებათ სმარტფონებზე და პლანშეტებზე. პიკო პროექტორის მეშვეობით პროეცირებული გამოსახულება ისევე კარგად გამოიყურება, როგორც თანამედროვე მობილურ მოწყობილობებზე. გარდა ამისა, მომხმარებელს შეუძლია გამოიყენოს ნაცნობი ანდროიდ-ფუნქციები: თითის დაჭერა, ჟესტი და სხვა.
ინოვაციური ჭკვიანი სამაჯური Cicret პროტოტიპის სტადიაშია. პროექტის გუნდმა დაიწყო სახსრების შეგროვება ქრაუდფანდინგის მეშვეობით და იღებს შემოწირულობებს. თქვენ შეგიძლიათ პირდაპირ გაუგზავნოთ Cicret-ის შემქმნელებს ფული ვებ-ვერდის დახმარებით. გუნდი არ აძლევს მომხმარებელს არანაირ დაპირებას და გარანტიას და Cicret-ის წარმოება ჯერ არ დაწყებულა. ბრასლეტის შემქმნელებმა აგრეთვე შეიმუშავეს სპეციალური დამატებითი ფუნქციები ანდროიდისათვის, რომელიც უკვე ხელმისაწვდომია Google Play-ში.
