ამ წუთებში ქალაქ ოზურგეთის ალექსანდრე წუწუნავას სახელობის დრამატულ თეატრში ოზურგეთელი წარმატებული სპორტსმენების დაჯილდოება მიმდინარეობს.
ქალაქ ოზურგეთის მერიის ახალგაზრდობის, სპორტისა და ტურიზმის სამსახურის უფროსმა, ბესიკ მელუამ რამდენიმე მნიშვნელოვანი ინფორმაცია გაავრცელა, რომელიც 2015 წელს მოხდება
"2015 წელს იგეგმება ოზურგეთში საცურაო კომპლექსის მშენებლობა დაიწყოს, ასევე დაგეგმილია ახალგაზრდობის ცენტრის შენობის მშენებლობა. ასევე მინდა გითხრათ, რომ 26 დეკემბერს საქართველოს ჭიდაობის ფედერაციის პრეზიდენტად მანუჩარ კვირკველია აირჩიეს. მომავალ წელს ოზურგეთში გაიხსნება მანუჩარ კვირკველიას სახელობის ვარსკვლავი. მანუჩარი ოზურგეთში გაიზარდა და ჩვენ მისი წარმატება ყოველთვის გვიხარია", _ თქვა ბესიკ მელუამ.
თუ ვინ გახდა საუკეთესო სპორტსმენი და რა კატეგორიაში გადაეცა ოზურგეთელ პროკურორს ჯილდო, ამას დაჯილდოების დასრულებისთანავე "გურია ნიუსიდან" გაიგებთ. დღევანდელი ღონისძიების ორგანიზატორი და ინიციატორი, ქალაქ ოზურგეთის მერია არის.
