იუსტიციის სახლების მშენებლობისას დარღვევები დაფიქსირდა

სახელმწიფო აუდიტის სამსახურმა საქართველოს იუსტიციის სამინისტროს ცენტრალური აპარატის 2011-2013 წლების შესაბამისობის აუდიტის ანგარიში გამოაქვეყნა, სადაც აღნიშნულია, რომ იუსტიციის სახლების მშენებლობებისას ხარვეზები დაფიქსირდა.

აუდიტის სამსახურის დასკვნის მიხედვით, იუსტიციის სახლების მშენებლობა 2012 წელს უნდა დასრულებულიყო, თუმცა რამდენიმე მათგანი დღესაც დაუსრულებელია. ამასთან, ანგარიშის მიხედვით, იუსტიციის სამინისტრომ ვერ წარმოადგინა ოფიციალური დოკუმენტი, სადაც განსაზღვრული  იქნებოდა, თუ რომელი (რომელ რეგიონში) იუსტიციის სახლების მშენებლობები იყო დაგეგმილი შესაბამისი მოცულობებისა და განმახორციელებლების მიხედვით.

"თბილისის, ფოთის, ხაშურის, გურჯაანის, ოზურგეთის, ახალციხის, ახალქალაქის, მარნეულის და ბოლნისის იუსტიციის სახლებიდან ფოთის და ხაშურის იუსტიციის სახლებზე 2014 წლის 1 იანვრის მდგომარეობით გაწეულია მხოლოდ 448 ათასი და 1.7 ათასი ლარის სამუშაოები, რომელიც ირიცხება დაუმთავრებელი მშენებლობის ანგარიშზე. ახალქალაქის და ბოლნისის იუსტიციის სახლების მშენებლობებისათვის სამუშაოები საერთოდ არ გაწეულა. აღსანიშნავია, რომ დაგეგმილი მშენებლობების განუხორციელებლობის ფონზე, 2012 წლის ბოლოს აუთვისებელი დარჩა 4,651.2 ათასი ლარის ვალდებულების რესურსი(მათ შორის: საქონელი და მომსახურების მუხლით 2,207.8 ათასი და არაფინანსური აქტივების ზრდის მუხლით -2,396.3 ათასი ლარი).

ზემოხსენებული განუხორციელებელი პროექტების სანაცვლოდ, დაფინანსდა ლაგოდეხის, წყალტუბოს, ჭიათურის, მცხეთის და ლაზიკისსამშენებლო სამუშაოები (სიტყვიერი განმარტებით დაგეგმილი იყო ლაზიკის იუსტიციის სახლის მშენებლობა, თუმცა შემდეგ გადაწყდა აშენებულიყო ადმინისტრაციული შენობა, რაც სამინისტროს პრიორიტეტებს არ შეესაბამება), რომელთა დაფინანსება გეგმით არ იყო გათვალისწინებული. აღნიშნული სახლები 2014 წლის 1 იანვრის მდგომარეობით, სამინისტროს ბალანსზე აღრიცხულია როგორც შენობა/ნაგებობები და დაუმთავრებელი აქტივები“, _ აღნიშნულია ანგარიშში.

სამინისტროს მიერ წარმოდგენილი ინფორმაციის მიხედვით კი, 2010-2014 წლებში სამინისტროსა და მის მმართველობის სფეროში მოქმედი სსიპ-ების მონაწილეობით დასრულებული 13 იუსტიციის სახლის სამშენებლო-სარემონტო სამუშაოებზე გაწეულია 188,830 ათასი ლარის ხარჯი (სამინისტროს სისტემის გარეთ არსებული ორგანიზაციების მონაწილეობის ჩათვლით კი – 222,002 ათასი ლარი).

კერძოდ, ანგარიშის მიხედვით, თბილისის იუსტიციის სახლის მშენებლობასა და აღჭურვაზე დაიხარჯა 108 422 ლარი, ბათუმის იუსტიციის სახლი 19 724 ლარი,  რუსთავის იუსტიციის სახლი 1857 ლარი, მარნეულის იუსტიციის სახლი 6 746 ლარი, გორის იუსტიციის სახლი 10 753 ლარი

მხოლოდ იუსტიციის სახლების მშენებლობის ნაწილში – 45,236.8 ათასი ლარი დაიხარჯა, ხოლო მათი აღჭურვის ჩათვლით – 49 567 4 ათასი ლარი. შენობების აღჭურვის ჩათვლით კი,  -დაახლოებით 222 მლნ. ლარამდე.

 თელავის იუსტიციის სახლი 4, 806 ათასი ლარი, ოზურგეთის იუსტიციის სახლი 4, 747 ათასი ლარი,  გურჯაანის იუსტიციის სახლი 4,461 ათასი ლარი, ახალციხის იუსტიციის სახლი 6, 389 ათასი ლარი, ქუთაისის იუსტიციის სახლი 9, 393 ათასი ლარი, მესტიის იუსტიციის სახლი 217 ათასი ლარი, ყვარლის იუსტიციის სახლი 3, 677 ათასი ლარი, ზუგდიდის იუსტიციის სახლი 7, 637 ათასი ლარი", _ აღნიშნულია დსკვნაში. 

ამავე დასკვნის მიხედვით, შესამოწმებელ პერიოდში, იუსტიციის სახლების საპროექტო, სამშენებლო-სარემონტო სამუშაოების, მათზე საზედამხედველო მომსახურების, შენობაში განსათავსებელი ავეჯის, ტექნიკისა და შენობის ფუნქციონირებისათვის საჭირო მოწყობილობებისა და აღჭურვილობების შესყიდვის მიზნით, ფინანსური რესურსების მობილიზება და განხორციელება რეგულირდებოდა მთავრობის განკარგულებებით, ვადებისა და მოცულობების მითითების გარეშე.

"ამ მიზნით, მთავრობის მიერ გამოცემული 8 განკარგულებიდან მხოლოდ 4 განკარგულებაშია დაკონკრეტებული ასაშენებელი იუსტიციის სახლის ფილიალის დასახელება (თბილისი, ფოთი, ზუგდიდი, ბათუმი, ქუთაისი, დაბა მესტია). ხოლო სხვა შემთხვევაში (მითითებულია ზოგადად: "იუსტიციის სახლების……..“) დაუსაბუთებელია საბიუჯეტო სახსრების გამოყენების მიზანი“, _ აღნიშნულია დასკვნაში.

რაც შეეხება იუსტიციის სახლების აღრიცხვის ხარვეზებს, აუდიტის სამსახურის ანგარიშის მიხედვით, "2014 წლის 1 იანვრის მდგომარეობით, იუსტიციისსახლების უმრავლესობა არ არის დარეგისტრირებული როგორც სახელმწიფო ქონება და არ არის გადაწყვეტილი სარგებლობის უფლებით მოსარგებლეზე გადაცემის საკითხი, რაც ეწინააღმდეგება საქართველოს მთავრობის 2010 წლის #302  დადგენილებით განსაზღვრულ მოთხოვნებს“. 

"სამინისტროს ბალანსზე რიცხული შენობა-ნაგებობებისა და დაუმთავრებელი აქტივებისრეესტრის მიხედვით, იუსტიციის სახლებზე გაწეული სამუშაოების მთლიანი ღირებულება შეადგენდა167,391.3ათას ლარს. აქედან, დაუმთავრებელი აქტივის სახით ასახულია 143,657 ათასი ლარის და არასაცხოვრებელი შენობა-ნაგებობების ანგარიშზე აღრიცხულია 23,734 ათასი ლარის აქტივი.

ერთი და იგივე იუსტიციის სახლების მშენებლობა განხორციელებულია სამინისტროს სისტემის სხვადასხვა სუბიექტის მიერ, კერძოდ: სსიპ აღსრულების ეროვნული ბიუროს, სამინისტროს ცენტრალური აპარატის, სსიპ საჯარო რეესტის ეროვნული და სსიპ სახელმწიფო სერვისების განვითარების სააგენტოს მიერ.

იუსტიციის სახლის შემთხვევაში 13 ერთიდაიგივე იუსტიციის სახლი სხვადასხვა განმახორციელებლის მიერ ნაწილი აღრიცხულია როგორც დამთავრებული შენობა/ნაგებობა და ნაწილი როგორც დაუთავრებელი აქტივი.

მაგალითად:  ბათუმის იუსტიციის სახლზე გაწეული სამუშაოების სსიპ-საჯარო რეესტრისა და სსიპ-სერვისების განვითარების სააგენტოს მიერ აღრიცხულია შენობა/ნაგებობების #2112საბალანსო ანგარიშზე და სამინისტროს აპარატისა და სსიპ-აღსრულების ეროვნული ბიუროს მიერ – დაუმთავრებელი აქტივის #2140 საბალანსო ანგარიშზე;

ახალციხის იუსტიციის ფილიალზე გაწეული სამუშაოები, სსიპ-საჯარო რეესტრის მიერ აღრიცხულია შენობა/ნაგებობების ანგარიშზე და აპარატის მიერ-დაუმთავრებელი აქტივის ანგარიშზე;

ქუთაისის იუსტიციის ფილიალზე სსიპ-აღსრულების ეროვნული ბიუროს მიერ აღრიცხულია დაუმთავრებელი აქტივის ანგარიშზე და აპარატის მიერ – შენობა/ნაგებობების ანგარიშზე და. აშ.

ხშირ შემთხვევაში კონკრეტული იუსტიციის სახლის ფილიალის მშენებლობაში მონაწილეობს სამინისტროს სისტემის 2-4 სუბიექტი (თუმცა კონკრეტულ შემთხვევებში დამფინანსებელი ასევე სამინისტროს სისტემის გარეთ არსებული ორგანიზაციებიც არიან), რაც იწვევს იუსტიციის სახლების აღრიცხვიანობის, ექსპლოატაციაში მიღებისა და უძრავი ქონების სახელმწიფო რეგისტრაციის საკითხებთან დაკავშირებულ პრობლემებს", _ აღნიშნულია ანგარიშში.

აუდიტის დასკვნის მიხედვით, "ზემოაღნიშნული პრობლემების თავიდან აცილება შესაძლებელი იქნებოდა, ერთი დამკვეთის (სსიპ-იუსტიციის სახლის) განსაზღვრის შემთხვევაში. თუმცა, იმის გათვალისწინებით, რომ აღნიშნული სსიპ-ი შეიქმნა 2012 წლის 2 აგვისტოს, 2010 წლიდან დაწყებული იუსტიციის სახლების მშენებლობების და დამთავრებული ობიექტების ექსპლოატაციის, იუსტიციის ფილიალების ბალანსზე აღრიცხვისა და სახელმწიფო რეგისტრაციის საკითხები 2014 წლის 1 იანვრის მდგომარეობით მოგვარებული არ ყოფილა“.