სახელმწიფო აუდიტის სამსახურმა საქართველოს იუსტიციის სამინისტროს ცენტრალური აპარატის 2011-2013 წლების შესაბამისობის აუდიტის ანგარიში გამოაქვეყნა, სადაც აღნიშნულია, რომ 2011-2012 წლებში ავტომანქანების შესასყიდად სამინისტრომ არაეკონომიურად 59, 39 ათასი ლარი გახარჯა.
ამავე დასკვნის მიხედვით, სამინისტრომ ავტომანქანები ტენდერის გვერდის ავლით შეისყიდა, რაც საბიუჯეტო სახსრების არარაციონალურ ხარჯვაზე მიუთითებს.
კონკრეტულად კი, გამარტივებული შესყიდვის საშუალებით განხორციელებული ავტომანქანების ჩანაცვლების შედეგად სამინისტრომ მომწოდებელ კომპანიებს 1,204.62 ათასი ლარი გადაურიცხა.
აუდიტის დასკვნაში აღნიშნულია, რომ ძირითადად ჩანაცვლებულია პროკურატურის მიერ სამინისტროსთვის გადმოცემული ავტომანქანები, ხოლო ჩანაცვლებით მიღებული 41 ავტოსატრანსპორტო საშუალებებიდან 20 ერთეული საქართველოს პროკურატურას გადაეცა.
"ინფორმაციის მიხედვით, ჩასანაცვლებელი 75 ერთეული ავტომანქანის (მათ შორის 12ერთეული შეფასებულია მათ ნარჩენ საბალნსო ღირებულებაზე დაბალ ფასად), სანაცვლოდ მომწოდებელი კომპანიებისაგან მიღებულია გაცილებით მეტი ღირებულების 41 ერთეული ახალი ავტომანქანა, რის შედეგადაც მომწოდებლებისათვის გადარიცხულია 1,204.62 ათასი ლარის ფასთა სხვაობა.
სულ 2011-2012 წლებში სამინისტროს ზემოაღნიშნულ კომპანიებთან გამარტივებული შესყიდვის საშუალებით გაფორმებული აქვს 18 ხელშეკრულება. მათ შორის, შპს "ქარ რენთ ენდ13 თრეიდ კომპანისთან" გაფორმებული ხელშეკრულებების მიხედვით, სამინისტრომ კომპანიას გადასცა 708.14 ათასი ლარის ღირებულების 66 ერთეული ავტომანქანა, სანაცვლოდ კომპანიამ სამინისტროს მიაწოდა 1,662 ათასი ლარის ღირებულების 32 ერთეული ავტომანქანა (ანუ, კომპანიისათვის გადაცემული ავტომანქანების ღირებულებამ შეადგინა მოწოდებული ავტომანქანების ღირებულების 43%). შესაბამისად, სამინისტრომ კომპანიას გადაურიცხა 953.9 ათასი ლარის ფასთა სხვაობა, რაც მოწოდებული ავტომანქანების ღირებულების 57%-ს შეადგენს.
აღნიშნულ კომპანიასთან გაფორმებული ხელშეკრულებების მიხედვით, სამინისტროს მიერ ფასთა სხვაობის შესავსებად გადარიცხული თანხის თანაფარდობა, კომპანიის მიერ მიწოდებული ავტომანქანების ღირებულებასთან მიმართებაში მერყეობს 89-99%-ის ფარგლებში. ანალოგიურად, შპს "იბერიაავტოსთან", შპს "კრეს ავტო ჰაუსთან" და შპს"კიამოტორს ჯორჯიასთან" გაფორმებული ხელშეკრულებების მიხედვით21პროცენტული თანაფარდობა 84-94%-ის ფარგლებშია.
გამარტივებული შესყიდვის საშუალებით განხორციელებული ავტომანქანების ჩანაცვლების შედეგად მიღებული პროცენტული მაჩვენებლები მიუთითებს საბიუჯეტო სახსრების არარაციონალურ ხარჯვაზე ტენდერის გვერდის ავლით. ელექტრონული ვაჭრობისას (კონკურენციის პირობებში) კი შესაძლებელი იქნებოდა ტენდერში უპირატესობის მოსაპოვებლად პრეტენდენტების მიერ ფასების მკვეთრად დაწევით ეკონომიის მიღწევა.
2011-2012 წლებში აღნიშნული ოპერაციებით სულ შუამავალი რგოლის ჩართვით სამინისტროს მიერ არაეკონომიურად გახარჯულია 59.39 ათასი ლარი.
კერძოდ: შპს "ქარ რენთ ენდ თრეიდინგ კომპანის" მიერ წარმოდგენილი დოკუმენტების მიხედვით, გაირკვა, რომ 2011 წელს აღნიშნულ კომპანიას სამინისტროს აპარატისთვის მიწოდებული 15 ერთეული ავტომანქანა შეძენილი ჰქონდა 628.3 ათას ლარად: 14 ერთეული შეძენილია ს.ს. "ჰიუნდაი ავტო საქართველოსგან" 563.5 ათას ლარად, ხოლო 1 ერთეული-შპს "ტოიოტა ცენტრი თბილისისგან"- 64.8 ათას ლარად.
აღნიშნული ავტომობილები კომპანიამ სამინისტროს მიაწოდა 652.3 ათას ლარად. შესაბამისად, ადგილობრივ ბაზარზე შუამავალი კომპანიის საშუალებით ა/მანქანების შესყიდვით სამინისტრომ არაეკონომიურად გახარჯა 20.31 ათასი ლარი (სხვა ხარჯების გათვალისწინებით. კერძოდ კი, 2011 წელს ჩანაცვლებული 55 ერთეული სატრანსპორტო საშუალებიდან 14 ერთეული კომპანიას ჩაბარებული აქვს ჯართში-ერთი ტონა 236 ლარად).
ანალოგიურად, 2012 წელს შპს "ქარ რენთ ენდ თრეიდინგ კომპანის" მიერ სამინისტროსთვის მიწოდებული 17 ერთეული ავტომანქანა კომპანიას შეძენილი ჰქონდა ავტომანქანების იმპორტიორი სხვადასხვა ფირმებისგან (შპს "ტოიოტა ცენტრი თბილისი", შპს "კია მოტორს ჯორჯია", შპს "ჯი-თი-მოტორსი", ს.ს. "ჰიუნდაი ავტო საქართველო") 968.4 ათას ლარად, რომელიც სამინისტროს მიჰყიდა 1,009.72 ათას ლარად. მომწოდებლის მიერ გაწეულმა გაწეულმა სახელმწიფო რეგისტრაციის ხარჯმა შეადგინა 5.44 ათასი ლარი.
სახელმწიფო რეგისტრაციის ხარჯმა შეადგინა 2.24 ათასი ლარი. შესაბამისად, არაეკონომიურად გაწეულია 39.08 ათასი ლარის ხარჯი", _ აღნიშნულია აუდიტის დასკვნაში.
ამავე დასკვნის თანახმად, აღნიშნული კომპანიის მიერ წარმოდგენილი ინფორმაციის მიხედვით ასევე გამოვლინდა, რომ 2011-2012 წლებში ჩანაცვლებული 66 ერთეული ავტომანქანიდან 46 ერთეულის რეალიზაცით შპს "ქარ რენთ ენდ თრეიდინგ კომპანიმ" მიიღო 157.7 ათასი ლარის მოგება.
სამინისტროს მიერ ავტომანქანები ძირითადად გადაცემულია ნარჩენი საბალანსო ღირებულებით, თუმცა ექსპერტის მიერ შეფასებული ავტომანქანები საბაზრო ფასზე 62.2%-ით ნაკლებია. კერძოდ, 42.1 ათას ლარის ნარჩენი საბალანსო ღირებულების 5 ავტომანქანა შეფასებულია 25.7 ათას ლარად, ხოლო მათი რეალიზაციით მიღებულმა შემოსავალმა შეადგინა 41.9 ათასი ლარი, რის შედეგადაც კომპანიამ მიიღო 16.2 ათასი ლარის მოგება.
