ახალი 2015 წლის შესახვედრად და დასაგემოვნებლად ჟურნალ "ფორბსმა" ღვინისა და ალკოჰოლური სასმელების სია გამოაქვეყნა. სტატიის ავტორმა კითხვით მიმართა სომელიეების, ბარმენებისა და ღვინის კრიტიკოსების ჯგუფს თუ რომელი სასმელის დაგემოვნება ან უფრო ხშირი მოხმარება სურთ 2015 წელს, ან რომელ სასმელს შესთავაზებენ აგრეთვე მომხმარებელს. ღვინის კრიტიკოსმა ალის ფეირინგმა საუკეთესოთა შორის ქართული ღვინო დაასახელა.
ფორბსი აღნიშნავს, რომ საქართველო შეიძლება არ იყოს ცნობილი რიგითი ღვინის მომხმარებლისთვის, თუმცა ფაქტია, რომ ამ ქვეყანაში ღვინის წარმოება ყველა სხვა ქვეყნებზე ადრე დაიწყო (დაახლოებით 8000 წელია).
„ისინი აღმოჩენაა, საუკეთესო გზა, რომ გახსნა გონება სხვადასხვა სამყაროსთვის. 2012 და 2013 წლის მოსავალი საუკეთესოა“ ამბობს ალისა ფეირინგი.
სტატიაში აღნიშნულია, რომ ნარინჯისფერი ღვინის (მიიღება თეთრი ყურძნის დაწურვის შემდეგ ჩენჩოსთან მეტი კონტაქტის შედეგად) დაწურვა პოპულარული მეთოდია და თუ არასდროს გაგისინჯავთ ასეთი ღვინო, მაშინ, საქართველოზე უკეთეს ადგილს ვერ ნახავთ მის დასაგემოვნებლად. "ნარინჯისფერი ღვინო ზოგჯერ შეიძლება ზედმეტად ტანინიანი იყოს და ზომაზე მეტად მშრალი მაგრამ ეს ღვინოები წვნიანია და აქვთ ხილის არომატის და სტრუქტურის ბალანსი. დახუჭეთ თვალები, წარმოიდგინეთ რომ მიირთმევთ წითელ ღვინოს და თქვენ ის შეგიყვარდებათ".
ფეირინგი რეკომენდაციას უწევს ღვინოებს "ალავერდის მონასტრის მარანი", "ხოხბის ცრემლები" და "იაგოს ღვინო".
ვრცლად სტატია იხილეთ შემდეგ ლინკზე
