ოზურგეთის მუნიციპალიტეტის 2012-2013 წლების საფინანსო-ეკონომიკური საქმიანობის შესაბამისობის აუდიტის ანგარიშში მეტად სკანდალური აღმოჩნდა.
ოზურგეთის მუნიციპალიტეტში აუდიტორული ფირმების მიერ ჩატარებული 2012-2013 წლების "წლიური ბიუჯეტის შესრულების ანალიზი და საბუღალტრო აღრიცხვა-ანგარიშების მოქმედ კანონმდებლობასთან შესაბამისობის აუდიტორიული შემოწმება."
აუდიტორულ ფირმებზე ანაზღაურების სახით გადახდილია – 6.6 ათასი ლარი. აუდიტორული ფირმებს გაცემული აქვთ დადებითი დასკვნები. აუდიტის ანგარიშები ძირითადად მოიცავს წლიური ბიუჯეტების სტატისტიკურ მიმოხილვას, იმის მითითების გარეშე, რამდენად აკმაყოფილებს წლიური ბიუჯეტი საბიუჯეტო კოდექსის მოთხოვნებს, სათანადოდ არის თუ არა კლასიფიცირებული შემოსავლები და ხარჯები, რამდენად შეესაბამება ბიუჯეტში ასახული მონაცემები რეალურ მაჩვენებლებს. მუნიციპალიტეტის ბუღალტრულ აღრიცხვისა და ფინანსურ ანგარიშგებებს ჩატარებული აუდიტის დასკვნები ეხება ნაწილობრივ და მითითებულია, რომ მნიშვნელოვანი სახის გადაცდომები გამოვლენილი არ არის.
თუმცა სახელმწიფო აუდიტის სამსახურის მიერ ჩატარებული იმავე პერიოდის ფინანსური ანგარიშგების აუდიტით გამოვლენილია მუნიციპალიტეტის ბუღალტრული აღრიცხვის სისტემის რიგი უზუსტობები და ნაკლოვანებები, რაც დაფიქსირებულია ფინანსური აუდიტის ანგარიშში. შსს-ს ადგილობრივ ორგანოებზე გაწეული ხარჯი ოზურგეთის მუნიციპალიტეტის მიერ 2012 წელს პოლიციის ადგილობრივ განყოფილებაზე გაცემულია 70.0 ათასი ლარი.
გაწეული არჯების ფარგლებში მუნიციპალიტეტის მიერ დაფინასებულია სხვადასხვა ხარჯი, კერძოდ, კომუნალური ხარჯი – 66.3 ათასი ლარი, საწვავის ხარჯი – 3.7 ათასი ლარი.
აღსანიშნავია, რომ იმ პირობებში, როდესაც ოზურგეთის მუნიციპალიტეტი საკუთარი შემოსავლების სიმცირის გამო გათანაბრებითი ტრანსფერის სახით ფინანსდება სახელმწიფო ბიუჯეტიდან, მიზანშეწონილი არ არის პოლიციის ადგილობრივი განყოფილების ხარჯების გაწევა სახელმწიფო ბიუჯეტის პრეროგატივაა.
საკონსულტაციო მომსახურების შესყიდვა 2012-2013 წლებში ოზურგეთის მუნიციპალიტეტის მიერ გაფორმებულია ხელშეკრულება შპს "დაუ+"-სთან, საერთო ღირებულებით 9.6 ათასი ლარი, რომელიც ითვალისწინებდა საბიუჯეტო საკითხებზე საკონსულტაციო მომსახურების შესყიდვას.
აღსანიშნავია, რომ იმ პირობებში, როდესაც ოზურგეთის მუნიციპალიტეტის საფინანსო სამსახურში დასაქმებულია 12 თანამშრომელი, რომელთა უფლება-მოვალეობა საბიუჯეტო კანონმდებლობის ცოდნა და პრაქტიკაში განხორციელება, მიზანშეწონილი არ არის ანალოგიურ საკითხებზე კონსულტანტის მომსახურების შესყიდვა და ხარჯის გაწევა.
შპს "ოქტან-მედეა" (დაბა ურეკის ბულვარის მშენებლობა) 2012 წელს მუნიციპალიტეტთან გაფორმებული #133 ხელშეკრულების საფუძველზე შპს "ოქტან-მედეამ" შეასრულა ოზურგეთის მუნიციპალიტეტის დაბა ურეკში, სანაპირო ზოლზე ბულვარის მოწყობის სამუშაოები, ღირებულებით 499.7 ათასი ლარი.
აღსანიშნავია, რომ ხარჯთაღრიცხვით გათვალისწინებული სამუშაოების დიდი ნაწილი შემსრულებლის მიერ შეცვლილია ხარჯთაღრიცხვის შესაბამისი კორექტირების გარეშე, როგორც სამუშაოს სახეობები, ასევე ღირებულებები. შედეგად, ხარჯთაღრიცხვისა და შესრულებული სამუშაოს აქტი (ფორმა#2) მონაცემები მნიშვნელოვანი განსხვავებით არის წარმოდგენილი.
ასფალტბეტონის მეორეული მასალის გამოუყენებლობა 2012 წლის 31 მაისის #101 ხელშეკრულებით შპს "გზამშენი-18"-ს შესრულებული აქვს ოზურგეთში ქუჩებისა და ტროტუარების რეაბილიტაცია. სამუშაოების შესრულებისას, ქალაქის ქუჩებიდან და ტროტუარებიდან აღებულია ძველი ასფალტბეტონის საფარი – 674 კუბ.მ, რაც შედგენილი ფორმა #2-ის მიხედვით, შემსრულებლის მიერ გატანილია "ნაყარში".
აღებული ასფალტბეტონის ტრანსპორტირებისთვის მუნიციპალიტეტის მიერ გაწეულია 9.6 ათასი ლარის ხარჯი. აღსანიშნავია, რომ ასფალტბეტონის ძველი საფარის გამოყენება შესაძლებელია მოხრეშვითი სამუშაოების ან გზების ასფალტირებისას ქვესაგებ ფენად. ანალოგიური მასალა ოზურგეთის მუნიციპალიტეტს 2012-2013 წლებში გამოყენებული აქვს სოფელ კონჭკათში გზის სარეაბილიტაციო სამუშაოებზე და 2013 წელს – დაბა ნასაკირალში გზების აღდგენით სამუშაოებზე. რამდენიმე წუთში "გურია ნიუსის" მკითხველი გაიგებს 145 000 ლარად შესყიდული გრეიდერის ორმაგი ხარჯების შესახებ.
