ოზურგეთის მუნიციპალიტეტის მიერ სოციალური დახმარების სახით 2012 -2013 წლებში გახარჯულია 2198,4 ათასი ლარი.
სოციალური დახმარებების პროგრამები, მისი გაცემისა და მიღების წესი დამტკიცებულია საკრებულოს დადგენილებით. წარმოდგენილი დოკუმენტების მიხედვით, სოციალური პროგრამებით გახარჯული თანხების შემოწმებით, გამოვლენილია გარკვეული უზუსტობები და სისტემატური ნაკლოვანებები, კერძოდ:
2013 წელს სოციალური პროგრამებიდან ნაშთის სახით მორჩენილია 41, 3 ათასი ლარი. პროგრამებით გათვალისწინებული თანხების სწორად გადანაწილების შემთხვევაში, შესაძლებელი იყო აღნიშნული თანხის სხვა პროგრამებში გამოყენება. კერძოდ: უფასო სასადილოს მომსახურების 5 პრეტენდენტს უარი ეთქვა ბენეფიციარად აღრიცხვაზე პროგრამის დაფინანსების უკმარისობის გამო.
მუნიციპალიტეტის სოციალურ სამსახურს არ გააჩნია იმ პირთა ელექტრონული ბაზა, რომელთაც გაეწია ერთჯერად დახმარება, მისი მეშვეობით შესაძლებელი იქნებოდა პირის იდენტიფიცირება, აღნიშნულიდან გამომდინარე მაღალია რისკი, რომ ერთჯერადი დახმარებები ბენეფიციარებზე წლის განმავლობაში მრავალჯერ გაიცეს.
