საქსო ბანკის ცნობით, 2015 წელს გლობალური ეკონომიკის დასაბალანსებლად საჭირო იქნება განვითარებადი ქვეყნების ეკონომიკური ზრდის შენელების წინააღმდეგ ზომების მიღება, დეფლაციის წინააღმდეგ ბრძოლა და მშპ-სთან მიმართებაში სახელმწიფო ვალის შემცირება.
საქსო ბანკის მთავარი ეკონომისტი, სტინ იაკობსენი აღნიშნავს, რომ საბოლოო ჯამში 2015 წელს სიტუაციის დასარეგულირებლად, სულ მცირე, სამი რამაა საჭირო, ესაა დოლარის კურსის დაწევა, სტაბილური და ოდნავ მაღალი ფასები ენერგომატარებლებზე და სტაბილური საპროცენტო განაკვეთები.
საქსო ბანკის ინფორმაციით, 2015 წელს სავალუტო ბაზრებზე მნიშვნელოვანი რყევებია მოსალოდნელი. მართალია, აშშ დოლარის გამყარების ტენდენცია შეიცვლება შესუსტებისკენ, მაგრამ წლის პირველ კვარტალში, მწვანე კუპიურა კვლავ განაგრძობს გამყარებას სავალუტო ომების ფონზე, რაც განსაკუთრებით აზიის ქვეყნებში შეინიშნება.
2015 წლის 1-ელ კვარტალში სავალუტო ბაზრისთვის საქსო ბანკის მთავარი რეკომენდაციაა აშშ დოლარი/შვეიცარიული ფრანკი კომბინაციაში გრძელი პოზიციის დაკავება, რათა ბაზრის მონაწილეები მომზადებული დახვდნენ შვეიცარიის ეროვნული ბანკის შესაძლო სადამსჯელო უარყოფით განაკვეთებს მარტში.
საქსო ბანკი აფრთხილებს დაინტერესებულ მხარეებს იმის თაობაზე, რომ კურსის დინამიკა არასტაბილური იქნება, რამდენადაც ნასესხები კაპიტალის მქონე მოვაჭრეებს უკვე საკმაოდ გრძელი პოზიცია უკავიათ აშშ დოლართან მიმართებაში და ამ კუთხით მომზადებული არიან მნიშვნელოვანი რისკებისთვის, თუკი წელი გაიწელება აქტივების ბაზარზე დესტაბილიზაციის გამო, ფედერალური სარეზერვო ბანკის მიერ დაგეგმილი ლიკვიდურობის შემცირების ფონზე.
საქსო ბანკი, რომელიც მულტიაქტივებით მოვაჭრე და საინვესტიციო ინტერნეტ დაწესებულებაა, კერძო ინვესტორებსა და ინსტიტუციონალურ კლიენტებს საინვესტიციო სტრატეგიების განსახორციელებლად, ინსტრუმენტების სრულ ნაკრებს სთავაზობს.
საქსო ბანკი დაარსდა 1992 წელს, მისი შტაბბინა მდებარეობს კოპენჰაგენში, ფილიალები გახსნილი აქვვს ევროპის, აზიის, ახლო აღმოსავლეთის, ლათინური ამერიკისა და აფრიკის 26 ქვეყანაში, მათ შორის – ავსტრალიაში.
